نار العشق

الفصل 21

ف صباح يوم جديد
استيقظ ارسلان بنشاط ، و ذهب اخد شاور و ارتدي ملابسه و نزل ذهب الي غرفه اخته ودق الباب ، فأذنت له رزان بالدخول ، دخل ارسلان واغلق الباب
رزان : صباح الخير يا قلبي
ارسلان : صباح النور يا حبيبتي
رزان : هتروح الشركه انهارده
ارسلان : اه ، وانتي
رزان : هروح عند بابا الاول ، وبعد كدا هروح لهاندا
ارسلان : امممم ، مش ملاحظه انك واخده راحتك ، وبتروحي وقت ما انتي عاوزه ، ومتروحيش وقت ما انتي عاوزه برضو
رزان بمزح : اممممم واخده بالي ، بس محدش قالك ان دي شركه اخويا ، يعني انا حره
ارسلان : لا محدش قالي
رزان : طيب يا عم انا عرفتك اهوه ، اي خدمه
ارسلان : شكرا يختي ، بس هو معني ان اخوكي صاحب الشركه انك مش ممكن تطردي
رزان وهي تتعلق ف رقبته : تؤتؤ ، ده اخويا حبيبي قمرر ، مستحيل يعملها
ارسلان : ثبتيني كدا
رزان بضحك : بالضبط
ارسلان : طب يختي ، يلا عشان اوصلك
رزان : انت مش ملاحظ ، انك بقيت بتوصلني ف كل حته
ارسلان بحزن مصطنع : وانتي زعلانه ولا اي
رزان : لا طبعا ، ده انا ببقا فخوره بيك قدام الكل ، انت عارف يا ارسلان رغم ان بابا طلع عايش و انا فرحانه جدا ، الا ان انت هتفضل ابويا واخويا وكل حياتتي ، ربنا يخليك ليا يا حبيبي
ارسلان بسعاده من كلمات اخته : ويخليكي ليا يا حبيبتي ، المهم انتي عاوزه تعرفي انا ليه بقيت بوصلك الفتره دي
رزان : ايوه
ارسلان : عشان بعد الي حصل لهاندا انا بقيت خايف عليكي ، ف كدا هيبقي امان اكتر + ان انا عاوز اتكلم معاكي ف موضوع انهارده
رزان : موضوع اي
ارسلان : يلا بس وهحكيلك ف العربيه ، لاننا اتاخرنا
رزان وهي تاخد حقبيتها والبوم : يلا
ارسلان وهو ينظر للالبوام باستغراب : اي ده
رزان بحمااس : ده البوام فيه كل صورنا مع بابا ، هفرجه عليها ، يمكن اقدر اساعده يفتكر
ارسلان بأمل : يارب
وخرج ارسلان ورزان وركبوا العربيه و قاد ارسلان ف طريقه الي والده
تحدثت رزان : اي بقا الموضوع
ارسلان : اولا انا هتكلم مع سليم ومراد انهارده ف موضوع بابا ، لازم نشوف حل
رزان : مراد هيعرف
ارسلان : اكيد
رزان : تمام
ارسلان : طبعا مش ده الموضوع الي عاوزك فيه
رزان : اومال
ارسلان : هاندا
رزان بانتباه : مالها
ارسلان : انا بحبها
رزان برخامه : طب ما انا عارفه
ارسلان : عارفه ازاي بقا ان شاء الله
رزان : باين عليك اووي يخويا ، المهم انت عاوزني انا في اي
ارسلان : اولا عاوز اعرف بتحب اي ، وبتكره اي ، اي الحاجات الي بتفرحها وتزعلها ، كدا يعني
رزان : لا ده انت عاوز قعده طويله بقا ، ف انا اروح لبابا وانت تروح الشركه و بعدين توديني لهاندا اطمن عليها وبعد كدا نروح مطعم او كافيه نتكلم شويه و اقولك كل حاجه و اساعدك
ارسلان : خلاص تمام يا حبيبتي
رزان : وقعت يا قلبي ومحدش سما عليك 😂
ارسلان : بطلي رخامه ويلا انزلي
رزان : انت مش هتدخل
ارسلان : لا طبعا هدخل ، صح بقولك
رزان : نعم
ارسلان : رزان اوعي تجيبي سيره لبابا علي موضوع سميه تمام
رزان : تمام
دق ارسلان الباب ، فتح احمد و استقبلهم بحب كبير و رزان حضنته و فعل ارسلان المثل ، و جلس ارسلان قليلا ثم ذهب لعمله وظلت رزان فقط مع والدها
رزان و هي تفتح الالبوام : انا جبتلك كل الصوره التي تجمعنا ببعض ، عشان افرجك عليها ، يمكن تفتكر حاجه
احمد : ان شاء الله افتكر
رزان : يارب
وبدأت رزان تفرجه علي الصور وهو كان مندمج دا ، وكان فرحان وهي كانت عامله تعرفه علي الاشخاص الي موجوده ف الصور ، لحد ما جات صوره لسميه
احمد بتساؤل : مين دي
رزان : دي ماما سميه ، الصوره دي كانت ف حفله عندنا ف البيت تبع شغلك ، عشان حضرتك كنت اتكرمت ف الشغل ، وكانت اول مره تحضر معاك حفله بس حضرتك اصريت عشان كنت عاوز تعرف الناس علي مراتك
احمد : تمام
احمد وهو يشاور علي صوره راجل واقف بجانبه و يضحكون : مين ده
رزان : ده اونكل مهاب صاحب حضرتك ، حضرتك كنت بتعتبره اكتر من اخوك ، بس بعد ما حضرتك قالوا انك اتوفيت هو مظهرش خالص
احمد : صحيح يا رزان ، هو انا اتعملي عزا
رزان : لا ، ارسلان رفض يتعمل لحضرتك عزا ، الا لما يلاقي اي حاجه تدل انك اتوفيت
احمد : تمام ، يلا خلاص كفايه كدا انهارده و تعالي ناكل ، وبعدين تحكيلي عن حياتك
رزان : تمام
احمد : بتعرفي تعملي اكل
رزان : الصراحه لا ، بس حضرتك بتعرف تعمل اكل تحفه
احمد : اي ده يعني انا من زمان بعرف اطبخ
رزان : اه
احمد : اصل انا استغربت لما كنت بطبخ وانا ف اسكندريه ، بس قولت عادي ، الحادثه غيرت فيا حاجات كتيرر
رزان : لا حضرتك من زمان كدا ، ده حضرتك احسن من 100 شيف
احمد بضحك : بكاشه 😂
( نسيبهم بقا ياكلوا ونروح لارسلان 😂 )
عند ارسلان
دخل الشركه بهيبته المعتاده و نظرات الفتيات عليه ، ولكن هو لم يعطيهم اهتمام
ارسلان للسكرتيره الاحتياطيه بدل من هاندا : فين مراد
السكرتيره باحترام : مستني حضرتك ف المكتب
ارسلان : تمام ، ابعتيلي واحد قهوه
السكرتيره : حاضر يا فندم
ارسلان : ولما يجي واحد اسمه دكتور سليم دخليه علي طول
السكرتيره : تؤمر بحاجه تانيه يا فندم
ارسلان : شكرا
دخل ارسلان مكتبه ، وجد مراد يجلس يلعب ف التليفون
ارسلان بتريقه : منور
مراد بضحك : نورك يا حبيبي
ارسلان : عامل اي
مراد بمزح : احسن منك
ارسلان بجديه : عاوزك تركز معايا ، لان هتكلم معاك ف كذا موضوع
مراد بانتباه وتركيز : تمام قول يا صاحبي
ارسلان : اولا سليم زمانه جاي ، لان في موضوع سليم لازم يبقي موجود
مراد: تمام ، اتكلم ف اي موضوع تاني
ارسلان : اولا موضوعك انت ورزان
مراد : ماله ، وافقت ولا رفضت
ارسلان : اصبر واتنيل اسمعني
مراد : حاضرر
ارسلان : انا موافق لان مش هلاقي احسن منك يا صاحب عمري + ان رزان بتحبك جدا ، و رزان تبقي بنتي قبل ما تبقي اختي ف مينفعش اكسر فرحتها مهما كان
مراد وهو يحضنه : ربنا يخليك ليا يا صاحبي
ارسلان : ويخليك ليا ، بس ده ميمنعش انك لو زعلتها ف يوم هطلع منك كتاكيت صغيره يا مراد
مراد : انت بتتحول مره واحده كدا ليه
ارسلان : سمعت ولا اقول تاني
مراد : سمعت يا باشا ، المهم اقول لابويا و امي امتي عشان نجي
ارسلان : استني شويه ، لان انا متلغبط اليومين دول ف حاجات كتيرر
مراد : مالك يا ارسلان ، انت بقالك فتره غريب ومش ارسلان الي انا اعرفه
ارسلان : هتعرف كل حاجه دلوقت ، المهم تاني موضوع
مراد : اي
ارسلان : انا بحب هاندا
مراد : طب ما انا عارف ، و كنت مستني تجي تقولي
ارسلان : يا رب صبرني ، هو كل ما اقول لحد يقولي طب ما انا عارف ، للدرجاتي انا مفضوح كدا 😂
مراد : غيرتك هي الي فضحتك يا بني
ارسلان : ازاي بقا
مراد : يعني مثلا لما غيرت ف المطار لما هاندا حضنتني ، لما غيرت عشان دخلتلها الاوضه ف المستشفي لوحدي ، لما بتغير وهي بتحضني وبتسلم عليا رغم ان انت عارف انها اختي
ارسلان : و لما انت عارف ان انا بتنيل اغير ، بتجي جمبها ليه
مراد : يا عم دي اختي
ارسلان : طيب يخويا ، انا قولت اعرفك عشان احنا عمرنا ما خبينا حاجه علي بعض
مراد : انا اسف ولله اني خبيت عليك اني بحب رزان ، بس انت عارف الظروف
ارسلان : ماشي يا عم مسامحك المره دي
مراد : حبيبي يا برنس ، اي الموضوع التاني بقا
ارسلان : بابا
مراد : ماله ، عرفت عنه حاجه ، عايش ولا مايت
ارسلان : ممكن تصبر دقيقه عشان اعرف اتكلم
مراد : اتكلم ياعم
ارسلان : فاكر يوم حادثه هاندا
مراد : اه طبعا فاكر هو ده يوم يتنسي
ارسلان : في اليوم ده بقا كنت بتكلم ف التليفون ......
وقص ارسلان علي مراد كل شئ منذ البدايه
مراد بدهشه : يعني عم احمد كان عايش مع سليم
ارسلان : اه
وكان مراد سوف يتكلم ولكن دق الباب فسمح ارسلان للطارق بالدخول ف دخل سليم و رحب به ارسلان و سلم عليه هو ومراد ، جلس سليم فتكلم ارسلان
ارسلان : انا مرضتش اتكلم الا لما انت تجي ، عشان مقولش الكلام مرتين ، وكمان عشان نفكر مع بعض
سليم : في اي يا ارسلان قلقتني
ارسلان : من فتره كدا رزان جات قالتلي انها سمعت سميه بتتكلم ف التليفون
سليم بتساؤل : معلش بس ، مين سميه ؟!
مراد بتسرع : مامته
نظر ارسلان الي مراد بغضب واكمل كلامه : المهم سمعتها بتقول ...........
قص ارسلان عليهم المكالمه ، واكمل كلامه : امبارح لما قعدت افكر انا ورزان جاه ف دماغي ان ممكن تكون المكالمه دي ليها علاقه بمحاوله قتل بابا و اختفاءه عننا السنين دي
سليم بتفكير : ده مش ممكن ، ده اكيد
ارسلان : طب هنعمل اي ، كدا بابا هيبقي ف خطر لو سميه عرفت مكانه
مراد : بص هو كدا مش هينفع نهائي ان بابا يروح يعيش معاك
سليم : انا راي كدا برضو ، لانك علي كول بتبقي ف الشغل ، ف مش هتبقي عارف اي الي بيحصل ف البيت ، و هو لازم يبقي في حد ياخد باله منه علي طول ويبقي موجود معاه
ارسلان بحزن : طب هنعمل اي
مراد بحماس : بس لاقيتها
سليم : اي دي الي لاقيتها
مراد : عم احمد يجي يعيش معانا
سليم : معاكم فين
مراد : عندنا ف الفيلا ، مع بابا و ماما
ارسلان : خلاص اتكلم مع عم هشام وشوف هيقولك اي
مراد : طبعا هيوافق انت متعرفش بابا بيحبك ازاي ، غير ان اصلا بابا ما هيصدق يلاقي حد قاعد معاه عشان يفضل يتكلم ويلاعب دمنو
ارسلان : خلاص تمام
مراد : انا همشي انا بقا
سليم : معلش بس ، انا عاوزكم ف موضوع
ارسلان : اتفضل يا سليم
سليم باحراج : احم ، انا عاوزه اطلب ايد الانسه سيدرا ، بس قولت اتكلم معاكم انتم الاول ، ومراد يشوف ينفع اجي امتي
ارسلان بمرح حتي يخفف احراج سليم : ولضح ان الجوزات كترت اليومين دول ، والبنات مش هيلاقوا حد يعاكسوا
مراد بضحك : اه المزز كلهم هيتجوزوا ، اذا كان بنات او ولاد
سليم بأستفهام : ليه مين تاني عاوز يتجوز
مراد : احنا ، علي اساس ان انت تتجوز واحنا نتفرج عليك ، بس طبعا انا اول واحد قولت ، ف انا اول واحد هتجوز
ارسلان : انسي ، انا الي ممكن اوافق علي جوزاتكم و ممكن ارفض ، ف يبقي انا اول واحد هتجوز
مراد : نعم يخويا ، طب انا و هنقول ماشي علي الاقل دي اختك ، لكن سليم عاوز يتجوز اختي انا وانت عاوز تتجوز اختي انا
ارسلان : انت مش لسه قايل ابوك بيحبني
سليم : هو انت عاوز تتجوز سيدرا ولا اي
ارسلان : لا
سليم : اومال مراد بيقول انك عاوز تتجوز اخته ، وهو مش عنده غير سيدرا
مراد بتوضيح : ما هاندا تبقي اختي ف الرضاعه
سليم : اه فهمت
ارسلان : المهم ان انا الي هتجوز الاول
مراد بتحدي : لا انا
ارسلان : انت ناسي ان انت عاوز تتجوز اختي ، يعني ممكن ارفض عادي
مراد بصوت منخفض : ربنا علي الظالم والمفتري
ارسلان : بتقول حاجه يا مراد
مراد : بقولك مبروك يا حبيبي ، اتجوز انت الاول 😂
ارسلان : الله يبارك فيك يخويا
سليم : المهم انت رايك اي يا مراد
ارسلان : انا موافق
مراد : علي فكره هو قال مراد مش ارسلان
ارسلان : ما احنا الاتنين واحد
مراد : ثبتني
ارسلان : اي خدمه
سليم : تمام ، شوف معاد مناسب عشان ابقي اجي ، وطبعا ارسلان و بابا و رزان هما الي هيجوا معايا ، لان والدي و والدتي متوفين
ارسلان : طبعا هجي معاك
مراد : وانا كمان ممكن اجي معاك
ضحك عليه سليم وارسلان ، و بعد وقت ذهب ارسلان وسليم ومراد ، كل منهما الي بيته وذهب ارسلان الي والده و اخد رزان و ذاهبوا الي هاندا واطمنوا عليها ثم ذاهبوا الي المطعم
ارسلان : تطلبي اي يا حبيبتي
رزان : هطلب شبهك بالضبط
ارسلان بضحك : حاضر يستي ، هطلبلك زيي بالضبط
رزان : عملت اي ف موضوع بابا
ارسلان : بابا هيروح يعيش عند مراد ، لانه لازم يبقي موجود مع حد ياخد باله منه ، لكن انا وانتي علي طول ف الشركه ، و سليم علي طول ف المستشفي ، لكن عند مراد هيعيش مع باباه و مامته
رزان : تمام
ارسلان : صحيح ، سليم عاوز يتجوز سيدرا
رزان بضحك : اي ده انتوا كلكم متفقين تتجوزوا مع بعض ولا اي
ارسلان : لا ولله هي جات صدفه ، مراد وانا وسليم لاقينا الحب الحقيقي ، وقررنا نتجوز خلاص
رزان : وهو سليم حب سيدرا امتي
ارسلان : كلنا حبينا من اللحظه الاوله ، و عشان سليم راجل محترم ، حب يدخل البيت من بابه علي طول ، ومراد كمان بس مراد مرضاش يجي يتقدم الا لما يعرف انتي بتحبيه ولا لا
رزان : طب وانت
ارسلان : انا هتقدم و ادخل البيت من بابه علي طول بس بعد ما اتاكد انها بتحبني
رزان : ازاي
ارسلان : هبقي اقولك ، المهم دلوقت قوليلي كل حاجه عنها
رزان : بص هي طفله اووي ف نفسها ، بتحب الشوكلات و الدباديب و الورد ، بتحب الطبيعه و البحر ، بتحب تكون صدقات كتيرر اوي ، مش بتحب الوحده ، بتكره الكدب والخيانه و الشك وبتحب الاهتمام والرومانسيه ، بتحب عيلتها جدا ، ممكن تعمل اي حاجه عشانهم ، نفسها شريك حياتها يكون راجل و عنده شخصيه قويه ، بس مش معني كدا ، انه يقسي عليها ، لا هي عاوزه يكون حنين و طيب ، يكون ابوها واخوها وجوزها وحبيبها و حياتها كلها ، نفسها تكون اسره صغيره ، بس مش عاوزه يكون عندها بيبي واحد ، عشان ميبقاش زيها ، نفسها يبقي عندها ولد وبنت ، نفسها تسافر الدنيا كلها مع جوزها ، وبتحب الصور اووي ، عشان بتقول ان الصور بتبقي ذكريات حلوه ف المستقبل ، نفسها تعيش حياه رومانسيه زي الروايات ، صح نسيت اقولك انها بتعشق الروايات ، ونفسها تتجوز واحد زي الابطال الي ف الروايات ، بتحب البيتزا والكريب و البيبسي اوي وبتحب عصير البرتقال ، بس عاوز حاجه تاني يا باشا
ارسلان : شكرا يا قلبي ، ان شاء الله هعيشها ف جنه ، بس عاوزك تفكري ف مفاجاه اعملها عشان اعترفلها بحبي
رزان : اممم ، احنا ممكن نعمل زي الروايات
ارسلان : ازاي بقا
رزان بتذكر : صح افتكرت حاجه
ارسلان : اي
رزان : هاندا كانت بتقولي قبل كدا ان في روايه البطل كان ف حفله هو والبطله و مره واحده السما بقا في صورايخ علي شكل كلمه تتجوزيني و بحبك وكدا يعني ، والبطل قعد ف الارض وفتح علبه كان فيها خاتم وقالها قد اي هو بيحبها وبعدين قالها تتجوزيني وهي وافقت ، وهاندا كانت عجبها الفكره جداا
ارسلان : تمام ، بس في مشكله افرضي رفضت
رزان : بص يا ارسلان انا اصغر منك اه بس بعتبرك ابني والله ، مادام بتحب هاندا لازم تتعب عشان توصلها ولازم تضحي بحاجات ، وحتي لو رفضت ارجع اتقدملها تاني بطريقه تانيه ، احنا البنات بنحب الراجل الي يتعب عشان يوصلنا ، عشان ميحسش اننا حاجه سهله ، وكمان بنحب الراجل الي يعبر عن حبه بكذا طريقه بس ف نفس الوقت مش بنحب الراجل الواقع او بمعني اصح الممحون
ارسلان : طب كل ده تمام ، بس الحفله
رزان : ياربي المهم عاوزه تتلكك وخلاص ، يا عم اعمل حفله عشان هاندا قامت بالسلامه و بالمره يكون اهلها موجودين
ارسلان : تصدقي فكره
رزان : عيب عليك ده انا ذاكيه ، صح بس قبل كدا ده ، لازم تتكلم مع اونكل رامي و لو وافق يبقي نعمل كل ده
ارسلان : طب ولو رفض
رزان : لا ان شاء الله هيوافق
ارسلان : تمام يا قلبي ، يلا كلي عشان نروح
وبعد وقت عاد ارسلان ورزان الي البيت وذهب كل منهما الي غرفته لينام
كدا البارت انتهي ، بارت كبير جدا اهوه
يارب يكون عجبكم ، عاوزه تفاعل كتيرر لان ولله بتعب ف كتابه البارت ، كل سنه وانتم طيبين 💜