ساره . كعدنه باليوم الثاني على المنبه الحقير بدلت لبست صدريه رصاصي و قميص ابيض أحنه مدرستنه تقبل هالالوان ولبست حذاء احمر وشال احمر وكب ابيض حطيت مسكارا ومرطب كالعاده ونزلت
لكيت سها مبدله وكاعده تترييك صبحت عليهم وكعدت واني اكل جان يحجي اخوي اول ما كال الشيخ عباس غصيت باللكمه وضليت اكح طفرت سها انطتني مي شربت وماما تطبطب على ضهري كلهم ضلو يباوعولي
احم احم ليش تباوعولي شنو اول مره اغص
بابا. لا بويه غصي على راحتج لا تتضايقين بسببنه
الكل 😂😂😂ههههههههه
سها . يله كومي غسلي حتى نروح للمدرسه
ساره . مدعسه مو مدرسه كمت غسلت ونشفت وسلمنه واجه السائق وطلعنه اني وسها صعدنه سلمنه على صبا وكعدنه طول الطريق نسولف ونضحك وصلنه للمدرسه كالعاده ماكو شي جديد نفس الطيحان الحظ كملت المدرسه بشلعان الروح ورجعت للبيت كبل صعدت سبحت وبدلت ونمت 😪
شويه كعدتنه ماما لكيت روحي طايحة بالكاع من الجربايه وهاي سها هم طايحه يمي والغرفه مكلوبه كلاب 😂😂
نزلت لكيت محد بس ماما تريد تصلي صلاة المغرب
ماما بابا وين هو وعمر
ماما. بالديوانيه يحجون بسالفة الشيخ عباس
ساره . استغفر الله العظيم شنو من شيخ هذا شكد مكروه من اسمه ما ينجرع
ماما. دنيه الغروب لا تضلين تغتابين يله توضي وصلي
ساره . ما اصلي اليوم معذوره
ماما . جا ولي اقري
ساره . هو موليه رحت للثلاجه فتحته اكلت الاخضر واليابس وصعدت كعدت سها طردتهه من الغرفه حتى أقره قريت قريت الحد ما صارت الساعه 9 نزلت للعشه تعشيت وصعدت گلبت بالانستا شويه ونمت
ثاني يوم ما احجيلكم هم بدلت ورحت للمدرسه لبست هالمره تنوره تسعين نيلي وقميص أبيض ومنقط باسود وحذاء احمر رياضي و شال احمر وحطيت هالمره حمره حمره لانو عدنه درس الاول حفله كملنه مادة الفيزياء هم زين
وسها لبست مثلي بس الشال لونه اسود بس اني احله لان جسمي شويه بيه ضخامه احسن منهه هيه طويله وضعيفه وبعد انتو تخيلوهه هههههههه
واحنه بالطريق للمدرسه ما اانحس الا وكطعت على طريقنه سيارات 3 كبار وسود مضللات ونزلو منهه هواااي زلم من ذوله الجنهم اتراك مال عصابات اول مره بحياتي اشوفهم نزلو علينه واحنه ضلينه نصرخ وخفنه نزلو السائق والبنات وبعدين نزلوني من ايدي جر فجاه سها كدرت تشرد وركضت على جهه البيت واحد منهم كال اخذو بته الجبيره عوفوها ذيج وعافو السائق وصبا بقيت اني جرجروني للسياره السائق ضربو مكدر يكوم واني صعدوني ضليت اصرخ الحكوونننيييييي منو انتوووو عاااااااااااااااااااااااااااااااااااااااااااااااااااااااااااااااا
بس محد سمعني ضلو يمشون بالسياره منا لمن وصلنه البيت جبيير
انتظرونا في البارت القادم
