ساره . شنووووو بويه شتحجي انت
عمر عاف ياخة عباس وتوجه الابوه وكال. ءءانت ءءانت تحجي من كل عقلك
جمانه . ابو عمر ميخالف بس المهم بنتي اشوفها
سها . يمه شتحجين ساره ليش ما تحجين
بس حجت سها هيج كلهه باوعت الساره تنتظر كلامهه
ساره والدمعه بعينهه. انتو فصلو واني البس .. اول مكلت هيج دمعتي طاحت بس محبيت اخليهه دراما مسحتهه بسرعه وباوعت العباس وكلتله
يلا ما نطلع يااا هه زوجي
عباس . يله يمه حظرنهه راح تروح البيت ابوها والعقد الاسبوع الجاي حظري نفسج
حمديه . اوف منك اوف يله يمه تعالي
ساره. حظرني وطلعنه كلنه من المستشفى رجعونه للبيت اني واهلي اولةما وصلت صعدت الغرفتي سديتهه ونفجرت بجي اجت سها وسوسن يبجن وياي ويواسني بس الحزن بالكلب مو بالعين
سها . اهه اهه ساره كافي فدوه اهه اهه
سوسن . ساره اني متاكده انو انتي قويه ميأثر عليج شي يعني اكيد ازمه وتعدي صدكيني وراح تحبين زوجج مثل مااني هسه احب عمر ياما علاقات انبنت على كره بس جانت اخرهه حب صدكيني هسه انتي معندج برنامج وات باد شوفي قصص العالم كلهه بالبدايه كره بس صارت حب
ساره وهي تبجي . اهه انتي شتحجين ذني كلهن جذب هالقصص كلهه من خيال الكاتبات ويكولن حقيقه وانتي مصدكه ضلن بالوهم مالتجن بس الكره لا ممكن يتحول حب فهمتن مستحييييل اهه اهه 😭
صبا . بناااات هاي شنو ساره هنا وتبجي هم سااااره ركضت شبكتهه
ساره . اهه اهه اهه صباااا حيزوجوني العباس يا صبا اهه اهه
صبا . اششش لتبجين عباس شيخ والكل يهابه اكيد راح تحبون بعضكم حتى لو كان متزوج انتي كلتي انو زوجته دوم تتعارك وياه
سها . اي صح وشفتي شلون بالمستشفى ام عباس حجت عنهه يعني متحبهه بس هيه تحبج وهالشي راح يخلي الج فرصه تدخلين كلب عباس وأمه واخته هم
ساره . ولجن اني ميهمني واخر همي ادخل كلبه بس اني اريد ابقه ادرس واريد ابقى يمجن ماريد اروح اهه اهه
صبا . ساره اريد احجي شي يمكن راح يغير نضرتج بعباس شويه
ساره .. شكو
صبا . عباس صديق اخوي كلش وهو حاجي لخوي عنج وكايله احبهه واموت عليهه بس ما استرجي اعترف
ساره كمزت . شنووووو
سوسن وسها . عااااااا حلفي
صبا بأصطناع . ها ءءء اي اي شبيجن
ساره . ضليت صافنه ودموعي وحدهه وكعت معقوله يمته لحك يحبني بسىاني ما احبه يا الله شسوي هسه
سها . ساره حبيه شبيج ولج تسودنتي ولج هالانسان يحبج حب حقيقي مادام هيج حاجي عنج بغيابج
سوسن وصبا . اي والله صح حرامات يروح من ايدج
ساره . ممكن تعوفني وحدي افكر شويه
البنات . تمام طلعن
ساره . كعدت افكر معقوله يحجي هيج لأخوها معناه هو حبني بس ميحجي بس شلون بيه اني ما احبه ومن جهه اكول عسى أن تكرهوا شيئا وهو خيرا لكم بالاخير اخذت قراري
بنااااات
البنات اجن. هااااا
ساره . اخذت قراري
البنات بقلق . شنو هو
ساره ........يتبع......
