السلام عليكم ورحمه الله وبركاته يلا نبدي
سها . كاعده بالغرفه على جرباية ساره وابجي واحجي وحدي اهه اهه اهه ساره وينج يا ترى جوعانه شبعانه مرتاحه متضايقه اهه وينج يا اختي وينج المن بعد اشكي همي وويامن اضحك واتعارك ويامن اسوي مشاغبات اهه اهه ياريتني ما عفتج وشردت ياريتني استسلمت وياج وماخذيني الج ساره فدوه ارجعي الخاطري واذا مو الخاطري الخاطر ماما اللي تدعي وتبجي ليل ونهار واذا مو الخاطر ماما الخاطر الله 😢😢فدوه ساره فدوه هئ هئ واني ابجي ما منتبهه العمر وامف ورا الباب فجاه دخل شافتي ابجي اجه كعد يمي على الجربايه بسرعه رميت نفسي بحظنه وضليت ابجي واحاجيه
خويه اهه اهه خويه فدوه اريد ساره اهه اهه اهه 😭
عمر بحزن. لتخافين سها ساره راح ترجع ولو كلفني هالشي حياتي ساره ترجع يعني ترجع بس كلشي بوقته حلو بس اصبري شويه وهسه يله تعالي انزلي اجت نور هيه وجهالهه وحاي وياهه زوجهه واخو زوجهه بدلي والبسي شالج وانزلي تمام
سها وتمسح دموعه . اوكي جايه .. نزل عمر واني كمت غسلت وجهي ولبست فستان محجبات طويل لونه زيتوني وشال لونه سمائي و حذاء بكعب سمائي طبعا أحنه بالبيت نلبس احذيه مرات نزلت اول منزلت كامت اختي والدمعه بعينهه وشبكتني واني هم شبكتهه وسلمت عليهه وعلى زوجهه واكو ولد غريب كاعد عرفته هذا حماها سلمت عليه كتله السلام عليكم وهو رد ببتسامه ما انكر هالولد غريب طول مااحنه نحجي عينه عليه ما نزلهه بس اني كل تفكيري باختي وطبعا صبا كل شويه تتصل تتطمن واكلله نفس الوضع وهيج خلصناها منا لمن راحو الزلم بقت نور باتت عدنه نامت بمكان ساره
نور . اوووف يمته تجي
سها . نور خليني انام بحظنج
نور. تعالي يكلبي
سها. رحت نمت بحظنهه وضليت ابجي منا لمن غفيت
في اليوم التالي
ساره . كعدت على حركه بالغرفه باوعت بطرف عيني بنعاس لكيت عباس بيك يدور وكالب الغرفه كلاب باوعلي كال
عباس . صباح الخير يا ساررره اخر كلمه ركزت عليهه
ساره بنعاس . هممم هلو 😪 كعدت على حيلي وشالي على راسي كلتله
ما مليت يمته ترجعني الاهلي
عباس . تؤ تؤ لتجيبين هالطاري على السانج مااحبه
ساره . هو شنو ما تحبه بكيفك انت
عباس . ما انكر انتي حلوه من تعصبين بس ترا اني مو حلو من اعصب وانتي عرفتي قصدي
ساره . عااا شكد ما يستحي خرب خجلني .. اكلك انت شتدور شبيك كالب الامه
عباس . ساعتي مااعرف وينهه
ساره . تذكرت لما اخذت جوله بالغرفه شفت كومه ساعات بالجراره كمت فتحت الجراره كلتله مو هاي ساعات كومه
عباس . اول شي اني اريد الساعه النيليه حتى وي الغتره ثاني شي سدي الجراره مااحب أحد يلعب بغراضي
ساره . اووووي عيني شسوينه جريمه
عباس . خزرته .. شكلت اني
ساره . 😒😒اسفين اسفين همم سديت حلكي
عباس . اي احسن ... ضليت ادور وهي كاعده عالجربايه طبعا كلش حلوه اول متكعد من النوم ههههههه 😂 المهم اخر شي ما لكيتهه رجعت الجرارة الساعات وطلعت ساعه غيرهه باوعتلي هيج 😉😏اني كلتله ها خير
ساره . جا شكال بهلول
عباس . دسكتي ام بهلول
ساره . اكول زوجتك يمته ترجع
عباس . لا تتدخلين بشي ميخصج
ساره . غير يستقر مايكل جاكسون 😒
عباس . ساااااره
ساره . سكتت سكتت ... هسه يمته ارجع
عباس . لا رد
ساره . هههففففف
عباس . اخذت بندقيتي توني ردت اطلع ما احس الا صرخة وكفتني
ساره . اااااوووووووويييي وجع اوووووووي عباااااس
يتبع......
