السلام عليكم
ساره . جنت كاعده عالسرير فجأه نعست ووحدي مااعرف شلون خليت راسي على المخده ونمت بدون مااحس على نفسي
عباس . جنت اتناقش اني والشيوخ واخواني على سالفة الكاع خلصت رحت جبت رقيه ورجعت للبيت اول ما دخلت لكيت امي ومروه وحسناء و زينب بالمطبخ سلمت عليهن اجتني بنت حسناء عمرهه5 سنين
شمس . هلو عمو ثلونك
عباس وهو يشيلهه. هلا بحبيبه عموو دغ دغ دغ
رقيه . يفدوااا شلونج حبيبي
شمس . ذينه 😊
عباس . رقيه تعاي احجي وياج بشغله بالصاله
رقيه . تمام ابدل وانزل
عباس . لا هسه قبل كل شي
رقيه . ت تمام
عباس . عفت شموسه ورحت كعدت بالصاله وي رقيه وكلتلهه
رقيه اني اخذت بنت الشيخ حسين كرهينة عندي وحابسهه هسه بالغرفه ماريد مشاكل
رقيه باستنكار . شنوووو شنو رهينه وبعدين شنو تحطهه بالغرفة لا ويا غرفه هه غرفتي اني على اي اساس اني ما اقبل
عباس . ما اجيت اخذ موافقتج اجيت انبهج يله كدامي صعدي ليفوك
رقيه . شنو قص...
عباس . قاطعتهه اششش يله كدامي صعدت واني وراههة فتحت الباب دخلنه والصدمه ... لكيت بنت الشيخ حسين نايمه على جربايه بس كلش طالعه حلوه فاله شالهه بس مخليته على راسهه طالعه ركبتهه تجنن بييضه و نازعه حذائه بالكاع ونومتهه تخبل باوعت الايد رقيه لكيت لونهه اسود اباوع الايد هالعصفوره الكاها قشطه تنكرط بعدين انتبهت النفسي رجعت باوعت الرقيه وعلى وجهه علامات الصدمه
رقيه . شنو هاي المسعده نايمه وعلى جربايتي
عباس . نصي صوتج لا تكعد
رقيه . بصياح شنووووو شنو يماااااا لا بلا انصي صوتي موووو ركضت عليهه ولزمتهه من أيده وصرخت بيهه كوووومييي
عباس . كضيت رقيه بسرعه وعطت بيهه لججج رقييييه وطراااخ ✋
رقيه . هئئئ وضربت على صدرهه تضربني
ساره .كعدت على جره من ايدي وعياط لكيت مره و عباس يتعاركون انوب اني الحجاب واكع وطالعه ركبتي وصدري بسرعه غطيت نفسي وفجاه ضربها وهيه ضلت تعيط عليه لزمهه من أيده وطلعهه صاح على واحد يمكن اخو لانو يشبهه وكلاله رجعهه الاهلهه عرفت هاي زوجته وتعركت وياه بسببي وغارت عليه سد الباب وضل يفتر بالغرفه يجي منا ويروح منا بعد وبعد بعدك مشايف شي الا اخليك تتندم على سوايتك هاي
كلتله. ها هاي مرتك مو
عباس . ولج شنو هالصلافه شلون تحجين هيج
ساره. اوي عيني شكلنه بس كلت هيج خزرني خزه كصاني كص وكال
عباس . شنو شنو شو عيديهه بله
ساره بصلافه وتماوع. اووووي شبيك يووول
عباس . اتقربت يمهه وكتلهه كومي ضلت صافنه كالت
ساره . شنو اكوم بعدني نعسانه اريد اكمل نومتي اطلع يلااا
عباس .كوه ضميت عصبيتي مو السان رشاشة كلاشنكوف كلتلهه واني راص على سنوني. كتلج كومي
ساره . هو شنو اكوم نايمه على كلبك
عباس . متحملت لزمتهه من ايدهه وكومتهه بقوه عاطت
ساره . اوووووووي
عباس . وجعووووووي يطمج ينام بكلبج يبت الكلللب شنو هالصوت مال كحا.. بطلي هالسوالف لا تتندمين فااااهمه
ساره. عوف أيدي 😒 ولتغلط
عباس . ولج اششششش اسكتيييييي منين يربي جبتلي هالبلوه ولج شو انتي عيونج طالعه
ساره . هو شنو عيوني طالعه قابل ابو بريص اني دحترم شيباتك
عباس . هااااااااا ولج شنوووووووو شيبااااتي بنت القندره لتخليني امد ايدي عليييج كافي واحترمي نفسج
ساره وهيه تنتر ايدهه منه . خايب دووولي وانت منو بله حتى احترمك هااااا بس كلت هيج ماحس الا وراجدي وكعني بالكاع احس خدي تطلع منه حراره قووويه
عباس . هيج الا ترتاحين موووووو
ساره بصدمه . تضرب..
عباس قاطعهه. اييي اضربج واكسر راسج هم
ساره . مسيطرت على نفسي ودموعي ضلت تنزل وحده وحده
عباس . شفتهه تبجي كلش كرهت نفسي ماعرف ليش بس حسيت نفسي حقير عفتهه ورحت للكنتور طلعت تراك سوت دخلت للحمام اللي بالغرفه بدلت بيه طلعت لكيتهه مجرفصه نفسهه وتبجي بسكوت بس شهكات تطلع منهه و نايمه على رجليهه تنهدت ورحت نمت عالجربايه بس مكدر اغفى وهيه تطلع شهكاتهه كمت رحت يمهه وكتلهه
يتبع......
