السلام عليكم
عباس . طبعا اني وكلت جم شخص اعرفهم على انو يعرفون شنو اكثر شي يحبه الشيخ حسين وعرفت انو هو كلش يحب بناته كتلهم اخطفوهن الي كرهينات بس اجوني جايبين وحده
رجال. شيخنا جبناهه بس وحده شردت فجبنه الجبيره
عباس . جيبهه للبيت
رجال . تؤمر شيخنا
عباس. جنت كاعد بالصاله واهلي موديهم البيت خالتي اخت امي كلهم وهادي وياهم ومهدي بالديوان وبس اني بالبيت شويه وجابوهه تصرخ وتبجي خرب شنو هذا اللبس عود ابوها شيخ شلون خلاها هيج تطلع لو المكياج ما مقصره جابوهه تدفع بيهم من شافتني وكفت صفنت عليه مو بنت حقه الشيخ حسين يعزهه ناعمه قصيره بيضه عيون كبار حلك صغيرون وخدود يعني بالخط العريض حلوه
ساره . طول الطريق ابجي منا لمن وصلنا البيت جبير وحلو نزلوني واني اصرخ باعلى صوت حتى صوتي انشحط من وراهم وهمه يجرجرون بيه دخلوني للبيت اصرخ فجأة شفت واحد شاب يجي عمره بالثلاثينيات لابس دشداشه وغتره و بيده بندقيه خفت بس باوعت الوجهه عيونه حاده وما يبتسم واكف يباوعلي من فوك ليجوه واني ابجي عيونه كصتني كص دنكت راسي بس بعدين رفعته والدموع بعيني كلتله بحده
انت منوو
عباس . اخذوهه الغرفتي بسرعه
ساره . شنوووووووو كلب حقييييير عوفونييييي
عباس . لحظه عوفوها
ساره . عافوني ضليت اباوع الهذا الجلب جان يطلعون همه ويعوفوني وياه تقرب عليه كللش وهمسلي
عباس . منو الجلب والحقير
ساره بصراخ . انتتتتت
عباس . قبضت أيدي لانو ماريد ااذيهه اني خطفتهه رهينة حتى ينطيني الكاع بس ماريد امد ايدي عليها واكثر شي اكرهه المره الصلفه كضيتهه من معصم أيدها ضلت تصرخ ردتهه تصعد على الدرج مصعدت بسرعه جريتهه وشلتهه على كتافي صارت بطنهه على جتفي ورجليهه على صدري وتضرب بضهري وتصرخ صعدتهه
حطيتهه على الجربايه كامت دفعتهه رجعتهه عالجربايه رفعت اصبعي بعلامه تهديد وكلت الهه
اذا تحركتي تتندمين اني مو اي شخص اني هو الشيخ عباس
ساره . الصدمه بينت على وجهي فعلا كان ضني بمحله شيخ عباس انسان يخوف انسان شرير فريد من نوعه بس لا مراح يهزج يساره مراح يكدرلج كمت واني خايفه بس ابينله انو اتحداه دفعت إصبعه بيدي وكلتله ببرود
احترم نفسك وشنو يعني شيخ عباس قابل انت منو هه
عباس . اذا بقيت يمهه بعد انتحر بيهه وادخل سجن عفتهه وطلعت و قفلت الباب ونزلت اسمعهه من فوك تصرخ وتدك بالباب بس اني طلعت من البيت
رحت للديوان لكيناهم كلهم موجودين حتى هادي جاي من بيت خالتي سلمت وكله تباوعلي واجيت امشي بينهم وكعدت تراست الديوان
شيخ . شيخنا الفاضل عباس عرفنه انو انت اخذت بنت الشيخ حسين رهينه بس بهالشي مراح تكدر تهزه
عباس . لا عيني اكدر اكدر هههههههه بس مثل ما كلتكم مااهدهه الا تجيني الكاع
تابعونا في البارت القادم إن شاء الله
