ساره، اكلنه وخلصنه ودفع عباس الحساب وكمنه دنريد نطلع صعدت بالسياره جان يحجي عباس وهو يحرك السياره
عباس ، راح اخذج تسلمين عل الاهل
ساره بصدمه، شنو
عباس، مثل مسمعتي سالفه الخطوبه صارت بسرعه ومالحكتي تتعرفين عل اهلي هواي فأريدج تكونين وحده منهم وتتعرفين عليهم راح تحبينهم ويحبونج اني متاكد
ساره بهمس، اني ما متاكده
عباس، كلتي شي؟
ساره، ما دخلك يعني اكو واحد يحجي وي نفسه يكلوله شكلت شلك علاقه
عباس ، والله حسب علمي بس المخبل يحجي وحده فاذا تريدين طبيب نفسي اكو واحد اعرفه اوديج اله؟
ساره، اوووو وشلون تعرفه لازم مجربه ورايحله ههههههههه انفضحت استاذ عباس
عباس، من تكول اسمي احسه يطلع حلو بلهجتهه، ، ابتسمت وسكتت وطول الطريق ساكتين منا لمن وصلنه تفضلي ست نزلي
ساره، نازله شكد اكره بيتك يذكرني بخطفتي، ، نزلت وفتح الباب مال البيت لان عده المفتاح طبعا وكال تفضلي دخلت لكينه كلهم مرتبين البيت ومجهزينه يعني جانو يدرون ابنهم راح يجيبني لكيت امه واخته وجناينهم وومرته الصراحه ما توقعت هيج تتحمل وتجي تتعرف عليه دخلنه اتلكتنه امه بالهلاهل عبالك جايتهم بفستان عرس هألله والله ناس معدان ما صدكو شافو وحده حلوه
ام عباس، كلللللللووووووووش محروسين يحرسكم النبي يبعد كلبي ككلللللووووش تعاي يمه ابوسج مواح مواح
مروه، هلو ساره مممح مممح
حسناء، هله بيج نورتي البيت حبيبتي
ساره، منور بنور اهله حياتي
زينب ، هلا ممح ممح 😒
رقيه بلطف، هلو ساره شلونج مشتاقين حليانه مممواح مممواح
ساره، 🤔😶😑والله لو مترزله من عباس وصايره خوش مره لو تحوك مشكله وياي
عباس، تفضلي كعدي واسف لانو اخوتي ماهمه بس عدهم شغله وطلعو يحلوهه
ساره وهيه تكعد ، لا عادي شريد منهم
ام عباس، مروه كومي جيبي العصاير خل نحجي وي جنتنه حبيبتنه
رقيه، لا عمه اني رايحه اجيبهن
مروه بكلبهه، شعجب 😄
ام عباس، صلاوات عل النبي واحد لايك للثاني يحرسكم محمد
عباس ،اباوع الساره تسوي روحهه مستحيه ام الوصخ وهيه السانهه شطوله جنه السان رجال ابتسمت وسكتنه شويه اجت رقيه جايبه العصير وضلت توزع النه
رقيه، هاج عيني عروستنه تفضلي
ساره، اشكرج اخذته وحطيتهه بحضني لازمته بس ما شربت
رقيه، اشربي لتستحين هذا بيتج والكل ديشرب ههه
ساره، ههههه شكرا حبيبتي
عباس ، وهو يهمس الساره، ،، شبيج وجه الجوب ما تشربين عصيرج لو حته العصير بيه دايت
ساره، غير يستقر سيف نبيل وجهك وجه الطاوه 😑 ضل يضحك بس عصب ادري بيه المهم اني كلت عيب بعد خل اشرب العصير ضلينه نشرب ونحجي الصراحه حبيت عائلته حبابين كولش خلصنه همستله
اكلك خل نكوم
عباس ، تمام، يله يمه اني راح اوصل ساره وارجع
ام عباس ، بعد وكت يمه ضلي بعد شويه
ساره، لا خاله اسفه والله حلوه الكعده وياكم بس لازم اروح عندي دروس وباوعت العباس بطرف عيني حته يعرف ماراح ابطل بس ماحجه شي سلمنه ردنه نطلع وصارت عندي دوخه قووويه حسيت وكعت عل صدر عباس ولزمني وبعد محسيت بشي
يتبع،،،،،
