السلام عليكم
حسين . يا شيوخ مثل ما عرفتو الشيخ عباس سوه اللي جنت خايف منه وأخذ بنتي رهينه عنده اعلمود الگاع بس حتى لو سوه هالشي اني مراح افرط بگاع صديجي ويبقى هو اللي جان يوعدني بيها فلازم نرجع بنتي أما بالدم أو بالفصول بس الگاع مستحيل اردهه
عمر . اي صحيح شيخنا الكاع كاعك واني وياك وانتو يا شيوخ
الشيوخ . والنعم منكم أحنه هم وياكم
عباس . اجيت يمهه و كلت الهه
ليش تبجين اوىمكلت هيج هيه نزت وباوعتلي وياريتهه ما باوعت جمال عيونهه طاغي على كل شئ بالغرفه ضليت كلشي ما اشوف بس عيونهه حلكهه خدودهه كلشي بيهه جان مبالغ بيه ربي شكد تاعب على هالخلقه بس لو كاص السانه شويه جان كملت
ساره بشهكات . اهه اهه انت شتريد مني ياخي تريد الكاع روح اخذهه من ابوي مو مني اهه اهه والله اني مالي شغل بيكم وبطلايبكم طالبيني بطلابه ورجعت ابجي
عباس . كلامهه جان منطقي ومقنع بس لا كاع ابوي ما يرجعونهه الي اذا ما خطفتهه لان الكل يعزها وأكثر شخص هو الشيخ حسين كلتلهه . كومي يبنت الناس نامي عالجربايه واني نازل ردت اكوم وانصدمت لما لزمت أيدي وكالت بدموع وحزن
ساره . هاي اللي اجت مرتك
عباس . هههه اي مرتي ليش
ساره . هيج مجرد سؤال لان ما قصرت وكفت وصرخت بوجهك
عباس . كومي نامي بسرعه
ساره . تؤ تؤ ماريد وين يجيني نوم واني مخطوفه
عباس. استغفر الله استغفر الله العظيم يختي كومي نامي اني موخاطفج اني ماخذج رهينه
ساره بصراخ. وهيه شنووو الرهييينه هااااا
عباس . اشششش اسكتيييي لتصرخين لا اعلمج شنو الاحترام
ساره . اهه اهه 😭
عباس . فركت وجهي ورجعت شعري ليورا باوعتلهه وكتلهه بهدووء . بنتي انتي شسمج
ساره بدموع . س س ساره
عباس . شكد عمرج
ساره بحده. شدخلك
عباس . ساااارررره
ساره .جفلت من صوته بسرعه حجيت 18 وغمضت عيوني بس الصدمه ضل يضحك مات من الضحك باوعتله خرررب شكد حلو من يضحك ضليت صافنه ودموعي وحدهه توكع
عباس . هههههههههههه صدك ضحكتيني صارلي سنين مضاحك خرب يومج يعني انتي عمرج بس 18بسسس
ساره . اي 😒لازم انت عمرك 40
عباس . لا عيني عمري 33
ساره . 😱😱😰حيييل كلش شايب
عباس . اي هي هاي الدنيه يلا كومي عالسرير ننام
ساره . شنوووو
عباس . ءءء قصدي نامي نامي مو ننام 😰
ساره . همممم 😈
عباس . تصبحين على خير عفتهه ونزلت لكيتهم كلهم نايمين البيت فارغ نمت بالصاله هه اني الشيخ عباس انام بالصالة علمود بنيه والله سالفه تضحك خل انطمر
ساره . نزل واني كمت وخرت بطانيه الجربايه ونمت وتغطيت بعدين تذكرت انو هو ما قفل الباب هلللله هلللله 😂خل اشرد كمت لفيت حجابي عدل ولزمت حذائي بيدي فتحت الباب علكيييف ومشيت خطوات على أطراف اصابيعي نزلت على الدرج على كيييف نزلت والكاه نايم بالصاله وحاط أيده على عيونه تسللت على البطيء وصلت الباب الشارع طبعا همه معدهم طارمه بس عدهم بستان خارجي اني وصلت الباب البستان ردت افتحه جان الكاه مقفول اهوووو لازم ادور المفتاح رجعت ليورا امشي وما احس الا وانضرب بشي صلب غمضت عيوني ودرت على كييييف فتحت ولكيت الشيخ عباس واكف يباوعلي ومجتف اديه انشالله تموووت انوب ابتسمت وسويتله بيدي هلو عاكده حواجبي هو واكف هيج 😎😑
عباس . جنت مابين الغافي والكاعد لمحت خيالهه طبعا اني تعمدت عفت الغرفه مفتوحه حتى اشوفهه تشرد لو لا انوب شفتهه وصلت للباب كمت وكفت وراها شافته مقفول رجعت ليورا انضربت بيه انوب الثوله تسوييلي هلو بيدهه ومبتسمه وشكلهه يضحك بس حاولت اتماسك كدامهه لازمه حذائهه بيدهه وجنطتهه على جتفهه وواكفه على اصابيعهه وتباوعلي وعيونها ذبلانه من البجي كتلهه ببرود
من شنو شارده
ساره . هاا ل لا ممشارده ردت اشرب مي
عباس . اكو واحد يحط براد المي بالشارع 😑
ساره . مو مجنت اعرف عبالي هذا باب المطبخ ههه
عباس . هااا عبالج المطبخ
ساره . ايي
عباس بصياح. وجعييي حذائج وجنطتج هم يشربن مي وياج
ساره بعصبيه وهو تتخوصر. يأبه اريد اشرد عندك اعتراض
عباس . نزلي ايدج عن خصرج لا اكسرهه وصعدي يله كدامي للغرفه اني صوجي خليتلج الباب مفتوح عبالي ثقه يله ولي وللللي
ساره . ضربت زري بايدي وصعدت ادبك برجليه ومااحس الا ونعال يجيني بضهري خلاني اركض طياااره للغرفه
عباس . تمشي وتتمخطر الخرا كمت شتلي نعال وشمرته عليهه ركضت ركض هههههههه والله هالبنت مصيبه صعدت وراها لكيته تمشي بالغرفه تجي منا وتروح منا اول مشافتني ركضت للجربايه وغطت وجهه عود نايمه قفلت الباب ونزلت نمت على القنفه اللي بالصاله وغفيت
يتبع.....
