السلام عليكم
ساره . ادكدك على الباب وابجي واصرخ
عااااااا اهه اهه افتحوووو الباااااااب يا عباااااااااس والله العظيم انتقم منك بس خليني اطلع يا جلااااااااب
عاد شويه وسمعت جوه صوت مال نسوان سكتت بس حطيت اذني عالباب اسمع شيحجون
عباس . رحت جبت اهلي وكتلهم اكو عدنه ضيفه بالبيت
امي. ياء اسم الله يمه شنو هالصراخ بغرفتك ضيفتيش هاي احجي
عباس . اسمعني كلجن اني جبت بت الشيخ حسين رهينة حتى ينطيني گاع ابوي
امي دكت على صدرهه وشهكت . هئئئ عزه العزاك ولك عبااااس يمه شسويت ولك يمه حراااام البنيه كتلت روحهه بواجي خل اصعد لهه اشوفهه رادت تصعد وكضاها عباس
عباس . يمه .. محد يتقرب منهه بس اكل تودولهه وبسسس سمعتني
مروه . خويه حرام خطيه البنيه رجعهه الاهلهه
حسناء . شيخنه هالشي ميصير انت الشيخ عباس شلون هيج تسوي
زينب(زوجه هادي). اي شيخنه حقك تريد كاع ابوك اني وياك
مروه . زينب شتحجين انتي
حسناء . ميصير زينب شبيج
عباس بصياح . اسكتن كتلجن وياااامن احجييي
الكل 😶
امي . يمه متكدر تمنعني اصعد اشوف الابنيه شيوخيتك متمشي على امك انت شيخ واني شيخه وانت ابن عاق اذا ما خليتني اصعدلهه
عباس . تفضلي يمه صعدي اسف وانتن روحن يله كل وحده الغرفتهه
مروه . هههههه غرفتي يم غرفتك وركضت وي امي اشوف الابنيه 😅
عباس . استغفر الله العظيم زينب حسناء اخذن جهالجن وروحن الغرفجن
راحن واني صعدت لحكت امي ومروه ليفوگ فتحتلهن غرفتي لان مقفوله ودخلن لكيتهه كاعده بالزاويه وحاطه راسهه على ركب رجليهه وتبجي
امي . يح يمه بنيتي كومي كومي يمه وكومتها رفعت راسهه
يمه شنو هالدموع هاي شنو هالجمال اللهم صل على محمد وال محمد لتبجين يبعد بيتي لتخافين اني هنا وياج اعتبريني امج
مروه . اللله انتي حلوه نتعرف اني مروه وانتي
عباس . مروووووه
مروه . يمه شبيك
عباس . ولي الغرفتج
مروه . يوووو مشيت الغرفتي
ساره . اهه اهه 😭 خاله هذا شيخ عباس شيعودلج
حمديه. ابني يمه
ساره . اهه 😭 تقبلينهه خاله يضربني
حمديه بشهكه . هئئئئ يح صخام الصخمك عبااااس ولك ضاربهه
عباس . بصدمه شنووو لا يمه والقران مضربتهه ولج ليش اتجذبين
ساره بدموع مصطنعه . عاااا شوفي خاله شلون يعيط عليه اهه اهه 😭
حمديه. ولك عبيييس انزل جوه عوف البنيه بحالهه يللله
عباس . يمه بس
حمديه . لا تضل تبسبس انزل اريد احجي وي البنيه
عباس . عذريني يمه بس اني الشيخ عباس ميصير هيجي تعامليني بس اطلب منج هسه انتي تنزلين لان اريد اقفل الباب واروح اجيب رقيه
حمديه . شنو قصدك تؤمرني انزل من غرفتك ؟
عباس. للاسف اي 😚
حمديه وهي تعض اصبعهه . اخخخ منك يالرجال حبيبتي انتي لتخافين شوفي الغرفه شكد حلوه اكعدي بيهه شويه خوش
ساره بخوف. هااا لا خاله لا زين اخذيني يم هاي البنيه التوهه اجت كالت اسمهه مروه
عباس . ولج هيييييييو اسكتيييي يله يمه لزمت ايد امي طبعا امي ضلت تدردم طلعتهه باوعت البت الشيخ لكيتهه تباوعلي هيج 😑اني باوعتلهه هيج 😎وطلعت وقفلت عليهه باب الغرفه
ساره . ضليت ابجي ورا ماراح بعدين كلت بله خليني اخذلي جوله بالغرفه كمت ضليت اباوع عنده جربايه ام نفرين مو نفر معقوله متزوج فتحت كنتوره لكيت ملابسه طلعت ريحه عطره منهن عجبني العطر يجنن بس بعدين كلت ياء ساره شبيج تسودنتي سديت الكنتور فتحت الطلاگه الثانيه لكيت ملابس مره ياااا عزه هذا متزوج انوب فتحت الطلاگه الثالثه لكيت الصخام ملابس نوم كلهه تفشل بحيث اني استحيت وسديت الكنتور ضليت الهث عزه العزاه هو ومرته شكد ميستحون هيج يخليهه تلبس كدامه لا والنوب هيه شلون متستحي وكملت الجوله بالغرفه ماكو شي ما باوعتله
ابو ساره . شنووووو ساره انخطفت ولج سها اشتحجين
سها بدموع . اهه اهه والله بابا والله خطفوها وووو حجيتله اللي صار
ام ساره . صخاااام بوجهج جمانه بتج راحت يبوووووي ولك حسييييييين اهه اهه جيبلي بنتي حسييين
حسين . اهدي يا مره خلينه نعرف نفكر
عمر . سها اخذي امي وصعدي الغرفتج
سها . حاظر اخذت ماما وصعدتهه الغرفتي وكعدنه نبجي اني وياه
حسين . عمر تجمعلي الشيوخ كلهه اليوم بالديوان هذا عباس سوه اللي جنت خايف منه
عمر. تؤمر بويه
تابعونا في البارت الجاي احبكم....
