صبا . طبعا كلش انقهرت لما عرفت بالصار انو صديقة عمري راح يزوجوهه اهلهه لا والمن هه شيخ عباس اللي اخذهه رهينه بس بسبب كاع يعني راح يتزوجهه صفقه لا اكثر حسبي الله ونعم الوكيل بيه وبأهلهه طبعا اني من عرفت هيج شي صاير رحت البيت ساره وفتحلي اخوها عمر حقير ما دافع الاخته فتح الباب كلبت وجهي عليه
عمر . ها صبا تفضلي سها فوك
صبا . اي طبعا فوك قابل تكعد تكابل الناس اللي خربو حياة اختهه عفته وصعدت لكيت سها تبجي ويمهه سوسن مرت عمر كعدت وياهن وضلينه نبجي تلاثتنه طلعت حركه كلبي كلهه بغرفة ساره اللي عافتنه وراحت
ساره . ضليت كاعده بالكاع ابجي منا لمن حسيت اكو حركه رفعت رأسي لكيته كاعد ويباوع جو الجربايه كلتله شكو
عباس . طبعا اني ردت انيمهه يمي اخترعتلي سالفه كمت ضليت اباوع جو الجربايه كالتلي شكو كتلهه لا ماكو شي بس اكو فاره بالغرفه جو الجربايه بس كلت هيج ماحس الا طفرت طفره وصعدت يمي على الجربايه واكفه على حيلهه عالجربايه
ساره . عااااااا فااااااره فجاه لكيت نفسي واكفه عالجربايه خرب يومي انوب هو مات من الضحك يا الله اول مرا اشوفه يضحك هيج صدك حلو من يضحك بس لا مو مال اتزوجه حتى لو حلو طموحي اكبر من الزواج والزواج مو من طبعي واولوياتي كلتله هسه شلووون
عباس . ههههه شكو شبيج خلص اذا تردين اكعدي عالجربايه يمي واني راح انام وفعلا هي كعدت كعده على الجربايه واني نمت شويه باوعتلهه بس واني مغمض بس اشوفهه يعني ابين نايم جان اشوفهه صافنه عليه ههههه هيج اني عاجبهه هههه ضلت صافنه عليه شويه كالت
ساره . نمت ؟
عباس. لا رد
ساره . الووو
عباس . لارد مسوي روحي نايم 😴
ساره . هههففف .. عود شدعوه انت هيج حلو يأبه والله الله تاعب على خلقتك
عباس . بكلبي ..😨😨 ما صدكت اللي حجته هههههههههه معقوله هي تفكيرهه بيه مستحييييل
ساره . بس للاسف انت نذل 😞
عباس . لازم تكول شي تسممني بيه
ساره . انوب مو بس نذل لا وحقير ونفسيه وزمال انوب لهسه مخليني بلا غده شلون ينطيه كلبه عيع الله يساعد ست رقيه عليك
عباس . طبعا بالكوه كاتم ضحكتي خرب مو بت اباوعلهه شلون تدردم ومتدري اني كاعد شويه رجعت صفنت عليه وما احس الا لمسات على لحيتي اووووف شلون ايدهه ناعمه كتلهه واني مغمض
بنيتي خليني انام
ساره . وخرت أيدي بسرعه وجفلت من مكاني وصحت عاااااا انت كاعد 😧
عباس وهو مغمض . هممممم اي كاعد وسمعتج تحاجين الله وتعاتبينه ليش خلاني احلى منج
ساره . يحححححح شكد عييييب .. ها للا لا انت سمعت غلط
عباس . فتحت عيوني باوعتلهه فزت
ساره . عفيه ارجع غمض نام نام
عباس . كعدت على حيلي تقربت منهه وهيه ضلت صافنه عليه كعدت يمهه كلش وصفنت بوجهه بدون شعور كتلهه انتي هم حلوه جان انتبه على نفسي وهيه خطيه توترت وجهه صار احمر من الخجل ورادت تكوم صحت بيهه .. فااااره فااااره دير بااالج وما احس الا اني نايم على الجربايه وهيه صرخت وكعت فوكاي
ساره . عااااااا بدون شعور شبكته وكع عالجربايه واني صرت فوكاه انتبهت النفسي انوب هذا الحقير حاوطني من خصري واني لازمته من صدره من قميصه وعيوني بعيونه خرب حظي منين الله خالقه انوب جسمي لازك بجسمه والله ستحيت شغلات لازكه بشغلات 🙈ردت اوخر بس هو حاضني من خصري رفسته بين رجليه بسرعه دفعني
عباس . ماخذ راحتي وياها انوب تريد تكوم عصرتهه من خصرهه وما احس الا ضاربتني بين رجلي دفعته بسرعه وعطت
ااااااخ احتركت عشرتج يابت الكلب اااااخ بوووويه وين دفرتيني زماله ما لكيتي مكان الا هنا اااااخ بعد ما اخلف من وراج
ساره . طبعا اني اول مدفرته ركضت للحمام اللي بالغرفه
ولبدت بيه أسمعه يحجي هجي لو اني كنت من الضحك بس مطلعت صوت انوب شويه سمعت خطواته اجه بتجاه الحمام خفت ضليت قافلته دك الباب واني منتجيه عليه نزيت كتله شتريد
عباس . دطلعي اريد ادخل للحمام اشوف دفرتج شسوت بيه
ساره . بكلبي . عاااااااااااااااااااااااااااااااااااااااااااااااااااااااااااااااا متت متت خجججججل شلون اطلع اصخااااام كما تشجعت فتحت الباب بس مدنكه انوب رفعت رأسي شفته اول ما شفته واني بعد ما اتحمل شطت ضحك متت 😂 ضليت اضحك بصووووت عاااالي كلش وهو هيج 😈شكله يخرب ضحك عصبي ولازم المنطقه الدفرته بيها يمممممه كركرت من الضحك اخر شي دفعني عن باب الحمام دخل وسد الباب 😂😂😂
شفت مفتاح الغرفه عالميز وااااو ركضت لزمته فتحت الباب طلعت نزلت جوا اركض الكل نايم دنيه الضهر واني خذتهه ركض فتحت الباب الخارجي وطلعت 🏃🏃🏃💃💃💃وهوووووووووووز راح اشررررد يييااااااااااي واركض اركض توني بعدت عن البيت بشويه عبرت الشارع واني فرحااااانه ارجع الاهلي انوب فجاه اجت سياره وضربتني دعمتني واني وكعت وما حسيت بشي
يتبع.....
