عباس . كعدت الصبح جسمي مكسر باوعت لكيت شابك رقيه وهيه هم نايمه كمت لبست ملابسي و سبحت نزلت لكيت حسناء وامي بالمطبخصباح الخير
الكل . صباح الورد
عباس . يمه وين مروه
حمديه.تدرس يمه خطيه عدهه امتحانات كتلهه تدرس واني وحسناء نسوي الغده
عباس . اها زين وزينب مرت هادي وين
حسناء . نايمه بعدهي
عباس . شنو شنو ... شنو نايمه وامي تشتغل عدهه وزوجهه وين
حمديه . ولك يمه اسكت لا تسويلنه عركه شيرادلهن هنه تمنات ومرگه ودجاجه شمسوين عزيمه
عباس وهو راص على سنونه. زوجهه وين
حسناء . طالع هو وجماعته كال
عباس . هااا هيج يعني
حسناء . اي شيخنه
عباس . تمام طلعت من المطبخ رحت للصاله خابرت هادي
هادي . الوو
عباس . وين انت
هادي. شبيك
عباس . ويييين انننت
هادي . هاي شبيك طالع وي واحد صاحبي
عباس . تعال للبيت بسرعه
هادي . صاير ش...قاطعه
عباس . كلت تعااال وسديته بوجهه ورا نص ساعه اجه
هادي . شكو شبيك عباس صاير شي
عباس . ادخل المرتك المحسنه اللي نايمه للضهاري وكعدهه وكل الهه امي مو خدامه عدهه
هادي . شنوووو زينب لهسه نايمه . يمه شسوين بالمطبخ
حمديه . اخ منك عباس
هادي . امسحهه بوجهي خويه اعتذر يمه رحت لغرفتي دخلت لكيت زينب نايمه صحت بيهه زيننننننببب
زينب جفلت . هئئئ يمه اسم الله شكو شصاير شبييك
هادي . لزمتهه من ايدهه حيل لج انتي ما تستحين نايمه للضهاري ومخليه عمتج المره الجبيره تشتغل هاااااا
زينب . ااااخ أيدي وخر وشنو يعني واذا شصار ماتت الدنيا الا زينب تطبخ وتنفخ شبيهه امك شعايزهه شو عدهه رجلين وادين
هادي . طرااااااااخ ✋✋
زينب . عااااااا .. تضربني لك بصياح اني اعلممممك يا ابن حمديييه الا اخليييك تندم انت وامك هاي اللي تگرش على غيرهه المناااافقه
هادي . وللللللججججج دتعاي كضيتهه دگ وقفلت الباب عليهه جنزتهه وطلعت
سمعوني كلكم ممنوع واحد يفوت الهالحقيره فاهميييين
وطلعتمروه . تستاهل ولا مره ساعدتنه بشي
حمديه . شني سالفتك يا عباس شمالك شوف خليتهم يتعاركون
عباس . اي اذا الشي يخصج المفروض يموتهه مو بس يضربها صعدت فوك لكيت رقيه توهه كاعده
رقيه . صباحو
عباس بصياح. ولي انتي يله لبسي ملابسج ونزلي ساعديهن
رقيه . عزه يمه اسم الله شبيكم بسم الله
عباس . شحجيييييتتتت
رقيه . عباس شبيك تعيط عليه مو جنت البارحه بالليل تخبل لووو... نسيت اللي صار بيناتنه
عباس . ولج انتي شكد حقيره كتلج انزلي لا يصير بيج مثل ما صار بزينب
رقيه . زينب ! ليش شبيهه لبست وطلعت
عباس . لبست هالمره بنطرون اسود وقميص زيتوني وحزام وحطيت بيه مسدس ورفعت شعري ومشطت حطيت عطر ولبست نظاراتي وطلعت نزلت سلمت عليهم وردت اطلع
مروه . وين رايح عباس
عباس . الخطيبتي اشوف تحضيراتهم بأجر العقد لو نسيتو
مروه . اييي خل اجي وياك فدوه
عباس . بس بسرعه بس عباتج وحجابج
مروه . اي اي ركضت لبستهن و طياره رحت للسياره ركبت ومشينه منا لمن وصلته لبيت ساره
عباس . نزلي دكي الباب وصيحيلي ساره
مروه . انت ما تنزل
عباس . لا احاجيهه بالحديقه اللي ورا البيت خل تلبس شي وتجي
مروه . اوك .. رحت دكيت الباب فتحلي ولد
عمر . تفضلي منو
مروه . اني مروه اخت الشيخ عباس اجيت علمود اساعد ساره بالتحضيرات مال الخطوبه وعباس كال اريدهه بالحديقه اللي ورا البيت
عمر . اها تفضلي اهلا وسهلا بيج
مروه . شكرا دخلت شافتني مره اعتقد ام ساره
جمانه . هلا بيج يمه اخت عباس مو ؟
مروه . اي خاله سلمت عليهه ودلوني على غرفة ساره صعدت الهه لكيتهه كاعده هي وثنين بنات عرفت نو وحده جنتهم ووحده اختهه
ساره . مروه ! كمت سلمت عليهه تفاجئت بجيتهه وعرفتهه على البنات جان تكول
مروه . ساره بسرعه لبسي شي وروحي للحديقه اللي ورا البيت عباس يريد يحجي وياج
ساره . شنوووو لا بلا