هلاوووو
عباس . طلعت من الحمام لكيت باب الغرفه مفتوح وهيه ما موجوده ركضت بسرعه نزلت طلعت من البيت وصلت يم ابو الدكان كتله عمي شفت بنيه لابسه فستان اسود وحذاء كعب عالي وشال احمر
الرجال . بويه خاف قصدك البنيه اللي اندعمت هسه
عباس . ما ضل عقل براسي كتله ش شنووو
الرجال . اي بويه توها بنيه اندعمت وخذوها للمستشفى
عباس . يا مستشفى
الرجال . مستشفى ال***
عباس . ركبت سيارتي وشخطتهه للمستشفى اول مره احس نفسي ارجف اول مره اسمع صوتها تكلي انقذني وصلت للمستشفى رحت للاستعلامات دلوني عليه رحت ركض لكيتها بغرفة العمليات طلع الدكتور
دكتور دكتور شلون صارت
دكتور . تقربلها
عباس . ءءاي اي خطيبه
دكتور. الحمدلله ماكو خطر على حياتهه راح ندخلهه الغرفة خاصه وتكدر تشوفه
عباس . كال هيج ارتاحيت شويه نقلوها الغرفة خاصه واني رحت يمهه وجهه اصفر ونايمه مثل الملاك عيونه ذبلانه تقربت منهه كعدت انتبهت ملبسيها ملابس مستشفى كلت للممرضه دير بالها عليهه واني طلعت رحت لأسواق قريبه اشتريت الهه دشداشه و حجاب جديد ووياه فستان محجبات ورحت للمستشفى كلت للممرضه تلبسهيا واني طلعت .. واني واكف دك تلفوني امي تتصل
الو ها يمه
حمديه . ولك يمه لا انت ولا ساره بالبيت وينكم
عباس. يمه أحنه بالمستشفى ساره اندعمت
حمديه شهكت ودكت صدره . عزه العزاك ولك شسويتلهه
عباس . اول شي مسويتلها كتلج اندعمت لما حاولت تشرد ثاني شي أحنه بمستشفى***تعالو اذا تردون وسديت التلفون بوجهه تعبان كلش وخايف عليها طلعت الممرضه واني دخلت لكيتها لابسه الدشداشه كعدت يم جربايتهه عالكرسي بدون شعور لزمت ايدهه ودمعتي وحدهه طاحت استغربت من نفسي وانصدمت اول مره ابجي حتى لما مات ابوي ما بجيت وتحملت شلون هيج دمعتي رخصت بس علمود هالبنيه اوف ساره منو انتي من شنو انخلقتي اتخلين أكبر واحد يحبج بس لا لا اني محبيتهه اني رجال متزوج واحب مرتي هالشي اتخيله شويه تذكرت اهل سارةكل خليني انطيهم خبر دكيت على عمر عندي رقمه
عمر . الوو
عباس . الو عمر اني شيخ عباس
عمر . كعدت على حيلي بخوف .. ش شنو ش شكو ساره بيهه شي
عباس . عمر ساره اندعمت وخذوها للمستشفى واني هسه يمها لتخاف هيه زينه بس طمن الاهل وتعالو شوفوها
عمر . شنووووو لك شتحجيي انت حسااابك وياااي بعدين سد التلفون
عباس . رجعت لزمت ايدهه وضليت احجي وياها بس هيه نايمه
ساره .. ساره شلون خليتي الشيخ عباس اللي متهزه الجبال يبجي . شلون بس كليلي شلون .. اني ابوي ما بجيت عليه انوب انتي بجيت عليج لمرجد انج اندعمتي ؟ ااااخ اخ يا بنت الشيخ حسين شويه اجو اهل ساره امهه وابوهه وعمر و وياه بنات ثنين اعتقد وحده زوجته ووحده اخته امهه ضلت تبجي عمر يخزر بيه وابوهه اول مره اشوف الشيخ حسين هيج مهدود حيله حسيت نفسي ولاول مره بحياتي اني السبب شويه اجت امي و حسناء ومهدي أما هادي ومروه و زينب باقين بالبيت امي ما قابله تجيب مروه لان مروه تلعب نفسه من المستشفيات ندري بيهه .. ورا خمس دقائق دكت عليه مروه طلعت
الوو ها مروه خايفه على ساره زينه زينه
مروه . لك يا ساره ادري بيهه زينه تعال رقيه اجت للبيت وكلبته كلاب فوك راسنه وطلعت عصبيه
عباس . عشتو شنو شنو ليش يأبه
مروه . تكول عباس يحب ساره لان عرفت بيك حتعقد عليهه وتتزوجون
عباس . هااا هيه هسه وين
مروه . طلعت
عباس . خوش بعدين اني احاجيها يله روحي
مروه . اوكي باي
عباس . سديت التلفون تنهدت ورجعت وياهم
يتبع...
