Seventeen in Caratland [ON-GOING]

Prologue

Noong unang panahon, tatlong nilalang lamang ang naninirahan sa Caratland.

Ito ay sina Eros, diyos ng pag-ibig; Venus, diyosa ng kagandahan; at Yhweh, diyos ng lahat ng diyos.

Masayang naninirahan ang tatlong diyos na ito sa mundo na nilikha mismo ni Yhweh. Maituturing itong isang perpektong mundo na kung saan ay may kapayapaan at pagmamahal.

Malaya silang gawin ang lahat ng kanilang gustuhin maliban lamang sa isang bagay, ang pinagbabawal na pag-ibig. Ito ang kaisa-isang kautusan na nilikha ni Yhweh.

Ngunit isang araw, nilabag nina Eros at Venus ang ipinagbabawal na kautusan. Tuluyan nilang inibig ang isa't isa.

Nang dahil sa paglabag na ito ay namuo ang isang "dark force" o itim na puwersang tuluyang sumira sa relasyon ng tatlong diyos at mundo ng Caratland.

Bilang parusa, itinapon at ikinulong ni Yhweh sina Eros at Venus sa isang madilim na dimensyong kanyang nilikha. Kailangan nilang pagbayaran ang kanilang kasalanan sa loob ng isang daang libong taon.

Dumaan ang mahabang panahon at lumikha ng panibagong nilalang si Yhweh na maninirahan sa Caratland, ang mga ito ay tinawag niyang Carats. Sila ang mga mamamayan ng Caratland.

Ang Caratland ay binubuo ng 13 na bansa na pinamumunuan ng 13 na prinsipe na biniyayaan ni Yhweh ng kanya-kanyang kapangyarihan upang protektahan ang kanilang nasasakupan.

Ito ay sina..

Prinsipe Scoups, ang prinsipe ng Yendann.

Prinsipe Jeonghan, ang prinsipe ng Grigoviel.

Prinsipe Joshua, ang prinsipe ng Alynthi.