Reporting For Love

Epilogue

EPILOGUE

SI YAM ang nakuhang reporter. Okay na yun kay Macy, kasi nagproduce ng isang lifestyle magazine show ang parents niya for her, dahil gusto niya talagang nasa TV. Hindi naman tumutol si Yam dahil once a week lang ang show, at hindi na delikado. Tumutulong na rin ang dalaga sa marketing campaign ng business ng mommy niya.

Si Melissa ang napiling weather girl, kinuha naman si Zander na maging sports correspondent. Si Beth ay binigyan ni Macy ng segment sa show niya, samantalang si Richard ay sinusubukang maging radio reporter muna.

Macy moved out of her parents' house. Sa condo na siya nakatira ngayon with Yam.

Ipinakilala na rin siya ng nobyo sa pamilya nito and she instantly fell in love with his family. Bumisita na rin ang pamilya ni Yam kina Macy- they all had a festive lunch and nangako ang parents ni Macy na sila naman ang pupunta kina Yam one Sunday.

Umuwi from Singapore si Trudy. Ayaw na niyang magtrabaho doon. Nasa Unilever na siya ngayon. Close na sina Macy and Trudy, kaya minsan, feeling ni Yam ay pinagkakaisahan siya ng dalawa- lalo na kapag nanonood sila ng sine sa Rockwell. May boyfriend na rin si Trudy, dati nilang batchmate sa Philippine Science Highschool. Foursome na sila kapag lumalabas.

Eksaktong anim na buwan pagkatapos ng hostage crisis na kinasangkutan ni Macy ay nagpakasal sila ni Yam sa Manila Cathedral. Elegante ang naturang kasal- courtesy ng daddy ni Macy. Ayaw sanang pumayag ni Yam noong una, gusto niya ay simple lang- pero napapayag din siya ni Macy. Tutal, regalo naman daw yun at masamang tumanggi sa grasya.

Sa Fort Santiago ang reception, with more than 200 guests na mula sa media, judiciary and modeling world.

Nang ihagis ni Macy ang hawak na bulaklak ay kay Trudy napunta yun- na ikina-shock ng babae.

Sa sobrang pagod ay hindi na nakapag-honeymoon that night sina Macy at Yam. Bumawi na lang sila the next day- pagdating nila sa Thailand – ang trip na regalo ng batchmates nila sa network.

E N D