رأيك شنو يا صلاح أعمل ليك كباية شاي مظبوطه 😊 قال ليها يا سلااام عليك دايمآ بتقري افكاري من غير ما إتكلم وبعدها أمي نادتني شجن يا شجن رديت نعم يا أمي ✋ قالت لي أعملي لينا كبايتين شاي بـ نعناع 😊 قلت ليها يا أمي انا سمعتك انتي العزمتي ابوي وقلتي ليهو اعمل ليك شاي طيب انا علاقتي شنو عشان اعملو انا 😓 جدعتني بالشبشب قالت لي انتظري برد عليك بالعدين بالخرطوش ✋ طبعا الخرطوش ده سلاح الضرب عندنا قلت ليها اي حاجه ولأ الخرطوش رايك شنو أعمل شاي كتير وأوزعو ليك في الحي " طبعآ ابوي وشيراز يضحكو فيني 😅 شيراز حصلتني في المطبخ قالت لي شجن اعملي لي معاك كبايه قلت ليها يسسسمك عشان تضحكي فيني كويس لو عايزه تعالي أعملي إنتي 😒 قالت لي لااا خلاص غيرت رأيي 😊 المهم عملت الشاي وطلعت ناولت امي الكبايه قلت ليها شاي ظاااابط ومنعنع عشان خاطر عيونك 😘 وختيت جنبها الترمسه قلت ليها دي كلها حقتك قالت لي أحكي من الآخر عايزه شنو 😒 ؟؟ فهمتني عايزه أحنكها 😅 قلت ليها بكل ادب يا أمي ماشه لـ منار صحبتي ردت لي بـ لاااا 😔 بس دخلت ابوي واسطه وفعلآ في الآخر أمي وافقت وقالت لي قبل المغرب تكوني في البيت 😒 قلت ليها اكييييد قالت لي انا شاكه انك بتحبي منار دي اكتر مني 😏 ضحكت وبقلبي قلت منار شنو الـ بحبها تشبهه الضفدع كده بس انا بحب محمد اخوها 😅 وحنكت ابوي شلت منو قروش اشتريت 2 اندومي ومشيت لـ منار أنا شلت واحد وناولتها واحد وفي الحقيقه انا مشتريه واحد لـ محمد بس ما لقيتو وفي الاخر اديتو لمنار وسألتها قلت ليها محمد وين 😊 ؟؟ قالت لي اكلمك بس ما تكلمي زول فرحت وخيالي مشى بعيييد قلت اكيييد كلم منار اختو إنو بيحبني 😍 بس صدمتني وقالت لي بصراحه سمعت محمد يتكلم في التلفون وماشي يقابل بنت بس ما تكلمي زول ✋ طبعا العبره خنقتني شلت الإندومي من يدها بقوه وبقلبي قلت ليها تاكلي السم منار اتخلعت وقالت لي شجن في شنو 😳 ؟؟؟؟ قلت ليها ما تتكلمي معاي ورجعت البيت ابكي وده كان اول شاكوش في حياتي 😭 كنت فاكره انو لم محمد بيشتري لي مع اختو شوكولاته وحلاوه كنت فاكره انو ده الحب حتى انا كنت بشتري ليهو و امشي بيتهم أناولو كنت طفله عاااهه 😅 طبعا هو كان بيقرأ في الثانوي وانا في الأساس اليوم التاني بعد رجعت من المدرسه لقيت خالتي فاطمه ( ام محمد ومنار ) في بيتنا قلت ليها خالتي اقول ليك سر بس توعديني ما تقولي انا الـ كلمتك 😓 قعدت تضحك قالت لي احكي يا شجن وطبعآ امي اتخلعت ونططت عيونها تعاين لي 😳 قلت ليها شوفت محمد ولدك ماشي مع بنت شكلو بيحبها وعايز يعرسها 😒 ( طبعآ انا كذابه ما شوفتو بس ده كلام منار وأنا قولتو ) امي قالت لي بحده شجن ادخلي جوا 😠 خالتي فاطمه قالت ليها خليها يا ساميه واتلفتت قالت لي ده طيش شباب بس مصيرو يعقل 😊 امي قالت ليها اصلا طور المراهقه كده وامي شغاله تصر لي 😒 قلت ليها والله يا خالتي فاطمه احسن تعرسي ليهو انتي وحده تكوني بتعرفيها وفاطمه شغاله تضحك في كلامي وانا كنت جاده وقاصده روحي 😓✋ طبعا بعد خالتي فاطمه رجعت بيتها حصل الـ ما متوقع أمي مسكت الخرطوش ودخلت الغرفه ونادتني 😢 قلت ليها يا أمي انا هسي عملت شنو عشان تضربيني 😢 ؟؟ قالت لي عشان تاني ما تنقلي كلام وما تقعدي مع الناس الأكبر منك 😠 قلت ليها بس أنا كلمتها عشان تعرف ولدها قليل ادب وتأدبو المهم أخدت دقتي 😭 وطبعآ امي من طبعها لم تزعل وحده فينا بعدها بتعمل ليها الاكله البتحبها عشان تراضيها بطريقة غير مباشره 😍 وانا كنت بحب الإندومي مع انو امي بتكرهه ومحرمه علينا انو ما ندخلها البيت 😓 بس بعد ضربتني وأنا زعلت رسلت سحر الدكان واضطرت تشتريها لينا كلنا وشيراز طبختها 😍 وامي قاعده تعاين لي وانا من ناحيه عايزه آكل ومن ناحيه كرامتي نظام زعلانه 😢 قلت لـ شيراز بـ همس حنسيني بس الحيوانه شغاله تاكل وتتبسم وتعاين لي في الاخر قلت والله لو ما عشان خاطر ابوي ما كان أكلت 😅 امي ضحكت وقالت لي هسي ابوك معانا ؟؟ أبوك في الشغل خبرك ما جايبو 😅 قصفت جبهتي نبع الحنان 😒اليوم التاني امي مرسلاني الدكان وبالباقي اشتريت شوكلاته لقيت محمد في الشارع قال لي شجن وين شوكلاتي 😍 ؟؟ قلت ليهو انا ما ابوك عشان اصرف عليك ضحك وقال لي تعالي مالك زعلانه 😳 قلت ليهو مله اب شوك تطيرك فوق ما تتكلم معاي 😠 قال لي اكيييد خالتي ساميه مزعلاك صح بقلبي قلت ليهو مزعلني انت ودخلت البيت 😓 ومنار كل ما تتكلم معاي كنت بصدها واشتكتني لـ شيراز شيراز قالت لي شجن سببك شنو مع منار قلت ليها بقيت ما بطيقهم وسدو نفسي وعايزه اجدد صحباتي في حاجه 😏 قالت لي أكيييد عندك نفسيات 😓 قلت ليها بالظبط كده وعشان كده أبعدو من طريقي 😠اعرفكم علي الأسره نحن 4 بنات شيراز الاكبر وبعدها انا إسمي شجن وبعديني سحر وسمر ( توأم ) وهم أصغر البيت وأمي إسمها ساميه وأبوي إسمو صلاح 😍 وحياتنا زي حياة اي بيت سوداني مستقره لحدي ما دخلت وحده في حياة ابوي غيرت مسار حياتنا كلها 😔 ""
يتبع......
