وائل لحظه قبل ما تقفل سلم على شجن ولأ أقول ليك علي مرتي 😅 وبقلبي بقول يسري لاااا ما تعمل كده ورديت ليهو سلم عليهو انت عشان الرصيد 😊 بس يسري ناولني التلفون وقال لي رصيد شنو ده الايمو 😅 إستلمت التلفون والكلمه الوحيده القدرت انطقها ألو واول ما سمعت صوت وائل قال لي الف مبروك ما قدرت إتحكم في مشاعري دموعي نزلت 😭 يسري إتخلع وشال مني التلفون قال الووووو الوووووو الخط فاتح ومافي رد قفل التلفون طلع وجا راجع ناولني كبايه مويه قال لي أشربي عشان تهدي 😢 بعد شربت المويه قال لي شجن في شنو ؟؟ وائل قال ليك شنو 😳 ؟؟ قلت ليهو يسري ممكن ما تسألني هسي هز راسو وطلع من الغرفه وطول اليوم يسري كان بيتصل على وائل بس ما كان بيرد ✋ وانا كنت بفكر في كذبه أطلع بيها من المصيبه دي هسي أقول ليهو بكيت لـ شنو " يا ربي أحكي الحقيقه وارتاح 😢 يسري جا داخل وما اتكلم معاي قلت ليهو يسري بصراحه انا قبيل بكيت عشان ياسمين اتخلع قال لي ياسمين مالها 😳 ؟؟ قلت ليهو عشان لسه طفله وفقدت امها وح تعيش طول حياتها من غيرها 😔 قعد جنبي وقال لي والله وائل عمرو ما نقص منها حاجه وبعدين ممكن انتي تكوني في مقام امها وتعطيها الحنيه العندك دي صح 😘 بقلبي قلت ليهو فعلا انا كنت ح أكون امها لو انت ما دخلت في نصنا 😔 وشهر كامل كنت مرتاحه وبتصرف بصوره طبيعيه في البيت زي كل مرت ولد ✋ لحدي ما وائل قرر يرجع وبصراحه كنت متشوقه عشان أشوفو مع إنو غلط لإني متزوجه بس ما قدرت إتحكم في قلبي ✋ و يوم وائل جايي كنت بتجهز عشان أكون في قمه الاناقه 😍 يسري مشى إستقبلو في المطار وانا اول ما سمعت صوت العربيه كان نفسي أجري وأقابلو جنب الباب بس إتعوذت من إبليس وإتذكرت اني مرت أخوهو 😔 يسري جا داخل شايل ياسمين طبعا كلهم انشغلو يسلمو علي ياسمين وانا بحاول أمسك العبره وأبلع في ريقي 😢 سلمت علي وائل بطريقه سريعه وحبيت إنشغل بـ ياسمين عايزه أشيلها من يسري بس رفضت تجيني وصرت وشها 😠 يسري قال ليها ياسمين أمشي ليها دي شجن وبرضو رفضت تجيني 😅 بس انا إتذكرت لم آخر مره إنفعلت فيها مع سمر معقول من لحظتها تكون متذكره 😳 بالرغم إنو يوم العرس كانت بتضحك معاي المهم مديت ليها لساني زي زمان إبتسمت حتى بعدها جاتني 😍 وطبعا وائل ساكت بعد شويه وائل قال عن إذنكم يا جماعه عايز إرتاح من تعب السفر 😊 إمو قالت ليهو غرفتك جاهزه ✋ المساء يسري قال لي شجن العشاء جاهز قلت ليهو ما عايزه وبقلبي قلت كيف ح أقدر أقعد انا ويسري و وائل في صينيه واحده 😓 بس يسري قطع تفكيري وقال لي شجن أطلعي أقعدي معانا حتى من غير ما تاكلي لأنو أمي منتظرانا وما ظريفه تاكل براها 😒 وائل قال ما عايز وأبوي نايم بعد عرفت وائل ما ح يتعشى معانا طلعت أكلت والصباح إتظبطت وكان بيهمني إني أظهر بكامل أناقتي جنب وائل وطلعت قعدت في الكنبه جنب يسري وحاولت اتأقلم مع الوضع ✋ بس دايما كنت بحس بروحي مخنوقه 😔 " انا و وائل دايمآ كنا بنتجنب نتلاقى عشان ما نتصدم ببعض 😓 وطلبت من خالتي نوره انو تحاسب الحبشيه وأمسك الشغل أنا وهدفي إنو أكون طول اليوم مشغوله عشان أوقف التفكير في وائل 😔وفي يوم مشيت بيتنا زياره أمي قالت لي كيف عامله مع حياتك الجديده ؟؟ قلت ليها الحمدلله 😊 وطبعا كنت بفضفض مع شيراز عشان إرتاح لأنها عارفه كل الحقيقه بعد دخلنا الغرفه قالت لي شجن انتي قاعده كيف مع وائل ومع يسري في بيت واحد كيف قادره تتأقلمي مع الوضع 😢 ؟؟ قلت ليها عادي المساء بكون مع راجلي والعصر بكون مع حبيبي 😊 قالت لي شجن انا جاده عايزه إطمن عليك 😒 قلت ليها والله ده الحاصل المساء بكون مع يسري مختصرين في الغرفه والعصر بنكون كلنا قاعدين في الهول فبكون مع وائل عرفتي الجحيم العايشه فيهو أنا 😢 والله لا قادره إتأقلم وأتقرب من يسري ولأ قادره أبعد وأنسى وائل ما عارفه أعمل شنو 😭 مرات بفكر إني إنتحر وإرتاح ولأ إتطلق قالت لي أحزرك تعملي كده بس يا شجن عندك حل واااحد أرضي بالواقع وحاولي عيشي حياتك مع يسري والله ما ح تندمي يسري بحبك 😍 قلت ليها عارفه والله بس ما قادره وبقيت لو ما شوفت وائل قدامي ما برتاح 😔 مستعده إني يوم كامل ما أشوف يسري بس ما بستحمل في وائل ✋ قالت لي شجن بس إنتي كده بتغلطي في حق يسري ودي تعتبر خيانه 😒 قلت ليها طيب أعمل شنو ما بيدي 😭 قالت لي طال ما إنك بتشوفي وائل في وشك ما ح تقدري تنسيهو عشان كده أرحلو إنتي ويسري وأبدو حياه جديده وكده ح تنسي وائل وتبعدي عنو ✋ قلت ليها ما بقدر إطلب من يسري يبعد من أمو 😔 رجعت البيت والصباح يسري طلع من الغرفه بعد وصل نص الهول ناديتو يسري إنتظر وفي اللحظه دي وائل رفع راسو وفضل منتبهه معانا ناولت يسري الجكيت قلت ليهو ما تطلع كده الجو بارد 😊 يسري قال لي تسلمي بعد يسري طلع وانا راجعه الغرفه وائل بحده قال لي قصدك شنو 😠 قلت ليهو بخلعه قصدي في شنو 😳 قال لي تصرفاتك مع يسري قلت ليهو تصرفاتي عاديه قال لي بس تصرفك الـ هسي ده ما عادي 😒 قلت ليهو بالعكس تصرف بين مرا وراجلها خايفه عليهو يمرض كده يبقى أنا غلطانه 😓 قال لي شجن انتي فاهمه انا قاصد شنو عشان كده بطلي الحركات دي قدامي وعندكم غرفه مخصصه 😒 قلت ليهو أهدأ أعصابك البيشوفك معصب كده ح يفهمنا غلط 😊 قال لي قصدك ح يفهمنا صاح شجن ما تصعبيها علي أكتر من كده والله كل يوم بشوفك بتمني يكون كابوس بس ده أخوي ده أخوي 😔 " والله لو بيدي كان ... سكت غلبو يتم كلامو وطلع وانا كنت مبينه إني قويه بس كنت من جوه بتقطع الف مره تضحيتنا دي في الأفلام ما حصلت دخلت الغرفه بكيت 😭 بس حسيت بذره فرح لم إكتشفت إنو وائل لسه بيحبني وبيغيير علي من يسري 😍 وبصراحه ما كنت قاصده حاجه لم سلمت يسري الجكيت بس بعد عرفت وائل بغيير بدأت إغيظو بيسري كل مره 😊 واليوم التاني كذلك يسري طالع للشغل قلت ليهو يسري تتزكر الباسطه الكنت جبتها لي قبل ما نتزوج بلييييز جيبها لي معاك قال لي حاضر 😘 وبعد يسري طلع دخلت المطبخ وائل جا محصلني وبحده قال لي يعني مصره تغيظيني بـ يسري صح 😠 إبتسمت إبتسامة استفزاز وقلت ليهو وليييه علاقتي بـ يسري بتغيظك ما تنسى انت السبب في زواجنا عشان كده المفروض تكون فرحان لـ تقربنا من بعض 😊 وائل ضرب مسطبة المطبخ بيدو وقال لي شجن للمره الاخيره بحزرك من تصرفاتك دي 😠 في اللحظه دي جا يسري داخل قال ليهو تحزرها من شنو يا وائل شجن عملت ليك شنو 😒 طبعا أنا و وائل اتخلعنا 😳 بس وائل رد ليهو ""
يتبع.....
