في اللحظه دي يسري جا داخل وقال ليهو تحزرها من شنو يا وائل شجن عملت ليك شنو 😒 طبعا أنا و وائل اتخلعنا 😳 بس وائل رد ليهو بحزرها انو تولع البوتوجاز مسافه حتي تشعل الكبريت لأنو كده الغاز بيتسرب وبيعمل حريق في البيت 😓 يسري مسكين صدق كلامو وقال لي شجن وائل كلامو صح كده خطر عليك 😊 وائل طلع من المطبخ وانا لسه كنت مصدومه 😳 قلت لـ يسري انت جيت راجع عايز شنو قال لي نسيت تلفوني قلت ليهو دقيقه أناولك ليهو دخلت الغرفه يسري حصلني قال لي شجن ما تزعلي من وائل اصلا طبعو حاد بس ده من نتيجة خوفو علينا ما أكتر 😓✋ قلت ليهو إطمن ما زعلانه 😊 طبعا الحاجه الوحيده الـ كنت فرحانه بيها في زواجي من يسري انو أمي وأبوي علاقتهم رجعت زي الاول بسبب التخطيط ليوم عرسي وده سبب سعادتي الحقيقي 😍 اليوم التاني الصباح خالتي نوره طلعت من البيت وانا كنت شغاله في المطبخ و وائل قاعد في غرفتو بعد شويه جا طالع وبيتكلم بالتلفون بصوت عالي قال أكيييد ح نتزوج قريب وانا عندي كم زيك 😍 طبعا انا من غير ما أفكر طلعت من المطبخ و وقفت قدامو قلت ليهو لم انت اصلا بتحب وحده غيري من الأول كان تصارحني نخلي بعض من غير ما تدفعني لأخوك 😡 وائل واصل كلامو في التلفون خلاص حبيبتي برجع ليك بعدين 😊 وقفل الخط قلت ليهو في الحقيقه انت ما إتنازلت من علاقتنا عشان أخوك انت إتخلصت مني عن طريق أخوك لأنو أصلا في وحده في حياتك بس ما عافيه ليك العملتو فيني ✋ قال لي اولآ ما تنسي انك علي ذمة راجل عشان كده ما يحق ليك تتكلمي معاي في حياتي الشخصيه اوك 😊✋ وطلع من البيت وانا دخلت غرفتي وانهرت بالبكا وبعدها مسحت دموعي وقررت من اللحظه دي أعيش الواقع واليوم ده كان نقطه تحول كبيره في حياتنا انا ويسري ✋ وكنت منتظره يسري كأني عروس حتى يسري لم شافني إتفاجأ 😳 وبصراحه بسبب صدمتي من وائل وبعد عرفت في وحده في حياتو بقيت ما قادره أشوفو في وشي 😓 والمساء قلت لـ يسري عايزه أطلب منك طلب قال لي جدا حياتي كلها ليك 😊 قلت ليهو الله يخليك بس عايزه إنو نستقر في بيت برانا عايزه أطلع من هنا يسري إتفاجأ قطع كلامي قال لي شنوووووو 😳 قصدي السبب شنو عشان نرحل ما يكون بسبب وائل عشان حكاية الغاز 😓 قلت ليهو أكيييد لااا بس انا هنا ما مرتاحه حاسه بروحي مقيده 😔 يسري فضل ساكت ما قدر يرد حسيت بروحي اني ضغطته عليهو 😢 قلت ليهو يسري لو ما بتقدر خلاص أنسى الفكره قال لي من الناحيه الماديه أنا ما عندي مشكله بقدر لكن بصراحه القرار ده ح يكون صعب علي امي 😔 بس أوعدك نرحل بس أول لااازم أبدأ ألمح ليها حتي أفتح ليها الموضوع خلال يومين تمام ✋ قلت ليهو يسري شكرا قال لي علي شنو قلت ليهو ما حصل رفضت لي طلب 😊 قال لي لأنو ده واجبي وراحتك بتهمني 😘 وفعلا يسري كلم خالتي نوره وفي الأول زعلت ورفضت بس بعدها إقتنعت ✋ اليوم التاني يسري طلع الشغل والبيت كان هادئ طلعت الهول لقيت وائل قلت ليهو وين خالتي نوره 😓 قال لي مشت الخضار عايزه أرجع الغرفه قال لي شجن لحظه انا مخصوص منتظرك عايزك في كلمتين قلت ليهو بإبتسامة سخريه خير في شنو مع إنو مافي سبب يخلينا نتكلم مع بعض ✋ قال لي لااا في سبب شجن إنتي مشكلتك معاي انا صح طيب ليييه تنتقمي من يسري وتبعدي مننا 😒 ؟؟ وبكل برود قلت ليهو منو القال ليك عندي معاك مشكله بالعكس أحمل ليك كل الود والتقرير يكفي انك أخو راجلي يعني حماي ومن واجبي إني إحترمك 😊 وثانيا انا وراجلي حبينا نستقل في بيت برانا في نظرك ده إسمو إنتقام 😏 واي واحد بعد يتزوج من حقو يريح مرتو وانا هنا ما مرتاحه ✋ طبعا حسيت بـ دمو بيغلي وح ينفجر وبحده قال لي شجن من الآخر ما في رحول 😠 قلت ليهو ما بتحدد لينا انت نعيش حياتنا كيف 😒 وبعدين من حقنا نستقل ونجيب اولاد يملو حياتنا قال لي شنووو اولاد انتي اكيييد بتهظري 😒 قلت ليهو اهظر في شنو مش دي سنة الحياه الطبيعيه 😊 والمساء وائل إتكلم مع يسري انو ما يرحل بس تأثيري على يسري كان أقوى ✋ وفعلا بعد شهر رحلنا والأيام الأولى كنت متوتره شديد ودايما زهجانه وانا متأكده ده كلو عشان ما شوفت وائل 😔 يسري قال لي شجن في شنو حالتك ما عاجباني 😢 قلت ليهو مافي حاجه قال لي بس ظاهر عليك إنفعلت فيهو يعني انا بكذب قلت مافي حاجه ✋ يسري طلع من البيت من غير ما يرد علي وبصراحه بعدها ضميري أنبني عشان اتنرفزت فيهو وهو ما عندو ذنب إتصلت عليهو ""
يتبع......
