يوم أهل خالتي نوره عندهم عرس وانا رفضت أمشي معاهم العصر وائل جا راجع من العرس وسمعني بتكلم في التلفون قلت تدفع كم وأنفذ ليك طلبك 😌✋ ضحكت وقلت خلاص إتفقنا في اللحظه دي وائل ختف مني التلفون ومن غير ما يعرف ده منو والموضوع شنو 😳 ؟؟ إنفعل وقال لي ده السبب الرفضتني تمشي بسببو العرس عشان تتسلي بالتلفون صح 😡 ؟؟ طبعا من الخلعه غلبني أرد 😳 واصل كلامو وقال لي طول الفتره دي نحن مغشوشين فيك وفاكرنك وهبتي حياتك قصاد ولدك ورفضتي تمشي معانا عشان متأثره بوفاة يسري بس كنا غلطانين 😠 رديت عليهو بحده وائل قصدك شنو لاحظ لكلامك 😠 قال لي لم إنتي الأول تلاحظي لتصرفاتك 😒 قلت ليهو وانت منو عشان تتصرف معاي كده تختف مني التلفون وتحاسبني علي تصرفاتي 😓 قال لي انا ولي أمرك ✋ قلت ليهو ما تنسى روحك إنت عم ولدي فقط وانا ولي أمري أبوي بعد وفاة راجلي 😓 قال لي كويس إنك لسه متذكره إنو كان عندك راجل 😒 وبما إنك قاعده في البيت دا يبقى انا ولي أمرك وتعيشي فيهو زي ما نحن عايشين ✋ قلت ليهو طييييب من اللحظه دي ما ح تبقى ولي أمري ومافي واحد بيجبرني أعيش كيف 😓 قال لي قصدك شنو 😠 ؟؟ قلت ليهو قصدي ح تعرفو لم أترك البيت وأنا أصلا كنت قاعده هنا عشان خاطر خالتي نوره ✋ قال لي شنووووو اوك أعملي زي ما عايزه بس ولدنا ما ح يطلع معاك 😓✋ قلت ليهو اولا ده ما ولدك ده ولد أخوك وجايبو مني أنا ✋ وانت ما يحق ليك تمنعني أطلع بيهو ونشوف ح تمنعني كيف 😠 ؟؟ ودخلت الغرفه جا محصلني قال لي شجن أعقلي وما تخليني إستخدم معاك إسلوب ما يعجبك ✋ قلت ليهو ولااا تتجرأ وائل شال مني مازن بالقوه ورفض يسلمني ليهو 😭 مازن إتخلع من إرتفاع الصوت وفضل يبكي وائل سلمو مفتاح العربيه وقال ليهو نمشي تيت العربيه تيت بعدها مازن خيب ظني وسكت قلت لـ وائل طيييب ح يتفاهم معاك ولي أمري وأتصلت علي أبوي 😓 و وائل إتصل علي خالتي نوره وقال ليها شجن طالعه من البيت وح تسوق مازن للأبد وطلب منها تجي راجعه بسرعه ✋ أبوي جا وقال لينا بخلعه الحاصل شنو 😳 قلت ليهو وائل رافض يسلمني ولدي وائل قطع كلامي وقال ليهو يا عمي أسألها من السبب سمعتها بتتكلم في التلفون مع واحد ولم واجهتها إنفعلت وقالت الأ تشيل مازن وتطلع ✋ أبوي إنفعل فيني وقال لي شجن كلام وائل ده صح ؟؟ طبعا خالتي نوره وصلت وكانت مفزوعه أبوي قال لي أفتحي خشمك ده ردي 😠 قلت ليهو صاح كنت بتكلم مع عاصم ولد عمي طبعا وائل إتفاجأ قال لي بس إنتي ما وضحتي لي 😓 قلت ليهو لأنو ما مجبوره أشرح ليك في اللحظه دي جرس الباب دق وائل فتحو وكان عاصم ود عمي وقال لـ وائل سمعت إنفعالك مع شجن في التلفون لانو الخط كان فاتح 😓 وهسي ح أشرح ليك عشان ما تفهمنا غلط بصراحه انا مرتبط مع شيراز وشيراز زعلانه مني فإتصلت علي شجن تدخل واسطه بينا ✋ دي كل الحكايه بس ما كنت فاكر انو إتصالي عليها ح يعمل ليها مشكله 😢 وائل إعتزر من عاصم وقال ليهو والله ما كنت فاكر الفي التلفون ده إنت 😓 وبعد عاصم إستأذن ورجع وائل جا داخل الهول سمع أبوي قال لي شيلي ولدك وترجعي معاي البيت ✋ خالتي نوره إتصدمت قالت ليهو ما كده يا حاج صلاح 😢 أبوي قال ليها إستحاااله بعد الحصل ده أترك بتي عندكم انا لم وافقت انها تقعد معاكم كان عشان خاطرك انتي وعشان خاطر مازن حفيدكم بس لو وجودها معاكم بسبب ليها ولـ شرفها إهانه إستحاااله تقعد 😓✋ وائل قطع كلامو قال ليهو والله يا عمي ما قصدي الإهانه كل الحصل سوء تفاهم واتوضح أبوي قال ليهو سوء تفاهم بالنسبه ليك بس لم تتهمها اتهام زي ده قبل ما تهين شجن بتهيني أنا لأنو أنا الـربيتها ✋ وائل قال ليهو بعتزر ليك إنت وشجن بنتناقش كده إتلفت علـي خالتي نوره وقلت ليها ما بقدر أقعد معاك بس لاحظت لـ شكلها ما طبيعي وبعدها دخلت في غيبوبه أسعفناها للدكتور وكان السكري حقها مرتفع جدا 😢 وبعد يومين طلعوها من المستشفى وأنا كنت معاها بس أول ما وصلنا البيت انا رفضت أدخل معاهم دخلت بيتنا ✋ بعد شويه تلفوني رن وكانت خالتي نوره وطلبت مني أمشي ليها ضروري عايزه تشوف مازن وقالت لي إطمني وائل مافي البيت ✋ وفعلا إستأذنت من أمي وفهمتها إنو 5 دقائق وح أجي راجعه وفعلا شلت مازن ومشيت ليها واول ما شافت مازن وشالتو فضلت تبكي قلت ليها أهدي يا خالتي قالت لي والله يا شجن مازن لو بعد مني ممكن اموت كفاية فقدته أبوهو 😔 قلت ليها إطمني ما ح يبعد منك في اي لحظه عايزه تشوفي إتصلي علي وأنا بجيبو ليك ✋ قالت لي بس أنا عايزه إتصبح بـ وشو والله يا شجن ح أكلم وائل يعتزر ليك للمره التانيه قلت ليها مافي داعي 😓 قالت لي طيب ح أكلم كمال يسجل البيت بإسمك انتي ومازن بس تجو راجعين تعيشو معاي ونحن ما عايزين حاجه غيركم 😢 قلت ليها لاااا إستحاااله أوافق 😱 وكانت مصره وعايزه تتصل علي عمو كمال بس منعتها وقلت ليها طيب مستعده أرجع أقعد معاكم بس المره دي بشروط ✋ ""
يتبع......
