اليوم التاني واقفه في الظلط وكالعـاده وائل وقف لي بالعربيه بعد ركبت وقبل ما يسلم قال لي شجن مواعيدنا الليله صح 😊 قلت ليهو مواعيد شنو 😳 ؟؟ قال لي شجن والله من امس متوتر اي ولأ لا 😒 قلت ليهو عارف باب بيتنا وين ولأ اوصفو ليك قال لي شجن أفهم إنك موافقه 😍 ابتسمت وهزيت راسي اي 😊 قال لي والله اوعدك اني احافظ عليك زي روحي بس فضل مرحلة اهلك تفتكري ح يوافقو بي 😢 سكته ما رديت قال لي بالمناسبه متوقع إنهم يرفضوني بس بما إنو انتي موافقه ح ابذل كل جهدي عشان يوافقو 😍 عشان كده ح ننتظر شويه حتي اتقدم ليك لحدي ما اكسب محبتهم وثقتهم فيني ✋ قلت ليهو ولو ما وافقو ممكن نعقد بالمحكمه ضحك وقال ربنا يصبرني علي باقي حياتي لأني ح اعيش مع وحده حياتها كلها اكشن 😅 لم قال لي باقي حياتي حسيت بسعاده ما قادره اوصفها 😍 وطبعا باقي الدردشه وائل بدأ معاي تحقيق سألني من علاقتي باولاد الجامعه عامله كيف ؟؟ قلت ليهو عايز تحققها معاي من اولها 😒 قال لي عايز اطمن علي مرتي المستقبليه يااااخ قلبي ح يقيف بسبب زيادة الضربات ما متعوده علي الكلام الرومانتك ده 😍 ويوم الجمعه المساء طلعت ماشه أحول رصيد ومعاي سمر صادفت وائل في الشارع سألني ماشه وين ؟؟ قلت ليهو عايزه اشتري كرت زين 😊 قال لي بكم قلت ليهو بـ 5 ج قال لي دقيقه وطلع تلفونو من جيبو وقال لي خلاص ارجعي وصل قلت ليهو شنو الوصل 😳 ؟؟ قال لي حولت ليك الرصيد قلت ليهو تسلم ومديت ليهو القروش قال لي انتي هبله ده اصلا رصيد في تلفوني يعني ما إشتريتو ليك 😒 بس انا أصريت عليهو يشيلها وأشرت ليهو على سمر عشان ما تشك فينا وانا كنت شايله 20 جنيه في الاخر مسكها وناولها لـ سمر قال ليها دي هديه مني ليك 😊 سمر في الأول رفضت تمسكها بس وائل أجبرها رجعنا البيت أمي قالت لي رجعتو بسرعه ما لقيتي الرصيد 😓 نطت سمر قالت ليها ما وصلنا الإتصالات لقينا وائل في الشارع وهو الحولو ليها 😊 أمي اتفاجأت قالت لي و وائل ليييه يحول ليك وعرف رقمك من وين 😒 ؟؟ رديت ليها أنا قبل ما سمر ترد وقلت ليها أديتو الرقم انا واصلا وائل كان ماشي الدكان قال لي عايزه شنو بجيبو ليك معاي لم عرف الرصيد حول لي من تلفونو 😊 قالت لي ود حلال والله بالرغم من انهم سكنو جديدين بس محترمين ✋ انتهزت الفرصه وبديت أشكر في وائل لأمي سمر قالت لأمي و وائل أهدا لي القروش ورفعت الـ 20 جنيه 😍 وأنا بديت إتشاكل معاها انها ترجعها لي واصلا دي قروشي 😠 أمي قالت لي ما بترجعها ليك انتي سلمتيها لـ وائل و وائل سلمها لـ سمر بإسمها خلاص تبقى حقتها 😒 كان نفسي اقول ليها وائل ده خطيبي لاااا أقصد راجلي المستقبلي بس إحترمت روحي وسكته 😒 الصباح كـالعاده طلعت للجامعه وصادفت وائل بس المره دي معاهو يسري وطبعا وائل ما زي كل مره عامل فيها جادي حتى انا إستغربت في معاملتو 😳 وبديت ارجع في ذاكرتي اخر مره اتقابلنا فيها انا عملت شنو 😓 ؟؟ معقول زعلان عشان حول لي الرصيد بس دي كان رغبتو وهو الرجع القروش لـ سمر 😏 وطول الطريق كنت بهظر مع يسري و وائل ساكت " يسري قال لي شجن ليييه ما بتجينا زي زمان 😔 قلت ليهو لأنو لقيتكم ما بتكرمو الضيوف 😏 قال لي بس اخر مره شوفتك عندنا كان قدامك كبايه عصير صح 😊 قلت ليهو صح بس المفروض يكون معاهو باسطه ضحك وقال لي اول مره أعرف بيقدمو مع العصير باسطه 😅 قلت ليهو باسطه ولأ مكسرات طبعا كلامي غلط بس ما عايزه اتنازل من كلامي 😅 و وائل مره يتبسم في كلامنا ومره يسكت وإتفاجأت لم قال لي شجن ح تنزلي هنا صح و وقف العربيه نزلت وانا مستغربه مع انو كان بيوصلني الجامعه 😓 وانا نازله يسري قال لي شجن عندك اوف من الجامعه متين 😊 ؟؟ قلت ليهو بكره قال لي تمام ونزلت من العربيه بعد ساعه وائل اتصل علي غلبني اقاوم الاتصال رديت قال لي وصلتي الجامعه 😊 قلت ليهو بيهمك في شنو بعد نزلتني في نص الطريق 😒 قال لي زعلتي ولأ شنو وبعدين نزلتك جنب الحافله 😊 قلت ليهو عملت ليك شنو عشان تتصرف معاي كده 😒 قال لي إتصلت عليك مخصوص عشان أعتزر منك واوضح ليك بما انو كان معانا يسري ده الوضع الطبيعي الـ ح اتصرف بيهو معاك قدامو 😊 ولو وصلتك الجامعه اكيييد ح يشك إنو في حاجه بينا وانا عاهدتك انو لو ما ضمنت اهلك يوافقو علي ما ح افتح الموضوع اها لسه زعلانه قلت ليهو لاااا خلاص اقنعتني 😊 واليوم التاني كالعاده النضافه علي بس أقنعت شيراز تنضف لي عشان عندي test وقاعده أقرأ في امان الله جات شيراز داخله الغرفه وشايله ياسمين طبعا نسيت الـ test والقرايه وشلتها منها وشغاله ألعب مع ياسمين شيراز قالت لي والـtest قلت ليها دي بنتي ياااخ 😍 جات مع منو قالت لي مع خالتي نوره والله حظك نسابتك يشربو الجبنه بالباسطه قلت ليها كيف يعني 😳 ؟؟ قالت لي خالتو نوره جابت الجبنه ومعاهو صحن مليان باسطه وقالت عايزه تشرب الجبنه مع امي 😊 طبعا اتفاجأت قلت ليها أحلفي قالت والله العظيم بعدها اتذكرت دردشتنا امس في العربيه قلت ليها ح يكون جابها وائل 😍 وحكيت ليها بالحصل قال لي طيب إتصلي أشكري وفعلا إتصلت علي وائل قلت ليهو مشكور علي الباسطه 😊 قال لي بإستغراب باسطة شنووو 😳 ؟؟ قلت ليهو ما تعمل فيها ما عارف خالتو نوره جاتنا وجابت باسطه قال لي عجبتك قلت ليهو شدييييييد ( طبعا رديت قبل ما أشوف الباسطه 😅 ) قال لي بالمناسبه الباسطه دي جايبها يسري ما انا 😓 قلت ليهو اممممممممم صدقتك قال لي والله العظيم ده يسري وائل سكت مسافه وقال لي شجن المساء لاااازم اقابلك عايزك في كلمتين 😊 قلت ليهو احكي هسي ما بقدر أقابلك لأنو أمي بدأت تشك فيني وقالت لي طلعاتك كترت 😔 قال لي الموضوع ما ممكن أحكي في التلفون بس عندي فكره أمسكي ياسمين معاكم والعصر جيبيها بنتظرك جنب الباب اتفقنا قلت ليهو أوك ✋ وفعلا العصر أنا رجعت ياسمين " يسري و وائل كانو واقفين مع بعض جنب الباب يسري قال لي اهاااا ان شاء الله الباسطه عجبتك قلت ليهو حلوه زي سيدا 😍 قال لي احم احم احم وائل قال ليهو ما تصدق شجن اصلا عندها ضعف نظر 😊 يسري رد ليهو الله يسامحك 😒 في اللحظه دي تلفون يسري رن رد تمام خلاص طلعت وإتلفت قال لي شجن عن اذنك مواعد صاحبي قلت ليهو صاحبك ولأ صاحبتك 😅 قال لي والله صاحبي أقري الإسم ومد لي التلفون قلت ليهو إحتمال تكون مسجلها بإسم ولد قال لي إتصل عليهو تسمعي صوتو قلت ليهو أكييييد لاااا بس حبيت أهظر معاك ✋ طبعا وائل ساااكت وبعد يسري مشى فضلنا واقفين انا و وائل قلت ليهو أحكي موضوعك المهم شنو 😒 ؟؟ قال لي شجن عايز أقول ليك خففي من هظارك مع يسري 😊✋ إتخلعت قلت ليهو والله انا بهظر معاهو عشان أخوك وحتى انا بعتبرو أخوي 😒 قطع كلامي وقال لي انا عارف والله وما قلت ليك ما تهظري بس خففي قلت ليهو ليييه ولأ تكون دي غيره منك 😊 قال لي انتي مجنونه أغير من أخوي شال بنتو وقال ليها تعالي منها دي مجنونه ما تعاديك 😅 اليوم التاني اتصل وائل قال لي لو ما عندك محاضره تعالي انا واقف برا 😊 طبعا اتفاجأت وبسرعه طلعت من الجامعه لقيت معاهو ياسمين قال لي رايك شنو في المفاجأه قلت ليهو وربي أحلى مفاجأه 😍 قال لي طيب المفاجأه التانيه رأيك شنو نمشي نتغذى انا وانتي وياسمين في مطعم وعشان تتعرفو علي بعض ✋ قلت ليهو اولا انا ويسو من زمان اصحاب صح يا يسو وبعدين استحاله نطلع مع بعض لو شافنا واحد 😒 قطع كلامي قال لي يسو منو بس ما يكون قصدك ياسمين بتي 😳 قلت ليهو اي عايزه ادلعها مش من حقي 😊 قال لي ربنا يجمعنا الـ 3 مع بعض وادلعكم الـ 2 غلبني أرد من الخجل اديتو ابتسامه 😊 قال لي خلاص لغيت فكرة الغدا بس ما في مشكله لو رجعنا البيت مع بعض صح والـ ح يشوفنا ح يقول قابلتك في الطريق بالصدفه تمام ✋ قلت ليهو اوك بس لسه عندي محاضره قال لي ما مشكله ح نمشي نتغدا انا وبتي ولم تخلصي اتصلي علينا 😊 قلت ليهو تمام وبوسته ياسمين ودخلت الجامعه وفعلا بعد خلصت إتصل عليهو ورجعنا البيت مع بعض وطول الطريق كنت شايله ياسمين وبلعب فيها و وائل يعاين لينا ويضحك 😅 ولم قربنا من البيت وائل قال لي خلاص جيبي ياسمين قلت ليهو ليييه 😒 ؟؟ قال لي عشان ما في واحد يلاحظ ليكم مندمجين مع بعض وعشان البيشوفنا ما يشك فينا واوعدك عما قريب نكون الـ 3 مع بعض 😍 بس للأسف بعد يومين حسيت بـ وائل معاملتو معاي إتغيرت حتي الصباح بقيت ما بقابلو 😔 لحدي ما يوم اخر الدوام جا الجامعه وإتصل علي وفعلا بعد قابلتو كان شكلو مهموم 😢 وقال لي شجن عندي سؤال وعايز إجابه صريحه طبعا طريقة كلامو شوشتي وفضلت منتظره السؤال قال لي شجن بتحبيني قدر شنو 😊 قلت ليهو ياااخ خوفتني طيب ما بحبك 😊 قال لي شجن والله سؤالي جادي 😒 قلت ليهو ما بقدر أحدد ليك لأنو الحب ما عندو مقياس 😓 قال لي طيب لو قلت ليك اقعي معاي في النار بتقعي ✋ قلت ليهو لااا طبعا بمسك منك ياسمين وانت تقع براك 😅 قال لي شجن خلي جنونك على جنب وردي علي 😒 قلت ليهو وائل انت عايز تصل لشنو إتكلم عدييييل 😏 قال لي بس عايز اطمن لمستقبلي معاك قلت ليهو بكل خجل إطمن انت وياسمين في عيوني 😍 بعد وصلنا قبل ما انزل وائل قال لي شجن انا آسف شديييييد 😔✋ قلت ليهو بتعتزر على شنو 😳 ؟؟ قال لي لم يجي الوقت المناسب ح تعرفي وبتمنى تقدري موقفي 😔 ""
يتبع......
