اليوم التاني جاتنا خالتي نوره وقالت لأمي عايزه أطلب يد بنتك شجن لـ ولدي 😍 أمي قالت ليها انا ما عندي مشكله بس لارم نستشير أبوها ✋ خالتي نوره قالت ليها اصلا كمال واولادو جايين بكره يشربو معاكم شاي المغرب ويكلمو أبوها بس انا قلت أشوف أول رأيك إنتي وشجن 😊 امي قالت ليها يشرفو في اي وقت وخالتي نوره نادتني وسألتني قالت لي رايك شنو ✋ وانا ساكته بس شغاله إتخجل واتبسم ورجعت الغرفه ومن تعابير وشي فهمو إني موافقه 😍 طبعا دي أحلي مفاجأه عملها لي وائل إنو إتقدم لي من غير ما يكلمني وطول اليوم كنت بتصل عليهو بس ما بيرد 😒 رسلت ليهو رساله كتبت " شكرا على أحلي مفاجأه وكنت بتعتزر مني عشان ح تتقدم لي من غير ما تكلمني صح 😍 " بس مافي سبب يخليك تهرب مني بليييز رد علي بس للأسف حتى رسالتي ما فتحها 😢 إستغربت من تصرفاتو وقلت ما مشكلها بقابلو المساء 😍 وفعلا المساء فتحت باب الشارع أشوفو بس ما لقيتو 😔 حكيت لـ شيراز قالت لي عايز يعمل ليك فيها تقيل قلت ليها يكون فاكر روحو هو العروس 😅 واليوم التاني كان يوم الجمعه وفعلا المساء الرجال وصلو وانا ظبطه روحي أمي قالت لي ماشه وين 😳 ؟؟ قلت ليها عشان أقدم ليهم العصير 😊 قالت لي لااا حركات المسلسلات دي ما بتعمليها لي 😡 أبوك الـ ح يشيل العصير أدخلي جوا وبطلي خفه 😒 وانا كنت عايزه أقابل وائل بأي طريقه 😢 بعد الرجال طلعو امي قالت لي الف الف مبروووك والله يسري ولد كويس 😍 قلت ليها قصدك وائل 😊 قالت لي يا بنت انتي مجنونه وائل شنو إسمو يسري يسري في وحده ما عارفه الـخطبها إسمو منو 😓 وبعدين وائل متزوج وعندو بنت طبعا كانت صدمه بالنسبه لي 😱 بعد امي طلعت قلت لـ شيراز ده شنو الحصل ده الإتقدم لي وائل ليييه أمي مصره إنو يسري 😢 قالت لي والله حتى انا ما عارفه حاجه بس إتصلي على وائل ✋ وفعلا إتصل علي وائل واول ما فتح التلفون قال لي شجن انا آسف 😔 قلت ليهو انت ليييه دايما تعتزر لي و أمي فاكره إنو العريس يسري وائل أحكي ما تسكت قال لي شجن ممكن نتقابل عشان أشرح ليك ✋ قلت ليهو تشرح لي شنو 😳 قال لي بكره ح تفهمي كل حاجه 😓 والليل كلو صاحيه منتظره الصباح وعيني ما غمضت ما قادره أنوم 😔 اليوم التاني الصباح بدري إتصلت على وائل قال لي ح إنتظرك في بدايه الشارع وفعلا طلعت قابلتو قال لي شجن انا آسف علي الحصل بس ما كان في حل تاني 😢 قلت ليهو حل لـ شنو 😳 ؟؟ قال لي تتزكري لم بقول ليك ما تهظري مع يسري لأنو الكنت خايف منو حصل يسري فهم هظارك غلط 😔 قلت ليهو كيف يعني 😳 ؟؟ وائل إتكلم معاي بطريقه مباشره 😒 قال لي قبل يومين يسري جاني فرحان وصارحني بحبو ليك وبعدها كلم أمي وأبوي وحصل الحصل 😔 ومن لحظتها وانا قلبي مكسور قلت ليهو يعني أمي كلامها صح والإتقدم لي يسري لااا إستحااااله 😱 طيب إنت ليييه ما صارحتو بـ حبنا 😒 قال لي فكرت أكلمو بس إتراجعت وقلت دي ح تكون أنانيه مني وخاصه إنو ده أول حب في حياتو وانا سبق لي الزواج عشان كده غلبني أواجهو 😔 قلت ليهو ما مشكله الحل بسيط هسي انا ح أرفض يسري اصلا لم وافقت كنت فاكره إنو ده إنت 😓 قال لي شجن أفهميني حتى لو رفضتي ماممكن أنا إتقدم ليك بعد أخوي بس والله قلبي بتقطع أكتر منك 😢 تتذكري لم قلت ليك نقع في النار دي النار الـ كنت قاصدها 😔✋ عرفتي كنت بعتزر ليك علـي شنو ؟؟ قلت ليهو يعني ح تتنازل بالسهوله دي طيب انا وضعي شنو 😢 ؟؟ قال لي شجن ما تصعبيها علي ولو بتعزيني وافقي علي يسري والله يسري بحبك زيي وأكتر وأوعدك انو ح يسعدك ودموعو نزلت 😭 قلت ليهو لو انت بتضحي بحبك عشان أخوك ده لو كنت بالجد بتحبني بس انا إستحاااله أضحي بسعادتي واتزوج واحد ما بحبو ✋ قال لي عليك الله وافقي وبحده قلت ليهو رجعني البيت قال لي إعتبرك وافقتي قلت ليهو وائل ما عايزه نقاش رجعني البيت 😠 وفعلا رجعنا واول ما وصلت إترميت في حضن امي وبكيييت قلت ليها يا أمي انا ما عايزه أعرس 😭 قالت لي يا بنت انتي هبله أمس وافقتي والليله ترفضي وبعدين ابوك اداهم كلمه 😒 قلت ليها والله ما ده ما عايزه ده 😭 أمي إستغربت قالت لي كيف ما ده 😳 ؟؟ شيراز قالت ليها قصدها ما عايزه العرس ده وبصراحه أنا السبب ✋ قالت الأ أعرس أنا الأول عشان الكبيره 😊 أمي قالت لي إنتي هبله دي قسمتك وأكيييد قسمة شيراز ح تجيها 😘 شيراز دخلتني الغرفه وقالت لي يا شجن أحذرك تغلطي وتحكي لأمي الحقيقه كده ح تخربي بين الأسرتين وح توتري العلاقه بين وائل وأخوهو 😓 بس فتشي اي سبب أرفضي بيهو من غير ما تقولي السبب الحقيقي ✋ قلت ليها بس أنا ما عايزه يسري 😔 قالت لي بس وائل لو بالجد بحبك وعايزك ما إتنازل لـ أخوهو 😓 وبعدين والله يسري أحلى من وائل 😍 قلت ليها بس انا بنيت مستقبلي وأحلامي مع وائل كيف فجأه أعيشها مع يسري أفهميني أنا قلبي إتعلق بـ وائل ولو العرس ده تم أنا ممكن أجن 😭 ""
يتبع.....
