بعد يومين كنت شايله مازن وقاعده في الهول وائل جا طالع من الغرفه و إتفاجأنا بـ مازن بيقول با با با با وكان بيأشر علـى وائل وطبعا كانت مفاجأه بالنسبه لينا 😳 و وائل ما قدر يتحكم في مشاعرو طلع من البيت بس قبل ما يطلع لاحظت لـدموعو نزلت 😭 و ما رجع البيت الأ حوالي الساعه 11 مساء وبعد رجع إتصل علي وطلب مني إني أمشي غرفتو طبعا اي نقاش بينا بيكون نص الليل بعد ما خالتو نوره تنوم 😓 ودايما بيكون اما في غرفة وائل او في غرفتي المهم بعد وصلت الغرفه دقيت الباب وائل قال لي إتفضلي ولاحظت لعيونو كانت حمراء من كترة البكا قلت ليهو خير في شنو 😓 قال لي شجن صح إننا اتناقشنا في طبيعة العلاقه الـ بينا بس من غير ما نذكر مازن والله بعد سمعت كلمة بابا من مازن حسيت بشعور ما قدرت أوصفو 😔 صح انا ما أبوهو بس يشهد الله مكانتو عندي زي ياسمين قلت ليهو انا عارفه 😊 قال لي وهسي ناديتك عايز أعرف رأيك شنو قلت ليهو بإستغراب رأيي في شنو 😳 قال لي خلافا للقرار الـ ح تتخزي بخصوص حياتنا المستقبليه إنتي موافقه إنو مازن يناديني بـ بابا وخليك مطمنه حتي لو رفضتي إستحااااله أغير معاملتي معاهو ح أفضل أحبو وأخاف عليهو وما ح أنقص منو أي حاجه لأنو في الآخر ولد أخوي و وصاني عليهو ✋ ولو وافقتي يقول لي بابا أوعدك إنو بعد يكبر ح أشرح ليهو إني عمو وح يعرف أبوهو يسري 😔 طبعا كان بيتكلم معاي بكل حزن وبصوت مبحوح قطعت كلامو قلت ليهو وائل حتى لو أنا رافضه مازن لسه صغير ما ح يفهم لم أقول ليهو لاااا بس إطمن أنا موافقه وأكيييبد ح أكون مبسوطه لم ولدي يلقي واحد ينادي بـ بابا عشان ما يحس إنو يتيم الأب 😔 وائل قال لي تسلمي كتير وحاول يخبي دموعو بس ما قدر يتحكم فيها نزلت وأنا رجعت غرفتي وحتي أنا بعد سمعت مازن بيقول بابا غيرت رأيي في طبيعة علاقتي بـ وائل 😓✋ بعد شويه باب الغرفه دق فتحتو لقيتو وائل قال لي بعتزر للإزعاج بس عايز أسلم علي مازن 😍 قلت ليهو مازن نايم قال لي عارف ومشى شالو بقلبي قلت ده مجنون أكيييد بعد يسلم عليهو مازن ح يصحى 😒 وأنا ح إضطر أساهر معاهو لحدي الصباح وفعلا بعد وائل شالو وفضل يبوس فيهو مازن صحى 😭 وائل قال لي تسمحي أشيلو ينوم معاي هزيت راسي اي 😊 وبقلبي قلت ليهو زي ما صحيتو ترجع تنومو وان شاء الله يساهر بيك ✋ وفعلا وائل شال مازن ورجع غرفتو ونامو مع بعض " الصباح طلعت الهول لقيت خالتي نوره قلت ليها مازن ما صحى قال لي بإستغراب ليييه مازن ما نايم معاك 😳 !!! قلت ليها لااا نايم مع وائل في غرفتو 😊 بعدها وائل جا طالع من الغرفه وشايل مازن ياسمين بحده قالت ليهو بابا ليييه ما ثوقتني أنوم معاك 😡 قال ليها نحن رجال نومنا مع بعض وانتي وخالتو شجن بنات تنومو مع بعض ياسمين صرت وشها 😒 قلت لـ وائل مازن أزعجك صح قال لي بالعكس لعب معاي وبعدها نام 😍 واثناء ما بنشرب في الشاي وائل قال لأمو انا الليله ح اتأخر عايز املأ العربيه بنزين عشان بكره مسافر بيها عقد وليد ( وليد صاحب وائل في شندي ) وقبل خالتي نوره ترد ومن غير ما أشعر قلت ليهو تسافر وين شندي لاااا ما تسافر 😠 طبعا كلهم إتخلعو من ردة فعلي حتي انا إتحرجت من روحي لأنو ما كنت بتدخل في قرارت وائل بعدها إتسحبت براااحه ودخلت الغرفه مكسوفه 😔 خالتي نوره قالت يا حليلا شجن شكلها إتزكرت حادث يسري ربنا يرحمو وعيونها دمعت 😭 وانا في الحقيقه ما إتزكرت يسري وكنت بالجد قاصده وائل ✋ اليوم التاني الصباح صحيت بدري مخصوص طلعت من الغرفه ما لقيت وائل طلعت الحوش لقيت العربيه مافي ومن غير ما أفكر رسلت ليهو رساله ( يعني أصريت إنك تسافر يا وائل 😒 ) وكل ما أحاول أسال خالتي نوره عشان إطمن علي وائل كنت بتراجع في الآخر قلت ليها خالتو نوره وائل بعد سافر إتصل عليك 😊 قالت لي بس وائل لغى السفر قلت ليها بالجد وليييه لغاهو وانا مخبيه الفرحه 😍 قالت لي بري بس قال تعبان ما بيقدر يسافر وبقلبي قلت واااي والرساله الرسلتها وكمان رساله نصيه ما بتتمسح لاااا 😭 بندردش كده وائل جا داخل وشايل كيس امو قالت ليهو الكيس ده شنو 😳 قال ليها ده سمك الجو ده ما يضيع ساي مع إنو كان جو سفر 😊 ( فعلا الجو كان مغيم ورزاز مطر ) خالتي نوره كانت شايله مازن إتلفتت قالت لي شجن يا بتي دخلي السمك المطبخ وتعالي أمسكي مازن فعلا دخلت المطبخ وائل جا محصلني قال لااا ما أصريت أسافر إبتسم وطلع 😊 وانا قلبي زح من مكانو و وائل طول اليوم يتبسم وأنا من الإحراج ما قادره أعاين في وشو 😔 " العصر كالعاده وائل كان شايل مازن وقاعد جنب الباب انا طلعت من البيت قلت لـ وائل ماشه لأمي لو زهجت من مازن جيبو لي عندهم قال لي معقول أزهج من البطل ده 😊 طبعآ انا وياسمين جينا ناس أمي وبعد ساعه وائل إتصل قال لي تعالي جنب الباب وفعلا طلعت ناولني مازن وقال لي إتصل علي صاحبي جايي من قطر وماشي إستقبلو في المطار عايزه حاجه أجيبها ليك وانا راجع 😊 هزيت راسي لااااا طبعا كنت متفاجأه أول مره وائل يكلمي بـ تحركاتو كـأني مرتو وفعلآ وائل إتحرك وأنا دخلت البيت وبعد ربع ساعه جا ولد جيرانا جاري قال لي شجن شجن شجن ما شوفتي وائل عمل حادث 😱 ""
يتبع.....
