يوم الجمعه ولد خالة وائل إتخرج من كلية الطب وكان عاملين الدعوه غدا والمساء التخريج في الصاله 😍 وفعلا مشينا بيت خالتو نوال (أخت نوره) وبعد الغداء حممت ياسمين ومازن وجهزتهم للصاله قلت لـ ياسمين وين الشنطه 😊 رفعت لي كتفها ما عارفه 😔 قلت ليها يسو حبيبتي إتذكري لم كنا في بيتنا سلمتك الشنطه في الغرفه وقلت ليك وديها عربية بابا 😓 قالت لي اهاااا بس انا نثيت حتيتها في الكرثي 😢 قلت ليها في العربيه ما مشكله قالت لي لااا لااا في الكرثي في بيتنا حناااك 😢 وطبعا كانت صدمه بالنسبه لي ياسمين نست ملابسي في البيت يعني مافي طريقه أمشي الصاله 😓 وخالتي نوره كل مره تقول لي شجن أجهزي وكنت بقول ليها حاضر 😊 في الآخر إضطريت كلمتها الحقيقه وقلت ليها انا ومازن ح نرجع البيت وننتظركم عند ناس أمي ✋ خالتي نوره قالت لي لاااا ح إتصل على وائل يرجع يتناول الشنطه قلت ليها لاااا ما ضروري نمشي الصاله 😓 وفعلا خالتي نوره إتصلت علي وائل وبعد قفلت الخط قالت لي وائل قال الوقت بسيط ما ممكن يمشي يجيب ليك الشنطه هنا 😓 عشان كده انتي ح ترجعي تتجهزي في البيت وبعدها تجو الصاله 😊 قلت ليها لااا انا ما راجعه في اللحظه دي تلفون خالتي نوره رن ردت الو وائل خلاص شجن ح تجيك هسي 😊 بعد قفلت الخط قالت لي وائل منتظرك في العربيه قلت ليها بس مازن ما ح يسكت عشان كده ح أسوقو معاي قالت لي خلاص ياسمين ح تفضل معاي ✋ وفعلا رجعت البيت مع وائل عشان أبدل ملابسي وفي الطريق وائل عشان يكسر حاجز الصمت بينا إتلفت وقال لـ مازن أحزرك بعدين تعرس وحده بتنسى حاجاتها عشان ترجعك معاها 😊 قلت ليهو والله أنا ما كنت عايزه أرجع بس ده قرار خالتي نوره 😓 قال لي عارف وكنت بتمنى إنو إنتي الـ تطلبي مني أرجعك شجن ده واجبي ناحيتك ومن حقك تطلبي مني اي حاجه وكلامي مع مازن هسي ده مجرد هزار عشان أفتح معاك الموضوع ✋ غلبني أرد عليهو وفضلت ساكته وبعد وصلنا البيت وائل قال لي ح أمسك مازن وانتظرك في الهول أخدي راحتك في اللبس 😊 وفعلا ياسمين ناسيه الشنطه في كرسي الهول شلتها ودخلت الغرفه إتجهز وبعد انتهيت طلعنا من البيت وائل وفي الطريق قال لي شجن ضروري انك تحضري التخريج قلت ليهو بدهشه قصدك شنو 😳 ؟؟ قال لي عايزك في كلمتين بعيدآ عن البيت وعن ياسمين وأمي ومافي أنسب من اليوم ده ✋ قلت ليهو طيب أحكي وقف العربيه وقال لي الموضوع بيخصنا نحن الاتنين والله يا شجن انا معترف إني ظلمتك كتييير أول مره لم إتنازلت عنك وجبرتك توافقي علي يسري 😔 قطعت كلامو وقلت ليهو وائل الموضوع ده إنتهى مافي داعي نفتحو 😔 قال لي انا ما عايز أفتح الماضي بس عايز أوضح تصرفاتي معاك ومعترف بعد وفاة يسري معاملتي معاك كانت قاسيه بس والله هدفي إني أحافظ عليك انتي ومازن ✋ تتزكري لم يسري كان في المستشفى وأنا دخلت وطلعت من عندو منهار وطلعت من المستشفى خااالص عارفه ليييه ؟؟ لأنو في اليوم ده يسري وصاني عليك انتي ومازن ✋ والسبب التاني كنت خايف إنك تتزوجي بعد يسري وأنا ... وبعدها سكت مساااافه ... و واصل كلامو وأنا بصراحه ما بستحمل أشوفك مع راجل تاني 😓✋ صح أنا إتنازلت عنك لأخوي ويشهد الله كنت في عذاب ما يعلم بيهو الأ الله بس في الآخر ده أخوي الصغييير 😔 في اللحظه دي تلفونو رن وائل صمت التلفون و واصل كلامو وانا لو ما متأكد من حبك لي ما كان إتزوجتك بالطريقه دي 😓 و طبعا انا سااااكته غالبني إتكلم وببلع في ريقي تلفون وائل رن للمره التانيه رد اي يا أمي طيب أقنعيها تمشي وانا كلمت عمار يوصلكم ونحن ح نلاقيكم في الصاله 😓 طيب ناوليها التلفون أيوه يا يسو حبيبتي نحن هسي قاعدين في الصاله انتي تعالي مع حبوبه وعمو عمار " اي خالتو شجن معاي طيب خلاص أهدئي أنا جاييكم ✋ بعد قفل الخط قال لي دي ياسمين مصره انها ما تمشي الصاله الأ معانا يعني ح نضطره نمشي التخريج بس كلامنا لسه ما انتهى ✋ وطبعا التلفون بالنسبه لي كان إنقاذ وفعلا سوقنا ياسمين وخالتو نوره ومشينا الصاله وانا أصلا ما كنت مركزه في التخريج وكنت بتذكر في الحصل 😓 وفي الصاله مازن نام وصحى يبكي بسبب الصوت العالي وائل جا قال لي انا أصلا ما عايز الحفله ح أطلع بيهو العربيه عشان صوت الساون مزعج 😊 وطبعا لم قرب مني عشان يشيل مازن جاني إحساس غريب وكنت خايفه انو وائل يسمع ضربات قلبي 😔 بعد التخريج انتهي رجعنا البيت وياسمين ومازن كانو نايمين بعد خالتي نوره دخلت غرفتها سمعت صوت وائل قال شجن إنتي نايمه 😊 مارديت عليهو قال لي شجن انا متأكد ما نمتي بالسرعه دي بتمني تقومي عشان نتم كلامنا 😓 فتحت عيوني أنا قعدت في طرف السرير و وائل قعد في الكرسي قال لي صح أهلنا قررو إنو يعقدو لينا عشان كلام الناس وعشان تعيشي معانا هنا معززه ومكرمه وانا والله بعتبر زواجي منك ده أكتر قرار صح بتخذو في حياتي ✋ وأصلا انا وانتي عارفين التضحيه القدمناها وبالنسبه لي والله مكانتك في قلبي زي ما هي ما نقصت وفي الحقيقه بعد وفاة هبه مرتي قلت إستحاله أحب وحده بعدها بس إنتي دخلتي قلبي زي الريح وطلعتيني من الحزن الـ كنت عايش فيهو و إنتي هسي بتعيشتي نفس المآساة دي بوفاة يسري 😔 صاح إنك إتزوجتي يسري غصبآ عنك وما كان في بينكم مشاعر بس أكيييد بعدها حبيتيهو قطعت كلامو وقلت ليهو وائل لو سمحت قلت ما عايزه أفتح صفحات قديمه 😒 وصح في الأول كنت رافضه يسري بس بعدها إكتشفت إنو شخص ما بيتعوض ✋ وائل قطع كلامي طيب ما ح أفتح القديم ح إتكلم عن مستقبلنا عايزك تديني فرصه واحده أساعدك زي ما ساعدتيني وبصراحه ما بقدر أوعدك إني أنسيك يسري لأنو ما بيتنسي وخاصه إنو شقيقي وجزو مني بس أوعدك إني أخفف عنك✋ والقراز يرجع ليك ولو ما ضغطي علي الماضي ما ح تقدري تعيشي المستقبل وزي ما بيقول المثل أسألي مجرب وأشر علي روحو وانا كده قلت كل العندي وانتي فكري وردي علي ✋ وبعدها قال لي تصبحي علي خير ورجع غرفتو وانا الليل كلو بفكر في كلامو وبعد كنت مقتنعه بقدري وانو ح نعيش انا ومازن من غير ما يكون في شخص تالت فجأه ظهر وائل وإتلخبطت حياتي وبعد يومين 😳 ""
يتبع.....
