واكتر موقف حبيتو في أبوي لم الدكتور طلع من العمليه وقال لينا حمدلله على السلامه أبوي سأل من أمي قبل ما يسأل من البيبي قال ليهو كيف صحة الأم 😊 الدكتور قال ليهو بخير الحمدلله حتي الولد بخير أبوي قال ليهو شنوووو 😳 ؟؟ وكانت مفاجأه بالنسبه لينا انو امي جابت ولد 😍 واول مره في حياتي أشوف دموع أبوي بس أكيييييد دموع الفرح وده كان انتصار بالنسبه لأمي واخيرا ردت إعتبارها بسبب عرس أبوي ✋ ويوم السمايه أبوي أهدى أمي إسوره دهب بس كالعاده رفضت تشيلها وأبوي فضل محتفظ بيها في الدولاب 😓 طبعا سمينا الولد أحمد وأبوي بقى قاعد معانا بصفه مستديمه لكن قاعد بس في الصالون ولم نكون مع أبوي بعد نجي أمي بتسألنا أبوكم أصبح كيف 😊 ؟؟ ولم نمشي لـ أبوي بيسألنا أمكم أصبحت كيف ؟؟ يعني كل واحد بيطمن علي التاني عن طريقنا 😅✋ وامي بتعمل ليهو الشاي والجبنه والاكل زي زمان وانا وشيراز بنوديها لأبوي وبعد ده كلو أمي رافضه انها ترجع ليهو 😔 يوم الصباح كنت بتونس مع أبوي في الصالون وبعد رجعت لأمي قالت لي أبوك أصبح كيف 😊 ؟؟ كسرت صوتي بحنيه وقلت ليها أبوي عياااان شديييد وبيتنفس بصعوبه 😢 قالت لي شنوووو طيب أمسكي أخوك ده وأمي دخلت الصالون مستعجله و انا أصلآ كذابه بس كنت عايزه أرجع علاقتهم مع بعض بأي طريقه 😓 بس بعد أمي جات راجعه قالت لي شجن أبوك عايز أحمد وديهو وتعالي وفعلا مشيت لأبوي وقال لي انت قلتي لأمك شنو جاتني مخلوعه 😅 ضحكت وقلت ليهو ولا حاجه وبعد ناولتو أحمد ورجعت لأمي قالت لي شجن تعالي انا في الغرفه وفعلا دخلت الغرفه ولقيت امي محضره السوط تتزكرو حق الدق بس هو زاتو قلت ليها يا أمي انا هسي عملت شنو 😒 قالت لي انتي عارفه عملتي شنو 😒 في الآخر أخدت لي سوطين قلت ليها الواحد اصلو ما يهظر في البيت ده 😓 قالت لي الهظار عندو حدود امشي جيبي أخوك قلت ليها بعد ضربتيني عايزاني إشتغل داده سوف أخبر زوجي المستقبلي بكل شي واقول ليهو امنعني أمشي بيت اهلي عشان ما بيحبوني قالت لي أحسن 😅 وعدت الشهور والسنين طبعا الحمدلله إمتحنت للجامعه ونجحت بـ تفوق 😍 في يوم امي مشت بكا و وصتني امسك احمد معاي واهتم بيهو بقلبي قلت اجيييي يا اهتم بيهو احمد عمرو 3 سنين إهتم بيهو كيف 😳 وامي سلمت أحمد 20 جنيه عشان يوافق يقعد معاي 😒 طبعا مصاريفنا نصها بتتصرف علي أحمد وهو السبب في الأزمه الاقتصاديه في بيتنا عشان الولد الوحيد وعشان آخر العنقود 😓 المهم بعد امي طلعت احمد سألني سدن انتي السول بيمود ليييه 😢 في اللحظه دي لمحت الـ 20 جنيه قلت ليهو الزول بيموت لم ما يسمع كلام اختو 😊 قال لي بس انا بثمع الكلام ثح قلت ليهو لااا هسي لو قلت ليك أديني القروش دي ما بتديني ليها وانا ما عايزاك تموت 😢 ناولني القروش وقال لي سيليها كلها انا ما عايسها 😢 قلت ليهو لكن ح تبكي لو شلتها منك قال لي لاااا 😔 وفعلا شلتها بس بعد أمي رجعت من البكا قالت لـ أحمد إشتريت شنو بالقروش 😊 ؟؟ طبعا انا اتخلعت لانو ما متوقعه أمي تسألو واحمد شغال يعاين لي 😒 امي فهمتو قالت لي شجن انتي شلتيها صح قلت ليها عايزه ألمها ليهو قالت لي أمشي جيبي الـ 30 جنيه قلت ليها بس كانت 20 وأمي أصرت إنها 30 وفعلا غرموني ليها 30 😭 اليوم التاني وانا داخله البيت صادفت محمد ولد فاطمه جارتنا وقفت معاهو جنب الباب قال لي ما شاء الله بقيتي مزه 😍 هسي لو إتقدمت ليك ح توافقي قلت ليهو انت عوير فاكر لو سافرت التعوسيه أقصد السعوديه ح اوافق بيك 😒 وبعدين قبل ما تعرس انا عايزه قروشي الاشتريت ليك بيها زمان شكولاته وحلويات لأني مفلسه قال لي ما تنسي حتى انا كنت بشتري ليك مع منار 😏 قلت ليهو بالمناسبه أنا مسجلاهم في دفتر بعدين نتحاسب إحتمال القروش المجهزه إنت للشيله تتحول لي قال لي ليييه مشتريه لي شوكولاته ولأ عربيه وفضلنا الإتنين نضحك 😅 جات محاسن مرت جيرانا سلمت علينا وسألتني أمك في البيت 😊 قلت ليها اي إتفضلي وانا بعد إنتهيت من دردشتي مع محمد دخلت البيت ولاحظت لأمي صاره لي وشها 😒 انا إستغربته وبعد محاسن طلعت أمي بحده قالت لي شجن في شنو بينك وبين محمد ود فاطمه 😠 ؟؟ قلت ليها ولا حاجه قالت لي طيب محاسن ليييه بتبارك لي خطوبتك من محمد وقالت لي ربنا يتم ليهم علي خير 😒 قلت ليها والله بس عشان شافتنا واقفين مع بعض جنب الباب وإحتمال عشان محمد بيفتش في عروس بس اطمني مافي حاجه بينا ✋ قالت لي أحفظي كلامي ده كويس عرس قبل تخلصي الجامعه ماف محمد مافيهو كلام بس شهادتك الأول ✋ قلت ليها والله يا أمي انا اصلا ما بفكر في موضوع العرس وكنت بقول ليك عرسي وراجلي من باب الهظار بس انا القرايه عندي أهم ✋ طبعا بالجد كنت معتبره محمد أخوي واكتشفت حبي ليهو زمان كان حب طفولي عشان اول ولد يدخل حياتي 😓 وبعد إسبوع جاتنا خالتي فاطمه قالت لأمي نمشي نودع محاسن لانو بكره راحلين امي قالت ليها يا حليلهم راحلين بالسرعه دي 😢 قالت ليها اي والله الإشترى البيت قالو ليهم أطلعو عشان هم عايزين يسكنو 😓 قلت ليها خليهم يرحلو محاسن سواطه واولادها زاتهم شينين ودمهم تقيل 😏 خالتي فاطمه ضحكت أمي صرت وشها وبحده قالت لي شجن قومي من جنبنا 😠 خالتي فاطمه قالت ليها عليك الله خليها والله كلامها صح حتى محاسن دمها تقيل بس ماشين ليها عشان حق الجار 😓 قلت لامي والله بهظر اهااا يا خالتي فاطمه الإشترو البيت عندهم كم ولد أقصد كم بنت 😍 طبعا امي جدعتني بالشبشب قالت لي قومي انتي أصلا لو ما فضحتيني ما بترتاحي دخلتي الجامعه وما عايزه تعقلي 😒 خالتي فاطمه ضحكت وردت لي بري لسه ما عرفتهم وفعلا ناس محاسن رحلو وبعد إسبوعين وأنا راجعه من الجامعه لمحت ولدين طالعين من البيت الجديد أسرعت في خطواتي عشان أحصلهم لم وصلتهم قلت ليهم السلام عليكم ردو لي وعليكم السلام 😊 قلت ليهم انتو الجيران الجديدين طبعا الأول ما عبرني بس رد السلام وركب عربيتو بس التاني رد لي اي وركب العربيه 😊 دخلت البيت وحكيت لـ شيراز قلت ليها أي ولد يسكن في البيت ده بيكون دمو تقيل قالت لي تستاهلي انتي بتتخاففي ليييه 😅 و اليوم التاني أمي رسلتني الدكان وانا راجعه قابلت نفس الولدين واقفين مع العمال والمفتري شايل ليهو طفله عسسسسسسل 😍 سلمت عليهم ودخلت البيت قلت لأمي جيرانا الجديدين عايزين مويه يشربو ( كذابه يا أنا ) بس عايزه طريقه أمشي ليهم 😅 أمي قالت لي شيلي ليهم الجك وفعلا شلت الجك بس بدل مويه عملت ليهم عصير وطلعت ناولتهم الجك الأول ما عبرني حتى عينو ما رفعها عاين لي 😏 أما التاني ظريف قال لي ما كان تتعبي قلت ليهو مافي تعب 😊 التاني ناول المفتري الكبايه بس رد ما عايز قال ليهو طيب أسقي ياسمين وإتلفت قال لي بعتزر بس هو ما بيشرب عصير 😊 قلت ليهو ما مشكله ممكن أعمل ليهو شاي قال لي لاااا ما في داعي اصلا نحن ماشين بعدها لمحت عربية أبوي من بعيد 😱 ""
يتبع.....
