يوم السفر أمي وأخواتي جونا عشان يودعو خالتو نوره وبعد خالتي نوره ركبت العربيه وكنا واقفين معاها في الشارع وائل نزل من العربيه دخل البيت وناداني قال لي شجن تعالي معاي دقيقه 😊 إستغربت ودخلت معاهو قال لي شجن سمعتك قلتي لـ شيراز إنك ح ترجعي معاهم 😒 طيب ممكن تنتظريني في البيت هنا أوصل أمي المطار وأجي راجع عشان عايزك في موضوع ✋ هزيت راسي حاضر وبعد إتحركو شيراز قالت لي شجن أقفلي البيت عشان نمشي قلت ليها بصراحه وائل طلب مني إنتظرو هنا 😓 قالت لي إحم إحم 😍 قلت ليها تفكيرك ما يمشي بعيد كلها كلمتين ح يقولهم لي وح أرجع معاك ✋ وبعد وائل جا من المطار شيراز قالت لي بعد ده مهمتي إنتهت وح أرجع البيت حنستها تقعد بس رفضت 😔 وائل جا داخل وشايل أكياس فتحتها لقيتها سمك جاهز وخضار قال لي السمك ده للفطور والخضار ختي في التلاجه ينفعنا في الغدا 😊 بقلبي قلت دقيقه غداء شنو وانا اصلا راجعه بيتنا 😓 قلت ليهو وائل أنا ح ارجع أقعد عند أمي ✋ قال لي ممكن نأجل النقاش ما صاح نتناقش جنب الأولاد 😊 بعد الفطور ياسمين أكلت السمك ونعست نامت وبصراحه حتى انا نعسانه بس ما قادره انوم لأنو اول مره نكون أنا و وائل لوحدنا في البيت 😓 وائل ناداني في الهول قال لي ممكن أعرف سبب رجوعك لـ بيت اهلك 😊 سكته ما رديت قال لي طيب بما إنو ده قرارك ما ح إعترض ولا ح أجبرك بس عندي طلب ممكن تقضي اليوم في البيت هنا مع الأولاد عشان البيت ما يكون فاضي وإطمني أنا ح أكون في الشغل يعني ح تاخدي راحتك حتي ممكن تكلمي شيراز تقعد معاك والمساء بعد أنا أرجع من الشغل إنتي تمشي مع شيراز ولم تجي راجعه الصباح أنا بمشي الشغل عشان البيت ما يكون مقفل لحدي ما أمي ترجع موافقه قلت ليهو تمام ✋ بعدها وائل طلع من البيت وما رجع الأ المغرب قلت ليهو أعمل ليك الغدا قال لي لااا شكرا شبعان 😊 قلت ليهو طيب حضرت ليك العشاء في التلاجه بعدين سخن وأكل لأني ماشه البيت قال لي أوك وانا طالعه قال لي ياسمين خليها معاي 😊 قلت ليهو بتقصد إني أشيل ولدي وأخلي ليك بتك صح 😒 !! قال لي ما كده بس عشان ما تعذبك قلت ليهو لاااا يسو ح تمشي معاي وعلاقتي بـ ياسمين خط أحمر ✋ وفعلا مشيت بيتنا والصباح وائل إتصل قال لي تعالي عشان أنا طالع الشغل ولم رجعت البيت لقيت وائل في المطبخ قال لي كنت عايز أعمل الشاي بس ما عرفت مكان اللبن وين 😔 قلت ليهو ما مشكله مسافة إنت جهزت للشغل أنا بحضرو ليك 😊 وفعلا عملت الشاي ودردشنا مع بعض و وائل طلع الشغل و المساء بعد رجع قال لي شجن بدل ترجعي وتجي الصباح إعتبري أمي قاعده ونومي في غرفتك عادي وإطمني والله ما ح أضايقك بأي تصرف ✋ في اللحظه دي ياسمين جات قالت لي حالتو سدن عايزه أنوم ألح البيت قلت ليها بس نحن ح ننوم هنا 😊 قالت لي لاااا لاااا نمسي لـ سيلاز (شيراز) وائل قال لي يعني قررتي انك تقعدي 😍 قلت ليهو بس البيقنع يسو شنو قال لي والإبتسامه ظاهره في وشو لو علي ياسمين أنا بقنعها ✋ وفعلا شال ياسمين أقنعها ونومها واليوم التاني الصباح كـالعاده عملت الشاي و وائل كان شايل مازن بس أول ما شافني قال ماما ماما 😍 وياسمين كانت قاعده جنب وائل وفجأه قالت بابا أنا لييييه ما عندي ماما زي ماسن 😢 طبعا أنا و وائل إتخلعنا من كلامها 😳 وياسمين تكرر في السؤال بعد مسافه وائل قال ليها يسو انا فهمتك انو ماما في الجنه صح وبعد تكبري ح تلاقيها 😘 قالت ليهو لاااا انا عايساها هثي طبعا وائل غلبو يرد ودخل الغرفه قلت ليها يسو حبيبتي تعالي شلتها في رجلي وسألتها أنا منو 😊 قالت لي إنتي حالتو سدن قلت ليها وده منو قالت لي ماسن قلت ليها ببقي ليك شنو قالت لي أحوي 😊 قلت ليها تمام وإنتي زي مازن ناديني بـ ماما 😘 قالت لي لاااا لاااا إنتي حالتو سدن ما ماما 😒 قلت ليها وبرضو إسمي ماما شجن وكل ما تناديني بـ ماما بديك 20 جنيه قالت لي بالجد 😍 هزيت راسي في اللحظه دي وائل جا طالع من الغرفه ياسمين جرت عليهو وقالت ليهو بابا حالتو سدن لااا لاااا قصدي ماما سدن قالت ح تديني قلوش كتيييله 😍 وائل إتفاجأ بـ لقب ماما شجن إتلفت علي إديتو إبتسامه 😊 وائل رجع الغرفه وناداني ولم دخلت عليهو قرب مني وقال لي شكرآ قلت ليهو ما تشكرني لأنو ده واجبي ✋ بس إنت ح تضطر تدفع كل يوم 20 جنيه 😅 قال لي ما مشكله أهم حاجه ياسمين ✋ وفعلا كل يوم وائل بديها مره قروش ومره شوكلاته لحدي ما إتعودت تقول لي ماما شجن بصفه مستديمه 😍 قلت لـ ياسمين كلمي بابا ينوم معاك هنا زي ما أنا بنوم مع مازن وأقنعتها وفعلا المساء ياسمين قالت لـ وائل الأ تنوم معاي 😍 قال ليها يسو حبيبتي دي غرفة شجن بس إنتي لو عايزه تنومي جنبي تعالي معاي غرفتي 😊 قالت ليهو لااا ننوم هنا زي ما ماما سدن بتنوم مع ماسن 😒 قال ليها انا هنا ما بنوم لو عايزه تعالي معاي وعايز يشيلها أنا قطعت كلامو قلت ليهو وائل خلاص وهزيت راسي مع إبتسامه نظام يقعد 😊 وائل إحتار وما فهمني قلت ليهو اي حاجه ولأ زعل يسو لأنو لو زعلت ما ح ترضى بسهوله عشان كده خليك معاها هنا 😊 قال لي طيب ح أفضل معاها لحدي ما تنوم وبعدها بتسحب منها براحه وبرجع غرفتي ✋ بقلبي قلت ليهو ترجع وين أفهم ياااخ 😓 بس رديت ليهو تمام ولو عايز تنوم معاها للصباح ما عندي مشكله 😊 وإتجهت منو بالإتجاه التاني وغمضت عيوني نظام نايمه وفي الحقيقه ما جاييني نوم 😓 بس للأسف وائل مافهم إني محتاجه ليهو يكون جنبنا وفعلا بعد يسو نامت وائل رجع غرفتو 😓 اليوم التاني وائل قال لي شجن عندي سؤال وحاولت أنسى واتجاوزو بس بصراحه غلبني وبتمنى تجاوبيني بكل صراحه واوعدك ما ازعل بس اهم حاجه الصراحه ✋ وبعدها سكت مسافه إستغربت وقلت ليهو وائل اسأل ما تسكت 😒 قال لي شجن لم أنا ""
يتبع......
