في اللحظه دي امي جات داخله وحضنتني عليها شديييييد ودموعها نازله قالت لي ربنا يصبرك يا بتي 😭 قلت ليها في شنو يا امي الحمد لله يسري ح يطلع من المستشفى قالت لي يسري مات يا شجن 😭 ولسه ما استوعبت و واصلت كلامي قلت ليها بدل المستشفى ح نمشي البيت ننضفو مسكتني من راسي وقالت لي شجن يسري اتوفي والجثمان هسي جايبنو 😭 بعدها سمعت صوت صواريخ وارتفاع اصوات بكا قلت لأمي الصواريخ دي شنو 😳 في صوت بكا قريب جات شيراز حضنتني وتبكي 😭 والنسوان إتلمو في بيتنا وكنت بحاول أبعد من أمي عشان ما أسمعها وهي بتردد في كلمة يسري مات 😢 طلعت الشارع وانا ما واعيه بحاجه وشيراز كانت تلبس فيني في التوب والنسوان يحضنو فيني وانا بلزهم ما يقربو مني كنت بحاول أكذب الخبر لمحت وائل نزل من العربيه جريت ناحيتو قلت ليهو وائل وين يسري ؟؟ أبوي إتصل وقال بقى كويس وجايي البيت 😍 بس وائل ما رد علي وإتلفت بالإتجاه التاني وثبت راسو في الحيطه وهو بيبكي بصوت قلت ليهو وائل رد علي ليييه ما جبت معاك يسري وهسي إنت بتبكي ليييه 😠 وامي مصره تحضني عليها في اللحظه دي وقفت عربية الإسعاف قلت لأمي ما قلت ليك يسري جايي البيت بس صوت الناس ارتفع بالصواريخ والبكا وفعلا نزلو يسري من العربيه بس كان مغطيين حتى وشو 😢 عايزه أمشي عليهو أبوي مسكني وقال لي إستغفري يا شجن وكلنا ح نلحقو إنا لله وإنا إليه راجعون وفي لحظه أيقنت انو يسري مات 😭 حسيت انو قلبي إتشق نصين وما قادره إتأقلم مع الخبر وبعدها ما وعيت الأ وأنا قاعده في غرفة بيتنا وطلبت من شيراز إنها تجيب مازن وفضلت حاضنه ولدي وببكي 😭وبعد إسبوع جاتني خالتي نوره بالرغم من انها متأثره بفقدان ولدها بس فضلت تصبر فيني ✋ واول مره أحس بفراغ كبير في حياتي بعد غياب يسري بالرغم إنو كل الناس كانو حولي بس كنت حاسه بروحي وحيده واتمنيت لو يرجع عشان أعوضو عن كل الضاع من حياتنا بسبب تفكيري في وائل وفعلا الواحد ما بنعرف قيمتو الأ بعد نفقدو 😔 ومرت الايام كأنها سنين وبالرغم من إني قاعده مع أهلي بس عمي كمال ما نقص مننا حاجه ✋ كانت بتصلني مصاريف شهريه وكل اسبوع بيرسل مستلزمات مازن وخالتي نوره يومي بتجينا أما وائل كل يوم العصر بيرسل يشيل مازن 😓 ومرت الشهور وبعد فترة العده انتهت أمي قالت لي يا شجن أمشي إتناولي حاجاتك من بيتك لأنو مافي داعي للإيجار ✋ قلت ليها أمشي انتي انا ما بقدر أدخل فيهو بعد يسري 😭 وفعلا أمي وشيراز مشو البيت جابو العفش والمساء جاتنا خالتي نوره قالت لي والله يا شجن عايزه أطلب منك طلب بس بتمني ما تحرجيني وترفضي 😔✋ قلت ليها انتي تآمري يا خالتي 😊 قالت لي تسلمي بس عايزه أطلب منك تجي تقعدي معانا في البيت في اللحظه دي اتزكرت يسري ودموعي نزلت وحتي خالتي نوره بكت معاي 😭 وامي صبرتنا الإتنين قلت ليها والله يا خالتي صعب علي 😔 قالت لي عليك الله ما ترفضي عايزه أشوف ولد يسري يكبر جنب عيوني 😔 والله لو وافقتي ممكن تقعدي في غرفه غير حقت يسري لو ما بتقدري تدخليها 😢 واتلفتت علي امي قالت ليها حاولي أقنعيها و أمي ردت قالت ليها والله يا نوره انا ما بقدر أجبرها بس عشان خاطرك ممكن كل فتره تجي تقعد معاك يومين ✋ وطبعا انا كنت رافضه تماما اني أمشي ليهم بالجد صعب علي لحدي ما يوم خالتي نوره تعبت و وائل إتصل علي عشان أمشي معاها الدكتور وفعلا بعد الكشف ظهر ليها سكري 😱 الدكتور قال نتيجة صدمة " وائل قال ليهو فعلا صدمة إبنها إتوفى 😔 وبعد رجعنا البيت خالتي نوره لسه مصره علي طلبها أمي قالت لي خلاااص يا شجن أقعدي معاها يومين 😓 وخالتي نوره الفرحه ظهرت في وشها اليوم التاني الصباح عملت اللبن لـ مازن وياسمين وعملت الشاي ومسكت شغل المطبخ وبعد إسبوع قررت إني أرجع بيتنا ✋ بس خالتي نوره فضلت تبكي حاولت أقنعها إنو اي لحظه عايزه تشوف مازن بجيبو ليها واصلا الباب في الباب بس رفضت 😓 وقالت لي انا إعتبرتك بتي وانتي عايزه تتخلي عني 😭 وبعدين والله إتأكدي حتى لو قررتي انك تتزوجي وجاك عريس ما ح نعترض علي زواجك وأوعدك تطلعي من بيتي عروس وأسلمك ليهو بيدي 😢 وائل ما عجبو الكلام صر وشو وطلع 😒 قطعت كلامها وقلت ليها إطمني يا خالتي نوره نصيبي في العرس أخدتو وبعد يسري إستحااااله أعرس لأنو مافي راجل بيسد مكانو ✋ وخلاص ما تزعلي ح أقعد معاك وائل جا راجع قال لي متأكده إنك ح تقعدي هزيت راسي 😊 قال لي إطمني لا انتي لا إبنك ما في حاجه ح تنقصكم ✋ وما تشيلي هم شغل البيت بكره ح أجيب بنت تشتغل لأنو الشغاله الاولي أمي طلعتها قلت ليهو لاااا مافي داعي طال ما أنا قاعده ✋ وفعلا فضلت قاعده معاهم وفي الحقيقه خالتي نوره كانت مهتمه بي ✋ وطبعا وفاة يسري بعدتنا انا و وائل كتيييير من بعض كل الـ بينا تبادل الإحترام 😓 بس بصراحه وائل كان خاتينا انا ومازن في عيونو وكان بنفذ كل متطلباتنا حتى قبل ما نطلبها بس انا وهو كان في حاجز كبيييير بينا وعلاقتنا كانت في حدود ✋ وخاصه انو كل واحد فينا كان حاسي بالذنب إتجاه يسري 😔 وأصلا دوسنا علي مشاعرنا من زمان عشان كده علاقتنا أصبحت جافه 😓 وفي يوم أهل خالتي نوره كان عندهم عرس وانا رفضت أمشي معاهم والعصر وائل جا راجع من العرس وسمعني بتكلم في التلفون 😱 ""
يتبع......
