وائل قال لي لو عايزه تعرفي سبب تصرف ياسمين تعالي معاي وفعلا وائل رجع مع الأولاد البيت وانا في الباب طالعه قابلت بنات عمي 😍 رجعت معاهم وفضلنا ندردش ونضحك لحدي الساعه 9 مساء بعدها طلعو وأنا رجعت بيتي لقيت وائل قاعد في الهول خالف رجلو وصاري وشو 😒 قلت ليهو الأولاد إتعشو قال لي لو بيهمك امرهم كان جيتي إطمنتي عليهم 😏 قلت ليهو ما محتاجه إطمن عليهم وأبوهم معاهم 😊 وبالمناسبه هسي مزاجي رايق وما عايزه إتناقش قال لي اهااا قصدك بنات عمك بيظبطو مزاجك وانا بعكرو صح 😒 قلت ليهو بإندهاش وانت كيف عرفت بنات عمي معانا 😳 ضحك وقال لي كلمتني العصفوره وانتي قاعده عند ناس أمك الزمن ده كلو نظام عامله زعلانه بس السبب الحقيقي عشان بنات عمك صح 😅 قلت ليهو لااااا وبكره ح أشيل مازن ونرجع مش قلت وجودي في بيت أهلي بريحك انت وياسمين 😏 جراني من خصري وقال لي إنتي عارفه إنها خطه عشان أعرف السبب وآخيرا عرفتو بصراحه ياسمين بتغيير من علاقتنا 😅 قلت ليهو بخلعه إستحاااله ياسمين صغيره ما بتعرف كده 😳 قال لي والله ده الفهمتو منها 😊 مسح خدي وقال لي هي صح بتحبك بس بتغيير من إهتمامي بيك عشان كده عايزه تفرقنا من بعض وفي نفس اللحظه عايزانا الإتنين نكون معاها 😓 وأنا كان ممكن أجبرها تتقبل علاقتنا بس كده ح تكرهنا طول حياتها وإحتمال حتى مازن تكرهو وأنا ما عايز ده يحصل 😓✋ قلت ليهو طيب الحل شنو اهااا نسيت صح زي ما قلت ننفصل من بعض 😊 قربني منو زياده وقال لي شجن إنتي قاصده تجلطيني صح 😒 ضحكت قال لي مبسوطه عشان ضغطي إرتفع صح 😘 قلت ليهو أكييييد بس بالجد الحل شنو قال لي أصلا المشكله إنتهت و ياسمين فهمت إنو لو نحن إنفصلنا إنتي ح تمشي بيت أهلك وح تبعدي مننا وهي ما بتقدر تعيش من غيرك وفي الحقيقه كلنا ما بنقدر نعيش بدونك وباسني في راسي 😘 وفعلا اليوم التاني وانا بعمل في الشاي ياسمين جات جاريه قالت لي ماما سدن إنتي جيتي 😍 طبعا أمس لم جيت راجعه ياسمين كانت نايمه وإتفاجأت بوجودي الصباح وكانت فرحانه قلت ليها اي جيت 😘 قالت لي تاني ما تمسي ناس سيلاز نومي معانا هنا قلت ليها حاضر 😘 وانا شايله الشاي ياسمين جابت كرسيها وقالت لي ماما انا أقعد هنا وانتي تقعدي جنب بابا كده إتأكدته إنو فعلا ياسمين رجعت زي الأول 😍 وائل قال لي بدل وكالة السفر والسياحه قررت أفتح مكتب وأسميهو وائل لحل المشاكل 😅 طبعا وائل كل ملابسو عباره عن قمصان أسود وبني وكحلي ألوان داكنه يوم جا راجع من الشغل شايل قمصان جديده ألوانها زاهيه 😍 في قميص لونو عنابي ياسمين قالت ليهو بابا ده ما هلو 😒 وائل قال ليها ما حلو وبعاين لي نظام موجهه لي السؤال أشرت ليهو براسي لااا حلو 😍 من غير ما ياسمين تلاحظ لي عشان ما تزعل مني 😅 وائل قال ليها متأكده يا يسو قالت ليهو اي 😊 وائل كرر السؤال للمره التانيه وقال ما سمعتك يا ياسمين متأكده حلو أقصد ما حلو انا كنت منزله راسي لم رفعتو لقيتو بعاين لي وأشر لي بـ حواجبو موجهه لي السؤال هزيت ليهو راسي اي 😊 اليوم التاني وائل لبس نفس القميص وجا داخل الغرفه وشايل مازن قال لي مازن رفض ينزل مني وانا إتأخرت على الشغل ✋ قربت منو عايزه أشيل مازن وائل مسكني من خصري بيدو وقربني منو إتخلعت بلعت ريقي وقلت ليهو وااااااائل قال لي رأيك شنو في القميص بعد لبستو قلت ليهو تحفه 😍 قال لي تحفه عيونك الشافتو قلت ليهو نسيت شغلك قال لي رايك شنو الليله آخد إجازه 😊 قلت ليهو يا سلااام أحلى حاجه إنت تقعد تمسك الأولاد وأنا أمشي أتم ونستي مع أهلي ✋ صر لي وشو وقال لي أنا عايز أقعد ونعمل يوم أسري ما أقعد مربي أطفال 😒 عشان كده أفضل إني أمشي الشغل وباسني في خدي 😘 وقبل يطلع قلت ليهو وائل لحظه " وقف مبتسم قلت ليهو الطحنيه إنتهت ما تنسي تجيبها معاك 😊 صر وشو قال لي ده بدل تقولي لي ترجع لي بالسلامه همك الأكل يا عديمة الرومانسيه 😒 قلت ليهو عليك الله في رومانسيه أكتر من الأكل 😍 وبالمناسبه الطحنيه لـ يسو بعد وائل طلع الهول ياسمين قالت ليهو بابا القميس هلو قال ليها حلوه إنتي 😘 وائل إتلفت وقال لي الله يصبرني مرتي عديمة الرومانسيه وبتي عندها إنفصام شخصيه أمس قالت القميص شين وهسي قالت حلو 😅 المساء بعد وائل رجع من الشغل كان فاتح اللاب توب قال لي شجن في فايل تبع المكتب في الدولاب ناوليني ليهو 😊 وفعلا فتحت دولاب وائل وأثناء ما بفتش في الفايل لقيت صوره لمرتو الاولى مبروزه طبعا لا شعوريا شعللت جواي روح الغيره طلعت الهول ناولت وائل الفايل وبنرفزه قلت ليهو وائل ماشه ناس أمي قال لي فجأه كده قررتي تمشي 😳 قلت ليهو اي قال لي تمام علي الاقل انا إشتغل بمزاج وضحك 😅 بقلبي قلت ليهو تشتغل بمزاج ولا ترجع زكرياتك بمزاج قال لي لحظه قبل ما تمشي أعملي لي كباية شاي اظبط بيها راسي عشان عندي شغل كتييير لازم أخلصو ✋ دخلت المطبخ عملت الشاي وناولتو ليهو مسيخ من غير سكر وبقلبي قلت زي ما مسخ علي يومي امسخ ليهو الشاي 😊✋ وائل بعد ضاقو دخل المطبخ طعم الشاي من غير ما يناقشني وانا طالعه قال لي شجن انتي كويسه قلت ليهو اي 😒 سوقت الاولاد ومشيت بيتنا اذان العشاء أذن وأنا لسه قااااعده امي قالت لي شجن وائل طلع ولأ شنو 😓 ؟؟ قلت ليها لااا قاعد في البيت قالت لي غريبه انتي قاعده لحدي هسي قلت ليها الليله نايمه معاكم ولأ ح تطردوني 😒 قالت لي نحن لاقنكم وين سكتت وقالت لي شجن انتي مختلفه مع وائل قلت ليها لاااا الساعه 8 وائل اتصل علي ما رديت تاني رجع اتصل فتحت الخط قلت ليهو عايز شنو 😒 قال لي شجن ما ملاحظه انك اتأخرتي قلت ليهو اصلا ما جايه قال لي كيف يعني ما جايه 😳 قلت ليهو الاولاد نامو وما بقدر اجيبهم قال لي خلاص تعالي انتي وخليهم قلت ليهو بس لو مازن صحى ولقاني ما جنبو ح يبكي ✋ قال لي شجن بعد ربع ساعه افتحي باب الشارع انا جايي قلت ليهو جايي لشنو 😏 قال لي جايي زياره لخالتي ساميه وفعلا وائل جا وبعد اتونس مع اهلي قال لي شجن الاولاد وين قلت ليهو نايمين في الغرفه 😒 استأذن من امي ودخل شال ياسمين قال لي وانتي شيلي مازن وكده أجبرني أرجع معاهو وبعد دخلنا البيت وائل قال لي شجن رجعي معاك الفايل مكانو 😊 رديت عليهو بنرفزه رجعو انت 😠 وبقلبي قلت ما ناقصه وجع قلب عشان أشوف الصوره تاني وائل قال لي شجن في شنو 😳 قلت ليهو مافي حاجه قال لي تصرفاتك دي كلها ومافي حاجه 😒 قلت ليهو متنرفزه براي 😏 عايزه اطلع من الغرفه لقيتو قفل الباب بالمفتاح قال لي كنت عارفك ح تهربي شجن انا كنت فاكرك متنرفزه عشان في مشكله عند اهلك لا قدر الله بس إكتشفت انو مشكلتك معاي لإنك هاربه مني وانا ما بعلم الغيب أحكي عشان لو مشكله نحلها ولو سوء تفاهم يتوضح ✋ قلت ليهو مافي حاجه قال لي وانا مصر انو في حاجه ومخصوص قلت ليك رجعي الفايل عشان اعرف السبب لأنو معاملتك معاي إتغيرت من لحظه ناولتيني الفايل أحكي 😓 في اللحظه دي عيوني اتملت دموع بس كنت بحاول أحبسها ما تنزل وقلت ليهو فتش دولابك وانت تعرف السبب قال لي بإستغراب دولابي 😳 ؟؟؟؟؟ اوك ومشى الدولاب وبدأ يفتش وطلع كل الملابس وحده وحده قال لي دقيقه دقيقه ما يكون قصدك دي ورفع لي الصوره ✋ بلعت ريقي وسكته قرب مني وقال لي اذا دي السبب معقول يا شجن صوره تزعلك البيشوفك يقول اول مره تعرفي اني كنت متزوج 😓 قلت ليهو بس ما كنت متوقعه انك لسه عايش مع زكرياتها قال لي حبيبتي زكريات شنو طيب تعالي قعدنا في الكنبه قال لي اول حاجه عايزك تعرفيها انو الصوره دي انا محتفظ بيها عشان ياسمين لانو من حقها بعد تكبر تكون عارفه ملامح امها و تكون عندها زكرى ✋ صح انا اتزوجت هبه وكنت متعلق بيها شديد حتى بعد ماتت ما كنت متوقع انو في يوم من الايام اني اتزوج تاني بس الحمدلله ربنا دخل في حياتي وحده بقت لي نعم الزوجة والسند وام لـ بنتي واولادي في المستقبل وما بكذب واقول ليك نسيت هبه او في يوم ح أنساها بالعكس لحدي اللحظه دي بحمل ليها كل التقدير " مسك يدي و واصل كلامو بس ده كان في الماضي وانتي الحاضر والمستقبل وانا لو كنت عايش مع الماضي والذكريات ما كنت ختيت الصوره في الدولاب جنب عيونك كان خبيتها في مكان إنتي ما بتعرفي صح 😊 قلت ليهو احتمال ما فاكر اني ح أفتح الدولاب 😒 قال لي يا بنت ما تنسي أنا الرسلتك للفايل وبعدين دولابي فاتح طبيعي وكان ممكن أقفلو وأشيل معاي المفتاح صح 😊 شجن حبيبي ما تخلي الأوهام تخرب بيتنا وما صدقنا مشاكلنا إتحلت تمام والتضحيه الـ قدمتيها لي سبب كافي يخليني أسعدك طول حياتي 😍 قلت ليهو قصدك بتسعدني عشان ترد المعروف وما بتحبني 😒 إحتواني بيدو وقال لي أكيييد ما بحبك لأني إتخطيت الحب معاك زمااان و وصلت مرحلة الهيام والعشق 😍 طبعا بقيت اتبسم برااااي مسكني من حنكي قال لي بس ما تكوني انتي فاكره علاقتنا دي يا دوووب في طور الحب والصداقه 😏 قلت ليهو بصوت خجول وائل وسكته قال لي نن عيوني انا عايزه شنو قلت ليهو قصدي خلاص نقفل الموضوع ده 😓 ضحك وقال لي يعني انا إتغزل فيك وانتي تسكتيني بكلمة وائل طيب لسه عندك شك في حبي ليك هزيت راسي لااااا قال لي كده ممكن اسكت 😅 الصباح ناولت وائل الشاي قال لي لسه زعلانه وعامله الشاي مسيخ 😅 ضحكت وقلت ليهو إطمن طاعم قال لي ممكن افهم انو وحده تغير من وحده ده الطبيعي بس تغير من وحده متوفيه دي كيف ما قادر إستوعبها 😅 قلت ليهو وائل ضحك وقال لي قصدك أسكت صاح جدا انا زاتي طالع الشغل باسني في خدي وطلع 😘 وأنا دخلت المطبخ وفجأه إتذكرت امي انها لم تزعل واحد فينا بتعمل لينا الأكله البنحبها عشان تراضينا فقررت اعمل زيها لـ وائل عشان أفاجؤوا بس 😔 ""
يتبع....
