لؤي بخوف واضح من صوتو : هدى عليك الله مالك في شنو !!فضلت ساكتة بس ودموعها نازلة ..لؤي : طيب ممكن تحكي لي ما تقلقيني لو سمحتيهدى بإستغراب : انت لي هنا !!لؤي : ما مهم بوريك بعدين هسي وريني بتبكي كدا وقاعدة هنا براك وفي الارض لي في زول سمعك كلام فارغ او زعلك !!غمضت عيونها وغطت وشها بيدينها في محاولة منها انها تخفف من كمية الصداع الحاسة بيهو..لؤي : اسمعيني خلينا نطلع من هنا احسن ليكي ..هزت راسها بالإيجاب وقامت معاهو ..مشو وطلعو بباب النجيلة التاني بدون ما ينتبه زول وركبو العربية ..عاين لهدى مسافة قبل ما يدور العربية ويتحرك على شارع النيل ..~•~•~•~•~•~•~•~•~•~•~•~•~•~•~•~•~•~🌸 في جانب تاني 🌸اثناء ما كانت قاعدة مع الناس والجوطة والحفلة .. شافت انو دي فرصتها مع انشغال الناس داا انها تمشي تشوف هدى بقت كيف .. لفت عليها البيت كلو بس ما لقتها .. اتصلت عليها وأول ما ردت : هدى انتي وينهدى : طلعت مع لؤياروى باستغراب : لؤي منوهدى : عايني بحكي ليكي بعدين طيباروى : طيب .. انتي كويسة مشهدى : ااي ما تخافي ما تشغلي بالك كتير ..اروى : طيب خلي بالك من نفسكهدى : تمام .. باياروى : باي💛~•~•~•~•~•~•~•~•~•~•~•~•~•~•~•~•~•~🌸 شارع النيل 🌸كانو قاعدين في مكان هادي كدا على الطرف ..لؤي : تشربي قهوة !هدى : لا ما بحبها ..لؤي : طيب شاي !!هدى : طيب ..مشا وطلب كبايتين شاي قبل ما يرجع ويقعد مع هدى ..سكت مسافة قبل ما يقول : اها احكي سامعك ..هدى أخدت نفس طويل كدا قبل ما تقول ليهو : بحب واحد من دفعتنا اسمو وائل ..هنا لؤي حس بطعنة غريب في قلبو وحاول يخفي ضيقو بإنتباهو معاها وهو بقول : طيب والحصل !!هدى : انو حب واحدة وارتبط بيها قريب والقصة وما فيها انو خلاص بقا لغيري او هو عمرو ما كان لي اصلاً ..لؤي : بتحبيهو من متين !!هدى : كم سنة يعني وقت طويل ..لؤي : اهاا وهو ما عارف ؟؟هدى : لالؤي : طيب شوفي اي زول فينا في الدنيا دي مصيرو يحب يحب لكن ما اي زول بنحبو حيبادلنا نفس الشعور بس على العموم كل شيء بحصل لي خير فخلي إيمانك بربنا كبير ودايما خليك واثقة انو حيجي يوم وتنسي كل دا واكيد في النهاية دا لحكمة من ربنا نحن ما عارفنها .. بس في الاخر اكيد هي لخير ..ابتسمت وهي بتتذكر مرضها الممكن يخليها تعيش ايام بس ما اكتر وجاوبتو بابتسامة وهي بتقول : فعلا .. كل شيء لخير💜غير الموضوع في محاولة منو انو يطلعها من جو زعلها دا وهو بقول : اها ي ستي بكرا عندك حاجةهدى : لا ... لي !!لؤي : حابي أعزمك براهدى : وينلؤي : مكان ما بتحبي وتختاريهدى : امم خلينا نمشي ديلايس بحبو شديدلؤي : من عيوني يا ستي تمام غالي والطلب رخيص💙وفضل يتونس معاها في مواضيع مختلفة عشان ينسيها الحاصل دا ..بعد شوية جابت المرأة الشاي .. شربوهو سوى ما بين هم بتونسو وما بين هم بضحكو ..بعد شوية وصل هدى البيت قبل ما هو كمان يرجع البيت وكان مبسوط لانو قدر يضحكها شوية بس في نفس الوقت ما قادر ينكر شعورو بالضيق انها بتحب وائل ..دخل استحما وصلى .. اتصل على مزمل واعتذر ليهو انو طلع بدون ما يكلمو .. ورقد نام ..~•~•~•~•~•~•~•~•~•~•~•~•~•~•~•~•~•~🌸 عند ناس اروى 🌸كل زول مشا على بيتو بعد ما خلصت الحفلة ..ولما ناس كمال سالو عن هدى اروى قالت ليهم انها رجعت البيت بدري لانها تعبانة وكدا..دخلت غرفتها وغيرت هدومها قبل ما تتصل على هدى وتتطمن عليها..~•~•~•~•~•~•~•~•~•~•~•~•~•~•~•~•~•~🌸 عند وائل _ الساعة ١١ 🌸رجع البيت غير هدومو وصلى ..خت التلفون في الشاحن مسافة قبل ما يتصل على هالة ..جاهو صوتها وهي بتقول : الوو ..وائل : هلول كيفك💜هالة : بخييير وانت !!وائل : بخيير💙هالة : اها احكي لي كيف كانت الخطوبة..وائل : والله ظريفةة وحصل وحصل وحصل (( وبقا بحكي ليهاا وهو مبسووط ))وفضلو يتونسو كدا لغاية ما اي واحد قفل ومشا على سريرو💤😴~•~•~•~•~•~•~•~•~•~•~•~•~•~•~•~•~•~~•~•~•~•~•~•~•~•~•~•~•~•~•~•~•~•~•~~•~•~•~•~•~•~•~•~•~•~•~•~•~•~•~•~•~🌸 بعد شهرين _ وفي يوم خميس _ بيت كمال🌸رنا : لين يا بت اقعدي ساي انتي عروووسلين : ياخ ابيييت قلتا ليكم ما دايرة اتدخنن😭ام لين : ما على كيفك يا بت ..بعد ساعة قامت من حفرة الدخان ومشت صلت ورقدت نامت على طول من التعب ..بعد ساعتين صحوها عشان القعدة التانية😂قامت وبعد خلصت بقو يظبطو فيها قبل ما تجي الحنانة وترسم ليها .. رسمت ليها حاجة كدا فوق الخيال ..ورسمت لي رنا كمان .. قبل ما تطلب منها وتقول ليها ترسم ليها في باطن إيدها حرفين R و K وفي نصهم قلب صغير ..المهم مر اليوووم بخيرررروو ..~•~•~•~•~•~•~•~•~•~•~•~•~•~•~•~•~•~🎵 ~•~ تاني يوم ~•~ 🎵صحو رنا ولين من الصباح ومشو مع السواق الكوفير .. لغاية العصر وهم لسا بجهزوو وكداا ..قريب المغرب لين خلصت مكياج ولبس وتسريح .. كان فستانها مع الجسم ومن تحت منفوش ..ورافعة شعرها بتاج كلو لورا .. ونازلة طرحة خفيفة من ورا ..مع الميك اب الناعم بروج فاتح💜اما رنا .. فكانت لابسة فستان ضيق لغاية الخصر ومن بعدها منفوش نفشة خفيفة.. عملت شعرها كيرلي مع ميك اب خفيف كمان وروج كوبي💜بعد شوية اتصل زياد على رنا وكلمهم انهم وصلو ولازم ينزلو وكدا .. رنا : طيب- كانت الكوفيرة بتصلح ليها في طرحتها قبل ما يدق البابفتحتو رنا .. زياد : اتاخرتو ياخخ😑رنا : كويس جايين خلصنا انزل تحت يا ولد ..بقا بحاول يعاين جوا ..رنا : قلتا انزززل😑زياد وهو بحدر ليها لانو م قدر يشوف لين : كويس كويس😒نزل وبقا منتظر قدام العربية .. جات نازلة ومعاها رنا ..اول ما شافها .. ابتسم ومشا عليها .. عاين جوا عيونها وهو بقول : خلاص بقيتي لي😍ابتسمت ونزلت راسها ..زياد : اتحصنتي♥️لين : لا نسيتقرا مسافة وهو بحصن فيها قبل ما يفتح الباب علشان تركب.. وعلى طول ركب جمبها .. اما رنا ركبت قدام ..~•~•~•~•~•~•~•~•~•~•~•~•~•~•~•~•~•~🌸 قدام بوابة الصالة 🌸نزلت رنا وبعدها نزل زياد ومشا فتح الباب لي لين .. مد ايدو.. مسكتو ونزلت من العربية ..جو داخلين الصالة ورنا وراهم .. واشتغلت اغاني الزفّة .. وفضلو ماشين لغاية ما وصلو نص الصالة .. وقفو وبدا السلو 💙زياد : ارح أخطفك هسي ،، رأيك شنو !!لين : زياد بطل هبالة ما وقتك😂زياد : اتهبلت بيك ياخ بجد ربنا يحفظك لي ما مصدق انك بقيتي ملكي💜ابتسمت وهي بتعاين ليهو جوا عيونو قبل ما تقول : بحبك❤️زياد : نعم ما سمعت !! عيديها ..كررتها بنفس الابتسامة وبصوت أوضح : بحبك❤️زياد : وانا بموت فيك يا اميرتي💚بعد شوية مشو على الكوشة وجو الناس يباركو ليهم وبدأ الدي جي والهجيج .. وائل وعامر وكمال من الرقيص ما فضل الا يتشنقلو في راس الصالة واروى وهدى يضحكو فيهم ساااي😂بعد شوية .. وائل طلع تلفونو واتصورو مع بعض وهم برقصو قبل ما يختها في بروفايلو ..خلصت الحفلة .. وبعدها العرسان سافروو ..اما باقي الناس كل زول رجع على بيتو ..~•~•~•~•~•~•~•~•~•~•~•~•~•~•~•~•~•~🌸 بعد يومين 🌸نزلو ناس وائل الجامعة والدكتور كلمهم انو الرحلة قائمة وما اتلغت وحا يمشو بعد بكراا توتي ..~•~•~•~•~•~•~•~•~•~•~•~•~•~•~•~•~•~🌸 المساء _ عند لؤي 🌸اتصل على مزمل وعزمو هو وناس البيت لي عرس صالح ولجين ..تاني يوم مزمل كلم ناس البيت بس ماف زول فيهم كان قادر يمشي فانفال طلبت من اروى تمشي بدالها..وبعد شوية لؤي اتصل على هدى .. وعزمها ..~•~•~•~•~•~•~•~•~•~•~•~•~•~•~•~•~•~🌸 تاني يوم 🌸مشت اروى مع مزمل العرس .. ولما وصلو الصالة كانت بتنقل نظرها بين الناس قبل ما تشوف هدى .. مشت عليها وهي مستغربة : هدى !! الجابك هنا شنو !!هدى : عرس اخت صحبي !! وانتي وواروى : عرس اخت واحد شغال مع مزمل ..هدى . قصدك لؤي !!اروى : بري ما بعرف اسمو ..مشو وقعدو سوى .. وبقو بتونسو ..وبعد شوية وقت وصلو العرسان ومشو يباركو ليهم ..اول ما وصلو الكوشة .. الاتنين فتحو عيونهم بخلعة وهم بيقولو في نفس الوقت : دكتور صالح !!😳
يتبع......
