🍂 بيت الطاهر 🍂نعمة : ي بتي الليلة مالك م مشيتي الجامعة مؤجزة ولا شنو ؟!🙁رنا : لالا ي امي ،، بصراحة وائل جا الليلة ولو مشيت الجامعة اصلاً م ح اركز في شيء ،، عايزة امشي اشوفو لازم اعترف ليهو تعبت خلاص وإلي يحصل يحصل😔💔نعمة : خير ي بتي خير..وطلعت من الغرفة ..اما رنا اتصلت على وائل كم مرة بس م رد .. قالت بينها وبين نفسها ( بكون نايم من تعب الرجعة وكدا .. بتصل عليهو بعدين م مشكلة ) ..🔹🔸🔹🔸🔹🔸🔹🔸🔹🔸🔹🍂 عند عمر وإيناس 🍂إيناس : انا جهزت🌚عمر : نطلع بعد دا !!ايناس : يلا ..شال الشنطة وختاها في الضهرية .. ركب العربية وإيناس ركبت جمبو .. واتحركوو على البيت ..اول ما وصلو .. سهى سلمت عليهم شديد .. وجاتهم منيرة برضو وكدا .. سلمت عليهم وكلمتهم انو وائل جا ..عمر : و وينو هسي ؟!سهى : نايم فوقمنيرة : ااي ،، بكون تعبان بس يصحى سلمو عليهو ،، اها كيف انتو ان شاء الله انبسطو😄💜عمر غمز لي ايناس .. وابتسم قبل ما يقول لي امو : شديييد والله❤️ايناس من الخجل ولا اتفاهمت مشت وطلعت غرفتهم .. ودخلت بسرعة وهي بتقول : لا بجد الراجل دا مختل عقلياً🤓- لا سمعتك ع فكرة😌ايناس وهي بتلتفت وراها : ااا شنووو😅عمر : انا مختل صح !!ايناس : لالا وربي ،، كدي تعال اقعد خلينا نتفاهم😅كان بعاين ليها بنظرات خبيثة وهو مبتسم وماشي عليها .. قالت ليهو بسرعة : عمر عاين هناك😱التفت وهي طوالي جرت وطلعت من الغرفة ولقت روحها مشت غرفة سهى😂💔..سهى : بِسْم الله مالك ي ماما🙄ايناس : ابوك دا ناوي يجنني😆سهى : واااو بتلعبو سك سك😍ايناس : يسكك كلب ،، اقري قرايتك😂💔سهى ضحكت وإيناس ضحكت معاها .. وقَعَدت جمب سهى وبقت بتعاين ليها وهي بتقرأ ..🔹🔸🔹🔸🔹🔸🔹🔸🔹🔸🔹🍂 عند اروى 🍂كانت بتتونس مع انفال .. اتصلت عليها هدى .. اتونست معاها مسافة وقفلت .. بعد انتهت المكالمة اروى حست بقلق .. صوت هدى م كان طبيعي ابداً💔 ..🔹🔸🔹🔸🔹🔸🔹🔸🔹🔸🔹🍂 بيت بتول 🍂لجين : ي عمتو .. الليلة عندي صحبتي عايزة تجيني اذا م عندك مانع يعني !!😅بتول : مانع شنو ياخ معقولة بس تنور والله😍❤️لجين : تسلمي ياخ😘بتول : جاية متين !!لجين : العصرية كدا تقريباً🌚بتول : خلاص اقوم اجهز ليها كم حاجة سمحة ،، م ظريفة تجيك وكدا وما نعمل ليها شيء😄لجين : طيب النقوم اساعدك💙بتول : طيب ي بتي💜وقامو دخلو المطبخ سوى ..🔹🔸🔹🔸🔹🔸🔹🔸🔹🔸🔹🍂 عند وائل 🍂صحى بصوت امو وهي بتقول : وائل ي ولدي قوم الضهر فات اهلو وانت ما صليت👋وائل وهو بتقلب بفتور : قاايم ورب الكعبة ي نبع الحنان قايم😫قام وهو عين مفتحة وعين مغمضة .. اتوضأ وصلى .. مشا على جهة السرير ورقد .. شال تلفونو لقا ٤ مكالمات من رنا ورجع ليها .. ودخل معاهو جرس وبعد شوية ردت ..وائل : الو ،، السلام عليكم✋🏼رنا : وعليكم السلام ،، كيفك😍وائل : تماام الحمدلله وانتي ؟!😇رنا : الحمدللہے والله🌚❤️سكتو مسافة قبل ما رنا تقول : وائل ممكن اقابلك ؟! لازم اتكلم معاك في حاجة ضرورية😅وائل : انا كمان (( وهو على بالو موضوع كمال ))رنا : نتلاقا في إيطالي ؟!🤔
وائل : ظابط👍🏻
يتبع.....
