Me - You + Him (COMPLETED!)

CK - Nice Jammies!

Kassie Mariam Bolivar

Nanginig ang mga tuhod kong lumabas mula sa opisina. Hindi ko lang alam kung mula sa halik ni sir o mula sa mga binitawan niyang salita.

"Kass, okay ka lang? hindi ka napagalitan?" biglang tinanong ako ni Tom.

Umiling ako, "may mali lang sa ginawa kong reports..."

"Ah ganon ba," tango nito. Nang tingnan ko ulit si Tom ay masyadong cheerful ang mood nito.

"May nangyari ba kagabi na hindi ko alam?" patay malisyang tanong ko.

Lumapad ang ngiti niya, "Kass, ang sasama niyo. Hindi kayo sumipot sa usapan."

"Sorry," mahina kong sagot, "pero not sorry kasi maganda ang aura mo ngayon. Anong nangyari sa inyo ni Harper kagabi?"

He winked at me and squeezed my cheek, "kami na."

"Wow! Congratulations!!!!!" biglang napalakas ang boses ko. Sa sobrang galak sa kaniyang balita ay napayakap ako sa kaniya at bumulong ng, "ingatan mo ang beshie ko Tom kung ayaw mong mawawala ang family jewels mo."

"Uy nag propose na ba si Tom?" nakakalokong tanong ni Fatima nang makita kaming magkayakap.

Kumalas kami sa isa't-isa at malapad ang mga ngitinging ibinigay kay Fatima, "Actually, sinagot ako ng best friend ni Kassie kagabi."

"Ano? Yung best friend niya ang nililigawan mo?" biglang humirit si Lory.

"Yup!" he winked at us.

"Akala namin si Kassie ang nililigawan mo," tawa ni Lory, "pero wais ka ha – una mong niligawan ang mga kaibigan bago ang target."

"Uy Kass, sayo nalang si dragon king," mahinang pahayag ni Fatima, "na feel ng aking kaibuturan na magiging kayo sa future."

"Nawa mangyari," sang ayon ni Lory.

"Amen," tango ni Tom.

"Ewan ko sa inyo," natatawang bulas ko, "magtrabaho na nga tayo."

Pero deep inside me, bumalik yung feeling ko noong teenager ako na kinikilig kapag naiisip si sir Raffy. At parang nag jelly yung mga tuhod ko kapag naalala ko ang mainit na sandaling ginawa namin sa opisina niya kaninang umaga.

Wala masyadong nangyari sa buong araw. Wala rin naman akong commitment sa mga kaibigan ko kaya nagdesisyon akong dumiretso sa bahay at mag binge watch ng mga movies. Mabuti na lang talaga at hindi kami nagkita ni sir Raffy pagkatapos ng insidente kasi hindi ko alam kung pano ako magre-react sa kaniya.

Dahil Thursday ngayon ay wala si mama at papa kasi may meeting sa Rotary. Kaya I enjoyed the solitude of being alone in the house. Lumipas ang ilang oras at napagod ako sa panonood at nagdesisyong matulog na. I wore my loose tank top na hello kitty design at ang terno nitong panty at medyas. Tumalon ako sa kama at tiningnan ang mga hello kitties sa kwarto ko bago ako napaidlip.

Nagising ako nang may marinig na tunog sa aking bintana. I jerked from my bed and went to the window ang gasped in surprise nang makitang umakyat si sir Raffy.

"Anong ginagawa mo?" gusto kong sumigaw pero bulong lang ang lumabas sa bibig ko. Gusto kong tumawa kasi nag ala Romeo at Juliet kaming dalawa at nakikita kong nahihirapan talaga siyang umakyat papunta sa kwarto ko.

Nang makapasok siya sa loob ay napa "hoo ang hirap" siya bago niya ako niyakap. Kumalas ako sa kaniya at dali-daling ni-lock ang pinto.

"Paano kung makita ka ni mama at papa?" bulong ko, "anong nakain mo sir?"

Nakangisi siyang hinagod ang paningin sa kabuoan ko, "Nice jammies..."

Dahil sa pagkataranta ay hindi ko namalayan ang suot ko. Napatungo ako at nagulat sa hitsura ko – nakalabas ang aking isang boob. Shit. Tinakbo ko ang aking kama at halos magtago sa ilalim ng kumot sa hiya.