الدولة 🔥

حلقة 1

#الدولة 🔥  رواية قوية ومختلفة🔥⭐

أُهْدِي هَذَا الْعَمَل لِ بِلاَدِي❤

حلقة 1

،،،،
☆▪ كان يا مكان

كان فيه عروس بحر مذبوحة ،،
جوها ولادها و نهبوها

اللي تمنى الشيخ زايد ▪▪ دبي تولي زيها
تعالى يا زايد شوف ▪▪ ولادها طفولها ضيّها

مبدتش طرابلس زمان ،، وكان يا مكان ▪☆

☆▪ ولادها غدروها ،،
بخنجر مسموم▪▪ فقلبها طعنوها
خلوها تنزف▪▪ ومن أحبابها حرموها
مع الغير وقفو▪▪ ولكنوزها نهبوها

اللي ديما اتطيح وتنوض ▪▪ يا ريتني فالقوة زيها
اللي انهانت بيد ولادها ▪▪ سيورة يرجع ضيّها

وترجع طرابلس زمان ،، وكان يا مكان ▪☆

_________☆▪خلود K••Shشلابي▪☆_______

خش وسام للفيلا
لابس بدلة الشرطة كاملة بالبوتيل الأسود .. مرقّي النظارات على جبهته 🕶 ركب للدرج وعيونه يطلعو ف شرار 🔥
لقى بوه خليفة وزير الخارجية وعمه سليمان "وزير الداخلية" وولده منتصر يراجو فيه مدايرين إجتماع ..
سلم عليهم ناض ولد عمه قاله
منتصر/ خيرك جيت متأخر عالإجتماع لينا نص ساعة نراجو 😒
وسام/ زحمة السريع 😏
منتصر/ ههعع و ملقبينك بالدولة ! معقولة مكانة زي هكي تُحصل فاها زحمة السريع؟ 🤨
وسام/ حتى لو كنت الدولة .. القانون يمشي عليا زيني زي أي مواطن 😏
قعد خليفة يشبح لخوه وسليمان يبلع ف ريقه .. لانه ديما حساسية بيناتهم من كانو صغار
وسام/ المهم شن اللي فاتني من اجتماعكم
منتصر/ والله كيف كنا نحكو مع عمي خليفة عالأوضاع الأخيرة اللي صارت .. 😏 يعنييي أ أ أ
وسام/ كمل كمممل خود راحتك
منتصر/ لا واخدها راحتي 😑 أصلاااا .... قاطعه بوه سليمان
سليمان/ لحظة خليني نتفاهم معاه
ساوى وسام تقعميزته عالكرسي / إيييه باه 😶
سليمان/ بصراحة إنت عارف معزتك عندي شنو .. انت مهنيني من كنت صغير وعابي عليك أكتر حتى من سليمان ولدي .. نبي نكلمك بصفتي عمك مش بصفة الشغل
وسام/ يا عمي كان بتدويلي على نفس الموضوع راهو لا ..
خليفة يشبح وساكت كان عارف ولده وسام معاه حق
سليمان/ أني بدو يضغطو عليا جماعة المجلس الشرطة مقسومة بيني وبينك وبين المليشيات اللي يحاربو فينا من كل تركينة لأمتى حنقعدو هكي ..
وسام/ يا عمي من الأول قتلك مترضاش بيه المنصب .. وزارة الداخلية مدايرينها ع خاطر الكراسي مش على خاطر الشعب .. شوف الفرق بين الشرطة اللي ماسكها اني وبين اللي مدايرينها جماعتك من الوزارة .. ورد بالك .. يوم يطيحو بالمجلس حيكون اللوم عليك انت .. مجرد وقت وحتنقلب الطاولة
منتصر/ يعني اللي فهمته انك انت اللي دروحك حتطلّع بوي من الموضوع !! 😏
وسام/ أكيد 😒
منتصر/ وعمي ماهو نفس الشيء وزير خارجية المجلس
وسام/ وزير خارجية يعني امور تتعلق بالخارج 😒مجرد يقدم استقالته تم الموضوع مش تبع الأمن زي بوك أي يوم اتطيح الحكومة حيريح فاها.. نسيت قداش من مرة حاولو يغتالوه جماعة الميليشيا؟؟ نسيت كيف يؤمرو فيه بش يحمو رواحهم ومناصبهم ع خاطر كراسي وعلى خاطر مصالح شخصية !!
منتصر/ لو متضمش سلك الشرطة اللي يتبعك لقوات الوزارة حنسحبو منك الشرعية 😡
وسام بضحكة خفيفة اهححم 😏 ونحاها الشرعية .. تي أني القوات اللي مسيطر عليهم والمراكز اللي تتبعلي أكتر من اللي عندكم .. أني عندي جيش كامل تي لولاي راهو طرابلس فالحضيض
منتصر ناض من الكرسي متعه يكشخ😡
سليمان / بسسس 😠 خلاص
وسام يحرك فالكرسي يمين يسار دمه بارد وملامحه عادية جدااااااا
وسام/ اللي عندي وقلته يا عمي ..
سليمان/ نحاول نقنّع المجلس ونكسبلك وقت بش تفكّر وتغيّر رأيك وإلا حتصير حرب ..
وسام/ تي غر صفو الميليشيات اللي كل مرة هادين على مراكزكم ويخنبو منكم فالسيارات وبعتالي أني ساهل متدورونيش
سليمان/ تعرف شنو .. عندي فكرة خطرت ع بالي توا
وسام/ شنوو
سليمان/ شن رأيك باهي نقنع المجلس انك معانا لكن اخدم خدمتك بطريقتك المهم انتمائك للمجلس ..
وسام/ يا عمي أني نفس الشيء .. تشوف فيا حاط ناس كفاءة فالمصارف وفالمستشفيات والطريق .. نتحداك أي جهة مأمنينها وتتبعني فاها خنبة ولا سطو ولا أي حاجة تخالف القانون .. لكن بش نبعت مجموعتي ع خاطر تيار سياسي معين ولا نرفع مجموعة تهد على منطقة تانية تحارب تحت أي مسمى هادي مستحيييل ولو نسيب الخدمة 🔥🔥
سليمان/ خلاص نحاول كيف نرقعه الموضوع
وسام/ ومنه لو طاحت حكومة المجلس متخسرش قدام الناس وان كنت تستمعل ف جهاز الشرطة ع خاطر تيارات سياسية .. الناس كلها بدت متعلمة وتعرف خلفية أي وزير واي حزب او تيار ينتمي .. يوم اللي يطيحو الحكومة تلقاني واقفلهم .. زي ما دارو قبلها حكومتين وطيحوهم 🔥
خليفة/ برأيي كلام وسام هوا زينة العقل يا سليمان
سليمان/ عااااارف والله عارف لكن منبيش الشرطة تنقسم بسس 😣
منتصر يغلي من موافقة بوه 😡.. ووسام مترصدله ومخلي ملامحه عادية جدااااا ..
................