#هيام قلبي
#البارت ال11
#الكاتبه نور
...............
راح افـلهن
حوبـه مـآبِيهن بطيت
لـيمـتى اضل اتأملك وانذور اشد
#حسين_العجيلي💜🦋
منار ....
بديت استعيد وعي وقررت ابدي حياتي من
جديد وماكول نسيت الماضي لان ماكو شي
فد يوم يصير بحياتنه ونكدر ننسى لكن اكو
جزء بادخلي خليت بي كل ذكرياتي وحزني
وكل الماضي ووسديت هاي الخزانه حته لا
ارجع اتاذة واحن واشتاق ودائما كلنا نعرف انو الجانب
الحزين مستحيل يجي وي الجانب الحلو
رجعت الدراستي و مرت الايام واني كول
ما يجي بالي نهاد احاول انسى
.....
جنت كاعده واذكرت تلفوني صار اكثر من
شهر ونص ما فاتحته
ركضت للكنتور وطلعته و وفتحته
اووو شكد رسائل وحجي جايني
فضول بداخلي اريد اعرف عن نهاد شي
فتحت الواتساب وطلعت رقمه وجان اباوع
اخر ضهور قبل ١٧ يوم بكل البرامج حته الفيس
انصدمت واخر رساله دازها الي سامحيني واحبج
كلبي رجف ودموعي نزلت واني اقرة كلامه
بديت اقوي نفسي وكلت ماكو شي
واعرف اني هل سوالف حته انقهر عليه
..............
هيام :
وصلت للبيت ونزلت بسرعه رحت الغرفتي
وقفلت الباب واتنفس سريع هم زين اهلي
امي بغرفتها
وابوية بالشغل
فتحت الغراض واباوع عليهن واكول معقولة يحبني
هيج هذا مو حب جنون
اوووف خل اطلعه من بالي
.والله لو يدري جهاد يموتني ع سالفتي والحجي
ويا وكعدتنه فتحت تلفوني وحفظت رقمه بالمذكرة ...
وطلعت رقم جهاد خابرت مرة مرتين يلا جاوبني
جهاد :الوو
هيام :
الوو هبو شلونك بالي يمك ليش مرتين
دكيت يلا جاوبتني صاير شي بالي يمك
جهاد :
ياعمري انتي والله مابيه شي وهسة
وصلنه وجنت كاعد يم الناس بالجادر مال
الفاتحه وطلعت وخابرتج انتي شلونج
هيام : اني زينه بس مشتاقتلك كووومه
جهاد :واني مشتاقلج اكثر منج
هيام :مااا هل مرة اني اكثر
كل مرة انت اكثر بس هسة اني اكثر
معليه اني اكثر
جهاد :لاتبجين ولج انتي اكثر فتهمت بس اسكتي
مابيه حيل اعنادج واني بفاتحه هسة اتاخرت
هيام :ها حبيبي مابيك حيل مو
تريد بس حجه علمود تروح
جهاد :لج هيام اشتهيتي عركه لو شنو
اكلج اني بالفاتحه وجادر وتكولين اتريد
تخلص مني اني شلون بعقلج الطفولي هذا
هيام : اذا مليت مني كول ترة
عادي مبينه مليت ترة اكو غيرك يتمنى
احجي ويا بس اني لان احبك وياك باقيه
جهاد :اول شي من هذا الي يتمنى يحجي وياج
وانتي شنو مسوية منيه عليه لو شنو
شوفي هيام اسلوبج مال الزعاطيط بطلي
واذا تبقين هيج ماعتقد علاقتنه راح تنجح
هيام :اسمع كللمه واني احس نفسي جفصت ويا
اوكي اخذ راحتك باي
أنت تقرأ
# هيام قلبي
ChickLit#الكاتبه ✎ نـور𓅛 . ساهر: مراح اعوفج ... تقربت عليها اكثر .. وايدها بايدي مثل الثلج... وترجف .... منار .. خايفه ودموعي بعيوني .. حجيت بخوف انت مو تحبني عوفني حباب .... ساهر: ما تحملت كلامها .... رفعت راسي صارت عيوني بعيونها .... واني اتصنع ال...
