# هيام قلبي

part 14

# هيام قلبي
#البارت 14
#الكاتبة نور
.............

تعودتك

محبه وليل ومسامر
تعودتك خليل وخل ..

#عريان_السيد_خلف💜🦋

هيام   ...
خلصت محاضراتي وطلعت اتمشى ويا لبنى
ونسولف دك تلفوني جهاد

جهاد : الوو هلو حبي
هيام :هلا بيك كلبي

جهاد :خلصتي محاضراتج حبي
هيام :اي حبي خلصت راح انتضرك برة

جهاد :لا تبقين برة ادخلي انتضريني جوة
اني بالطريق

هيام :تدلل
طلعت انتضرة واجه رمشلي ..
احنه كل يوم هيج حته ابقه بالسيارة اول وحده
ونحجي براحتنه صعدت وكتله

هيام : اشتاقيتلك والحسين ...
جهاد  :صايرة اتحلفين لجج ..
اني مشتاقلج اكثر منج واكثر منج هم

هيام  :ماا اني اكثر

جهاد :احبج روحي ...

بدوو يلتمون البنات ونشاقه
بالخط وجهاد نزل يسولف ويا
الولد اصدقائة ...

صافنه ويا روحي واكول يجي يوم اخسر ..
كل هل حب والدلال دخيلك ربي احفظه الي
مجرد مافركت ممكن اخسر شخص . جان
بالنسبه الي روحي احس اطرافي
كلها رجفت وانقبض
كلبي وصلت للبيت ..
دخلت البيت اظلم ومحد موجود
اوووف نزعت الحذاء وذبيت غراضي
بالهول وكعدت اشوف شخص يفتر بالبيت
متت خوف منو هذا
هيام :منووو
ياسر :اني روح اخوج اشتاقيتلج واجيت

هيام : فتحوو الاضوية ولكيت منار وامي وابوية
وياسر ..

جانت لحضات كلش حلوة شكد
ماوصف الكم الجو محد يصدك دموع حزن وفرح
ولقاء أحبه  شي كلش حلو ومختلف
حضنت ياسر
هيام : مشتاقتلك ليش مكتلي راح تجي

ياسر :   ولج غير مفاجاة واحبج واصدمج باسلوبي

هههههه ولتمت عائلتنه
وفتحنه الهدايه جايبلي تراكسودات ثنين
وفساتين حفلات ومكياجات

هيام : يسووور وين تعرف بهيج سوالف

منار : لج بابه بالدول الاجانب اكيد
حبيبته احتارتله ههههه

هيام : اييي هههه

ياسر :لجج لا اكوم اطيح حضج
لا تالفين مو صديقتي هنه ثنين صديقاتي
وضحك وبقينه نسولف ونضحك ..

ياسر :اكلج البايرة اشو لازوجتي لا نخطبتي
هيج محد متحمل جهرتج

هيام :ايي والله يخوي جني ضاله ع كلبك
محد ياخذني احوو احوو وسويت نفسي
الطم بالجذب

ياسر : ياسودة عليه يا بعد اخيج
باجر اكعد بالتقاطع واسوي تنزيلات عليج
بلكي يقبلون بيج

واذا مقبلو انشرج بموقع بنات للزواج

هيام : يمن فدوة اغديلك هذا الاخو
الكفووو الي يوكف ويا اخته ويدورلها عريس