# هيام قلبي

part 20

#هيام قلبي
#البارت 20
#الكاتبة نور
..............
وأكابر ناحر ويّا الريح
ياريح الجفا شعالي
ولا ترخص
شجاها الروح
عدها شما تذل غالي

- عريان السيد خلف🍁
..............
هيام ..
ماعرف شلون طلع الكلام ولا اعرف . شلون
كدرت احجي بكل هل كميه من الحقد الي بداخلي

من هاي الحظه قررت اطلع شي اسمه
جهاد من حياتي وانسى
حرامات دموعي الي بجيتها وحزني

واعتكافي عن الناس
يجازيني ويخطب صديقتي .. يعني
هوة مصدك انو انفصلنه يعني هوة جان منتضر

حجه ...... حسافه صدك حسافه سنه من عمري
ويا شخص خاين ..

وصلت يم ياسر ..
ياسر : ولج هاي صديقتج العروس كلش حلوة
هيام : ههه با استهزاء . اي اتخبل
ياسر : ولج هيام دشوفيلي وحده من صاحباتج حليوه
وزوجيني ...

هيام : يوم عيد اخلص منك وازوجك بس كون وحده
تستاهل ..

التهيت ويا صديقاتي وضحك وسالف واحس
كلبي بردت اتجاه جهاد ونسيت كلشي

وجابوو اكل واكلنه وياسر مخلصها يضحك
ويتغزل بالبنات .. كملت الحفله .. ..
احس داخلي محطم وماعرف افسر خيبتي
وسؤالي الوحيد ليش ليش

يعني بدون اي تبرير مني هيج يسوي
حاولت اتجهال كلشي واعيش النفسي

ردنه نرجع للبيت ودك تلفوني باوعت
سراج . اكيد هسة يعرف اني وين

هيام : ياسر بس اطلع اشوية للحمام واشوف ضديقتي
واجي

ياسر : بسرعه ترة اتاخرنه وابوية كل شوية
يخابر يسال عنه ..

هيام : اوكي ما اتاخر ..
طلعت من القاعه ومشيت بالحديقه
كعدت ع مصطبه

حاولت اخذ نفس ريلاكس ريلاكس
هيام ..

هيام : الوو
سراج: رحتي للحفله مو
هيام : اي سراج رحت وباركت اله
سراج : رحتي وحدج
هيام : لا رحت ويا ياسر وهوة جوة ينتضرني
سراج : اخذ نفس وذب حسرة بيها الف عبرة
وشلونج هيام
هيام : الحمد الله زينه
سراج : شفتي خطيبته علمود هل شي ماردتج
ترحين واشوفيها ويحترك كلبج
هيام : اني اصلا ما عدت احس يا سراج
انخذلت وانكسرت وهوة الي جان يكول
ماعوفج بس الموت الي يبعدنه ..

سراج : بس اني اعرفج انتي اقوة
من انو يكسرج هيج شي انتي شجاعه
وتواجهين ومحد يكدر يخذلج ويكسرج

انتي هيام القوية الي مراح تنكسر وراح اتكمل
حساتها وتتخرج وراح تلتقي بشخص
يستحق التعب وكلشي ماريدج تتاذين

انتي صديقتي الغاليه ديري بالج ع نفسج
وكلامي خلي ترجيه با اذنج محد يكدر ايكسرج

بس اهلج البنت مايكسرها بس فقدان اهلها
وانشاءالله اشوفج بخير مع السلامه .. وسد الخط