# هيام قلبي

part 23

# هيام قلبي
# البارت 23
# الكاتبة نور
.... ... ....

چـانت امنيتي گبل نشعل بخور
ونگعد بفـيّ الشجر عـن الشمس
هسه تنـعه امنيتي لـو رايد تزور
والـنعاوي هناك هلـهولة عـرس
حتـه احلف الموته وعليهم ادور
ياهو مات سنين بس دفنو امس؟

علي جواد الركابي💜

نهاد ..
حبي ل منار .. ماله وصف ..
حبيتها .. عشقتها ... ادمنت عليها ...
ما احس يوصف الي بداخلي .. جبيتها للجنون
حبيتها مثل بنتي وحبيبتي وزوجتي ...

جنت ادعي ربي بكل صلاتي انو ما ياخذها مني
انو ماتبجي بيوم ولا تنقهر ... اتمنى ترتاح كل حياتها ..

قررت انو اخطبها و افض الموضوع صار
سنتين احبها والمشاكل مبعدته ...

انام واكعد هي بالي .. ما انساها
اتمنيت ابوسها ولو مرة وحده حته لو
ورة خطوبتنه .. اريد احضنها ..
وابقيها وياي ... اريدها ماتطلع مني يم كلبي.
اريد راسها علا صدري اريد اشكيلها همي
اريد اشكيلها اشكد شفت الم واتاذيت هل سنتين
غير بعدها عني والمرض .....

بس الحب نفسه .. شكد مر وكت بعدهن مشاعري مثل
اول مرة من شفتها بالشارع .. ومن جنت اراقبها

ومن جنت اتصل عليها ... هذا الحب يا ساده

......................

منار ...
اليوم جانت جمعه .. وكعدت متاخر .. وتغدينه
وكملنه جنت لابسه تراكسودي لون احمر
ورافعه البجامه وشعري كووشه شكبرها ..

ولابسه نعال ياسر وطبعت بالطرمه الساعه ب٤
العصر اريد انضفها ..
غسلتها ونضفتها واني اغني ..
حايرررة والشوكك بين عيووونج ..

خايييفه تحبين ويلومونج ...

جنت مندمجه جان تندك الباب ..
اني بيه طبع من تندك الباب اباوع من
جوة اذا عبايه او رجلين ابنيه افتح ..

واذا رجلين ولد لا اصيح امي
لو ياسر ..

باوعت هاي عبايه ..
يلا خل اروح افتح عبالي المجدايه ..

منار .. اجيييت اجيييت انتضروني ..
فتحت الباب وانصدم كدامي مرة جبيرة
واني اعرفها هاي ام نهاد ... بقيت ابلعم خرب
هذا حاله اشوفني بيها عمتي المستقبلية

منار : هلاهلا خاله تفضلي ..

ام نهاد : هلا يمه انتي منار ..

منار : هه اي خاله اني اتففضلي امي جوة ..
دخلتهم جوة وبسررعه رحت

منار : يمممه تعالي اجووي خطار ..

ام هيام : منو
منار : هاا يوم واني شمدريني روحي
وشوفيهم ..

ام هيام : زين زين .. روحي بدلي جنج
ذولة الي يكعدون بالتقاطع ..