# هيام قلبي

part 21

#هيام قلبي
#البارت 21
# الكاتبة نور ..

عـودَتـنـي الـظـلـمـة احـط روحـي گـمـر

وامـشـي اعـلـه طـولـي.!

ازهر كريم
.....

ياسر :
تذكرون البنيه الحلووة البريئه
بقت بالي من وكتها .. بس محاولت اتقرب الها
جنت اراقبها من بعيد من تروح للجامعه ومن ترجع

برائتها وخجلها واسلوبها كلش حلو طيبه وحلوة
ومؤدبة وهادئه .. حبيتها من بعيد ما ردت اتقرب الها

مرت فترة واجت العطله
ما جنت اشوفها دائما بس اني راقبت بيتهم
وجنت اعرف هي اخت ساهر ابو الاسواق

رجعت من الشغل .. وفتت جوة لكيت امي
وابوية ومنار وهيام كاعدين يتغدون ..

ياسر : سلام عليكم اهلي
الجميع : وعليكم السلام
ابو هيام : كوة ياسر تعال اتغده
ياسر: كوة حيلك بوية

كعدت اكل وياهم ونحجي ونسولف ..

ابو هيام : هيام كومي صبيلنه الجاي ..

هيام : صار بابه
كمت صبيت الجاي واجيت اقدم الهم
وكعدت وهم يشربون اجت رساله التلفوني
فتحتها من ياسر

ياسر : شوفي هيام راح احجي ويا اهلي
علمود موضوع واريدج اساعديني وشنو اكول
اتكولين اي صح اووكي ولاتباعين عليه من تقرين الرساله اوكي

هيام : ضحكت .. وقررت اسوي مثل ميريد
خطيه خل نشوف شنو الموضوع واساعده بي

ياسر : احمم احممم احممم
وغص وبقه يكح قبل لا يحجي

هيام : ههههه لك بعدك محاجي وهيج

ياسر : اهلي الاعزاء اخواتي الابرياء
امي نبع الحنان ابوية العلم العراقي ..

جايك.. واريدكم اتسندوني .. جايكم وانه
متاكد ماتردوني مو من شيم الكرام يردون الفقير و المعصوم ..

ياسر : يابه اليوم جايكم بموضوع

ابو هيام : خير ابني شنو احجي

ام هيام : اكثد مسويلك مصيبه ها ولك
كاتل واحد لو صاير
هيام : على كيفكم ويا مامه شنو كاتل
واحد هوه مجرم بس يريد يفاتحكم بموضوع
يلا ياسر احجي

ياسر : يمه اويد ازوج ً. حجاها بكل سرعته

ام هيام : اخًةلبي واني عبالي مسويلك مصيبه
ماتحجي صار ساعه كاعد كدامنه احجي صخم
احس ريجي نشف

كلت مسويله مكسوره وخايف

ابو هيام : بويه اذا هيج السالفه
ماحجيتها من البدايه شبيك عبالك واحد
ماكل سمج وغاص كون وجعت جدي يالاغم