# هيام قلبي

part 35

  # هيام قلبي
# الكاتبة. نـٰ̲ـہوٰرٰ َ،'💜ֆ
# البارت 35
.....لا هي كسرة گلب و العآذره اظنونك
و لا هي دمعة چذب و الگآهه بـ عيونك
المشكله الحَبتك
وَشَل ضوآهه لچن ما تعرف إتخونك

#لـ نآجح الجبوري

.....

  زمن ... 
طلعت من يم منار واني اضحك عليها
من الخجل فضلت نفسها عابتلها ...

دخلت للغرفه لبست سيت نوم لون بيجي
ستن ساده وبي فتحه
وسرحت شعري  و كعدت انتضر ياسر كلش
ك

لش مشتاقتله ...

سمعت صوته اجه .. بسرعه باوعت اخر مرة على
نفسي بالمرايه
والتفت انفتح الباب ..
دخل وهوة يخلي العلاكه على الميز
ما انتبهلي  بعدين شافني انصدم

ياسر : هاييي شنو شوكت اجيتي
مشتاقلج
زمن: ركضت عليه وحضنته
اليوم ويا اهلي شلون حبيبي
حاضنته وراسي على صدرة اسمع دكاته
رفعت راسي وصارت عيوني بعيونه

ياسر: بعد مترحين الاهلج ولج مشتاقلج
تقربت منها واني ابوسها بشفايقها
من كد ما مشتاقلها خنكتها بالبوسة

وخرت واني اتنفس سريع
وكصتي على كصتها

زمن: بين لحظات اشتياقنه .. طفت
الكهرباء ... وصارت ضلمه

ياسر: طفت انزل اشوفها
زمن: اي وانطيني تلفونك اريد ادخل للحمام
تلفوني مخلص شحن

ياسر : على الميز اخذي
اخذت التلفون ودخلت للحمام خليت
التلفون على الرف ... ومشغله الفلاش
كملت واشتغلت الكهرباء ...
وكفت اغسل .. واسمع صوت اشعارات
من برنامج الفايبر .. من تلفون ياسر
بس ركع يعني ربكني
بسرعه غسلت ونشفت
ايدي  مديت ايدي واخذت التلفون فتحته
جان مابي رمز ...
فتحت الرسائل  جانو من رقم بنيه
فتحتهن صور مال بنيه ..
بس اكثر من صورة .. هواية
انصدمت هاي منين وهاي البنيه منو ...
دخلت على الاسم مكتوب
مال الفايبر مال رقمها ..
مكتوب (رزان ) ..
ايدي رجفت بس الله ذب عليه
قوه مو طبيعيه
وعرفت اكو خيانه بالموضوع  ..
بس قويت نفسي وطلعت
والتفون بيدي .. لكيته كاعد على الجربايه
مبين ناسي الموضوع ...
تقربت اله بهدوء وجمود مو طبيعي

ياسر: تاخرتي حبيبتي صار ربع ساعه من
حولت الكهرباء

زمن :  ياسر شنو هاي ..
مديت التلفون  اله ... حسيته انصدم
وميعرف شنو يسوي او يحجي

ياسر  : باعي حبيبتي بس خل افهمج
لا تفهمين غلط

زمن: اوكي فهمني هاي شنو ..
وهاي كعدت اشرحلي ...

ياسر : هاي مرة اجتني للمحل
وبقت بين فترة وفترة اجيبلي اكل
او حلويات  ..
وبعدين ماخذه رقمي من صديقي
وتراسل وادز صور بس اني مجاهلها
صدكيني وشوفي حته ماكو رسائل بيناتنه