#هيام قلبي
#بارت 30
#الكاتبة نور
.......
بيرغ فوك امام اعليه هيج تلوك
لا تصبح جنح وي كل بشر تفتر
جكاره تحب جكاره ثنينهم ميتين
خيط ابره وطحت بفتوك ماتنزر
يجنك ماي عاشر تجفي بس اوياي
مگص وانت الكدتني عللهجر مضطر
💜🍂
لـــ حسين خالد
.........
منار ...
كاعده مثل كل مرة ادرس كيماء ..
ومسطورة الفصل الثامن ..
شعلني شعل كفرني اوووف ...
شنو السادس طيح حضي لو
كاعده وساكته ورايحه ادبي احسن
الي تورطت بي
اندكت باب غرفتي
كلت بضجر ... اتفضل ..
دخلت هيام وبيدها علاكه ...
ودخلت ركض وسدت الباب ...
انتجت على الباب تتنفس سريع
ومتوترة حجيت بهدوء
منار : شبيج لازم مسويتلج مصيبه
هيام : انجبي اول شي كولي الله يساعدج
منار : الله يساعدج جايه من الجبهة
هيام : لججج منار منار ...احجي واني اكمز
ولججج لو تدرين شصار لو تدرين شصار
منار : لج اسكتي شويه هيدي شبيج
من دخلتي الهسة تكمزين وتفترين على راسي
هيام : تدرين مو صوجج صوج
المطي الي اجه يريد يشاركج فرحته
عفتها وردت اطلع
منار : يلا اذا كملتي خربطه
تعالي سولفيلي
هيام: هي حجت هيج واني
ركضت وكمزت على الجربايه ...
وهي تضحك
شوفي منورة اول شي
اكعدي عدل وتربعي
منار : خوووش خوووش تربعت
غير تحجين مو موتيني
هيام : جهاد ...
منار : قاطعتها ... شبيييي الازرك
هيام: لجج انجبي ازرك شنو ترحين
فدوة الطولة ...
وركبته وريحته .. يماااااا يرد الروح
منار : بمللل خووش كملي
هيام : اليوم .................... واني قبلت
منار : صدك ولجججج هههههه
لججج حقج والله حقج مثل الخبله
طلع السبب يستاهل ...
هيام: لججج منار احبه احبه ...
اتمنى كلشي ينحل ونرجع مثل قبل
وبدون مشاكل وبدون كلشي
اني اصلا نسيت كلشي
ماكو انسان ما يخطأ
وكل الناس تمر بتجارب ...
بس تعرفين منار .. صدك حسيته يحبني
لو تشوفين كلبي شلون يرجف من الفرح..
الحب حلووو منار .. بس حلو من يكون
بدون مشاكل بدون مصايب ...
بدون لا تجيك سالفه تايهة
تخرب الاول والتالي
منار : جانت تحجي هيام واني
بالي راح يم حبيبي
يم كليبي
يم نهاد الحب الي عذبني
واذاني الحل الي بقه منه بس جروح
تنحسب على الاصابع الايام
الحلوه الي عشناها سوة
هذا الحب الي ياذي صاحبه
هذا الذكريات الي ما تنسي
وهذا الجرح الي ميطيب ...
هذا الحب .،،،،،..
أنت تقرأ
# هيام قلبي
Чиклит#الكاتبه ✎ نـور𓅛 . ساهر: مراح اعوفج ... تقربت عليها اكثر .. وايدها بايدي مثل الثلج... وترجف .... منار .. خايفه ودموعي بعيوني .. حجيت بخوف انت مو تحبني عوفني حباب .... ساهر: ما تحملت كلامها .... رفعت راسي صارت عيوني بعيونها .... واني اتصنع ال...
