# هيام قلبي

part 25

#هيام قلبي...
#الكاتبه نور
#البارت 25
..............
آحسك مٰالتيٰ مـَو مآلت أحد ،
موٰ واحـَد بحياتيٰ أعتبٰرك شگـَد♥️.

نهاد ..

موافقه اهل منار على الخطبه جان شي بالنسبه
الي شبه مستحيل توقعت اصير عراقيل او مشاكل
تفرق بيناتنه بس

الظاهر القدر جان يريد يجمعنه ...

كاعد وصافن على حياتي الي بدت تمشي
بعد يومين العقد مالتي اني ومنار وهذا
الشي بالنسبه الي يوم احلامي

كاعد برة على دجه الباب وفات من يمي
صديقي قاسم

قاسم : هاا ابو الشباب اشلونك شخبارك

نهاد : بخير تعال اكعد

قاسم : شنو ماشنو الاخبار الاوضاع

نهاد: ماكو شي والله

قاسم : شخبارك ويا الحب

نهاد : رجعتلي وبعد كم يوم خطبتنه انشاءالله

قاسم : الف مبروك خووويه الله
جازاك على التعب مالتك

نهاد: الله يبارك بيك
قاسم : شكد صبرت واتعذبت هم زين
بلاخير راح تاخذ الي تريدها ...

نهاد : ايييي اييي صح كلامك .. ضرب
على صدرة بس محد يدري بالمضموم
محد يدري بالي بداخلي ....

محد يدري بالسر الضامه عن الناس كلها
محد يدري بقهري وحزني واللامي

هيام : كاعده وصافنه بحياتي
مابيها شي جديد روتين ممل
اكل ونوم وشرب وسوالف

مابيها احداث ..
ماكدرت انسى جهاد ولا كدرت انسى ايامنه سوة
بس القدر اله حكمه
بس تعودت على حياتي بدون جهاد
واهلي مكفين وموفين مو بحاجه
شخص بحياتي ...

جهاد : ماكدرت احب سارة ابد شكد
حاولت مكدرت احس روحي وبالي وعقلي
كله يم هيام ...
لكن تجري الرياح بما لا تشتهي السفن

ساهر ..

احبج واحب طولج اول بنيه
بحياتي حبيتج ماكدر انساج ولا اكدر اتخيل
بعيدة عني حبيتج
على فطرتج ماجنت عندي نيه سوء اتجاهج

.. اكتب بالرساله وافرغ همي والي بكلبي الحزن
الي اني بي مستحيل احد يحس ولو شعرايه
متاذي متاذي وصعب اكول الها

اذا جانت هي تريده بس ماترديني شبيدي لو
اعرف هي تحبني
ما انتضر دقيقه واروح اخطبها من اهلها لكن الاقدار
والقسمه مو من نصيبي ...
صعب حيل من اشوف الي تحبها كدامك
والغيرك . سنه اوكثر اني احلم بيها
تالي مو الي ههه دوم الحب
من طرف واحد ما ينجح ..

...........

منار ...
الووو وينك نهاد صار ساعه اخابر
نهاد : حبيبتي جنت بالشغل يعني وين
منار : حبي بعد يومين العقد مالتنه
نهاد : ادري بعد يومين بس احنه مراح انسوي حفله
مجرد عقد وبس ...