# هيام قلبي
#البارت الرابع
# الكاتبه: نور
....................
في الايام يدخل حياتي شخص
لاعرفه لكن سوف يكون كل كل شي
الحب والعشق والاخ والام والابن
هذا الحب الي احجي عنه الي يسحرنه
الي ينسينه همومنه وينسينه ايامنه وكل ذكريات
لكن لا ننسى ان الذكريات تهوى الرجوع
.... بقلمي ɴᴏᴏʀ💛📒 ؛ ...
هيام ...
اني بالسيارة وصلني مسج
( ما اجمل شعرك واعيونكي وانتي تنتضرين
وتبحثين عن الشخص الذي يراقبك بادق تفاصيلك
وماجمل الاسود عليك يا انثى قلبي )
لا اراديا لمن قريت المسج رفعت راسي ردت اعرف هذا جهاد لو لا لان ماكو شخص يكدر يعرف هيج اشياء عني اتوترت كلش وانقهرت يا ترة منو هذا الي يسوي هيج
وصلت للجامعه ردت انزل وكفني صوت جهاد
جهاد : هيامي
هيام :عفوا اسمي هيام ممكن تناديني بي
جهاد :بس حبيت اعتذرلج عن اذيتي الج
والكلام الجارح الي حجيته بس اتمنى تحسين
بيه جنت واصل مرحله عاليه من الغيرة
هيام : انت صاحي لو لا ؟
غيرة شنو اني اعرفك تعرفني ؟
بيناتنه شي ؟
لا اذا لاتحجي وياي بهل طريقه انت مجرد ابو
خط بالنسبه الي
جهاد :
كلامها مثل الملح ع الجرح
عمري ماتوقعت هيج راح انصد من بنيه مو
غرور بس لان اني حبيتها توقعت عدها ولو قليل مشاعر اتجاهي ماعرف شنو اكول وشنو احجي بس بسرعه شخطت السيارة ودخت بالي صاير وياي
بس هوة صوجي اني حبيت وحده متستاهل
ساعه الومها وساعه الوم كلبي الحبها
طلعت بالطريق السريع ومشغل اغنيه
احس كلماتها دخلن الكلبي ....
ماريد باجر يجي ...
باجر حبيبي يروح ....
ياربي كبل الصبح ....
موتني واخذ الروح ....
اوووف وكفت السيارة ع الرصيف
ونزلت
احس خشمي طك دم مسحته وغسلت
خابرت اخوي محمد
جهاد :الووو
محمد :الو جهاد شكو
جهاد :تكدر تجيني للعنوان ......
محمد :ليش شكو وين سيارتك
جهاد :ماكدر احجيلك بس اني تعبان
تعال اخذني انتضرك بسرعه كاعد ع الرصيف
محمد :باي جايك اني ما اتاخر مسافه الطريق
جهاد :سديته من محمد ورجعت راسي ع التيل الي وراي وغمضت عيني حسيت ايد انمدت ع راسي
رقعت وشفت طفله ما شاء الله ع جمالها
عيونها زرك والوجه اسمر وضعيفه وكلش حلوة ونضيفه
يعني اول مرة اشوف هيج جمال كعدت يمي تبجي
جهاد : شبيج حبيبتي منو وياج
منو مضوجج اشعل اهله شنو اسمج
مريم :اسمي مريم انت هم ضايج وتبجي
لان ابوك مو هنانه اني بابه ماكو ضايع
جهاد :انقهرت عليها اجيت يمها حبيبتي
لاتبجين اني اوديج الابوج يا عمري انتي
هوة وين جان كاعد
مريم : مادري
جهاد : عندج رقمه حبيبتي
مريم : برطمت شفايفها مادري
جهاد :انقهرت عليها ودنمت ابوسها
واني كاعد يمها اجه رجال يركض اليه
خوووية خووية هاي بنتي
أنت تقرأ
# هيام قلبي
Chick-Lit#الكاتبه ✎ نـور𓅛 . ساهر: مراح اعوفج ... تقربت عليها اكثر .. وايدها بايدي مثل الثلج... وترجف .... منار .. خايفه ودموعي بعيوني .. حجيت بخوف انت مو تحبني عوفني حباب .... ساهر: ما تحملت كلامها .... رفعت راسي صارت عيوني بعيونها .... واني اتصنع ال...
