#هيام قلبي
#البارت 31
# الكاتبة نور
........
ماگلتلي من البدايه!!
الحب ضلاله ..
الشوگ لعنه...
حته لاأكفر وأحبك ...
وماگلتلي!!
عيونك الحلوات
مابيهن قرار!!!
وماگلتلي!!
الليل شيّع كل محطات الضوه
وصارت مگابر
حته ماتاني القطار....
وليش ترسمني شبابيچ إنتظار
وتخنگ خيوط الشمس....
ويذوب وي روحي الوعد...
وليش تصلبني عله بابك؟؟
وأنت تدري الشمس ماتت!!....
ماگلتلي الصبح مايطلع بعد؟
...
هيام .. اباوع واشوف فرحه العرسان
ياربي ارزقها لكل شخص اباله محبوب
واسعدهم يا ربي لا تحرم ثنين يحبون ...
طبعا احجي هيج علمود يجمعني ويا جهاد ...
ههههه لالا دا اشاقه كبر عود اني مثل البنات
هم ادعي وكذا ....
رجعتتت جنت كلش تعبانه فتت للغرفتي
وذبيت نفسي على الفراش
واني صافنه وافكر وافكر ...
دك تلفوني .. جهاد ...
رديت ..الووو
جهاد : هلا بحياتي شلونج
هيام: زينه حبيبي انت شلونك
جهاد : مشتاقلجج هوايييي
هيام : شكد يعني هواية ..
جهاد: بكد حبج الي با اضعاف ...
هيام : هههههه .. اهنا صدك غلبتني
جهاد: اوووف اروح فدوة الضحكتج
صدك من اسمعج تضحكين حياتي تضحكلي
هيام : اممم
جهاد: هيام ... انتي تعنيلي هواية
املي بيج جبير وبحبي اللج
احبج حيلل لدرجه نفسي متعلق بيج
هيام .. جان يحجي كلامه واحس بداخلي
نفس الاحساس الاول الي ...
هيام: جهاد ..
جهاد : عيون جهاد
هيام: لا تعوفني ما اريد يجي يوم وتعوفني
جهاد : عسانيي متت قبل هيج يوم ...
هيام: يلا اروح انام تعبانه .. باجر نحجي
حبيبي
جهاد: حياتي ... ديري بالج على نفسج
هيام: وانت هم ...
........
منار ... بيوم العرس رحت للقاعه ... جنت خايفه
ومتوترة حيل .. بس مجبورة اروح
ميصير اخرب فرحت اخوية
وهوة بس هذا اخوية ...
لبست فستان لون وردي فاتح طويل ولبست
كعب لون فضي ...
وخليت مكياج .. فاتح ورفعت شعري تسريحه
راخيه ... وخليت ماشات كرستال ...
ولبست سنسال ناعم وبي
بنيه عدها اجناحات من كرستال كلش حلوة
جان شكلي كلش نازك ومرتب ...
طلعنه من بيتنه ... وبدت الحفله وتونست
وراح قلقي ولان ساهر ماكو
اخذت راحتي وتونست ...
رجعت للبييت ...
فتتت الغرفتي بدلت وسبحت .. لبست
بجامه نوم .. بس مو نعسانه
كعدت اتصفح على الانستا ...
شفت مقطع عجبني ... من اغنيه ..
انت طيري ...
جان كلش حلوو .. عود بنيه تركض على
ولد ويحضنها ويفرها والدنيه تمطر
ومركبين عليها الاغنيه ..
كلش عجبتني اخذت المقطع .. وخليته
ستوري انستا ...
وغفييت ....
أنت تقرأ
# هيام قلبي
ChickLit#الكاتبه ✎ نـور𓅛 . ساهر: مراح اعوفج ... تقربت عليها اكثر .. وايدها بايدي مثل الثلج... وترجف .... منار .. خايفه ودموعي بعيوني .. حجيت بخوف انت مو تحبني عوفني حباب .... ساهر: ما تحملت كلامها .... رفعت راسي صارت عيوني بعيونها .... واني اتصنع ال...
