_
_
عشـَق فـي بِـلاد حُـروُبِـها لا تنتهــي 3
{ #جبــــار }
.
.
.
في الحلقة السابقة
نورمسحت دموعها وقالت :وجبار كيف ولا
اكرام :بعد ماخلاص فقدو امل انه يلقو مكانه تنازل جدي علي الارض وعطاهالهم مقابل جبار وخداه
نور :ومرت عمي ماخدوش جتتها
هزت اكرام راسها :لا وماحد يعرف حتي وين مدفونه عمي وجدي رفضو انه يعرفوعليها حتي حاجه
نور :وجبار ماسألش علي امه
هنيده :ياناري عليه قلب الدنيا عليها
ايه :امالا لما روح منهم حالته تقطع القلب ماما قالتنا
اكرام :ماما حكتنا عليه لما روحو بيه بس قالتنا قعد سنه كامله مايتكلمش ومايطلعش حتي للمدرسه وقف منها وبعدها بدي عايش مع جدي وطول يومه معاه ، وبدي كلامه شويه ومايتعاملش مع عمي المهدي بكل
ايه :تعرفي مرات نحس فيه يكره عمي هلبااااااا
نور :كان من زيه ننفيه من حياتي بكل ولا نعتبره بوي
اكرم تنهدت :وهدي القصه من ولد عمره 15 سنه انخطف ببرائته روح مسلوب منها وكبر بحقد
نور كملت :وولا مجرم
سكتو لبنات وماردوش وقعدو ساكتين لين حسو بحركه ورا السور ، تلفتو هما الاربعه بخلعه
هنيده :فيه حد حسه
وقفو لبنات ونور هزت راسها وهيا تشبحلهم :لالا اكيد قطو...
وهيا قعده ماكملتش كلمتها عيطو لبنات مع بعضهم بالقوه......
قراءة ممتعة 💛
البـــ{الثـــالت}ـــارت
.
.
واول ماتلفتت نور شافت شاب رافع سلاحه عليهم وصوت الرصاص لبدي يعلا من الجيها التانيه عيطو لبنات ونور نزلت لوطه وهيا تسكر في ودانها وتسمع في الشاب يهدد :سكرو فمكم واللي بتتحرك رصاصـ...
وقبل مايكملها جاته رصاصه بين عيونه طاح في ارضه ميت قدام نور اللي اول مافتحت عيونا وشافاته عيطت وهيا توخر التالي لين طاحت لوطه وهيا تشبحله بخوف ورعب وماركزتش في جبـار لنقز من بلكونته وهوا يصيح علي لبنات :انتلفو جوا بسرررررعه
وقرب من نور جبدها من يدها ولحقها بالبنات لخشو للمظبخ وسكر عليهم وهوا يسحب في سلاحه ومشي لاد من ورا الحوش....
.
.
.
فوزيه :هدي اول مره واخر مره تطلعو لجنانات في الليل تبوتجيبولنا العار كان مش ستر الله وجبار راهو خدوكم انتم الاربعه واهو قلتها اني ماعاش نبي حد تطلع بعد المغرب لجنانات
وقفت نور وصيحت من بين دموعها :هدا حبس يتسمه حبس اني ماعاش نبي نقعد هني ماعاش نبي نعيش مع ناس مجرمه يقتلو في الناس بدم بارد
فوزيه شبحتلها من فوق لا لوطه وطلعت وسكرت عليها الباب ، قربت نور من الباب وضرباته بداها ورجلاها وهيا تصيح :مجرمين مجرررمين انتم ماعندكمش ضمير بسببكم بابا مات انتم دمرتونا دمرتو حياتنا نكرهكم اني نكرهكم
خشت فوزيه لصاله لكانو كلهم مقعمزين فيها
جلال عم جبار :هدي ناقصه ربايه الله يرحمه خوي عبدالمجيد طول عمره علي نياته حتي الربايه ماعرف يربي
المهدي :مانقدروش اللوموها من جيتهم ماشافو يوم باهي وهوا كله ضرب ورصاص حياة لمدينه مختلفه علي هني
فوزيه :صغيره وقعده تتربه
وشبحت لجبـار لمقعمز وهوا حاط يديه علي راسه ويشبح لوطه وكملت كلامها :وتو جبـار يعرف يربيها
شبح عمر لجبـار لرفع راسه لمرت جده ورجع نزله من غير مايرد
سليمان :ان شاءالله اول مامرت عبدالمجيد ترمي العده نقرو الفاتحه علي الاقل علي كلام الناس
المهدي:لا الأحسن توا البنت تخافها تهرب ولا دير حاجه الباين راسها كاسح
فوزيه :لا اديرها
المهدي :خلاص امالا نقروها اليومين هدم من غير هرجه لا مرجه صح وله ياصهيب
قعد جبـار ساكت وبين عيونه منظرها وهيا طايحه علي الارض تشبح لجثة الشاب لقتله والخوف باين بين عيونها لمعبيات دموع ورعب ، مسح وجهه بديه الزوز ووقف :هاا كلام عمي سليمان الاصح بعد ترمي العده ساهل
المهدي :لكـ...
قص جبار عليه لكلام وقال :غير هكي مايصير
وقبـل مايركب قال :واسمي جبـار جبــار
وركب وخلا بوه ليشبحله لين ركب .....
.
.
.
تــاني يوم
لوحت رنيم التليفون علي السرير وهيا تشد في راسها :علاااش مايودوش علاااش علاااش
وتلفتت لرعد لخش وهوا مضيق عيونه :خيرك
تنهدت رنيم وقعمزت علي السرير وقالت بعيون مليانه دموع :اني خايفه علي نور هما اكيد ح يزوجوها لهدا جبار ولا شن اسمه بالغصب ياوبي واني مابيدي حيلا
رعد قرب وقعمز قدامها :وربي لو ماولد عمها ره خديتها وماخليت كلب فيهم يقربها وانتي عارفه لكن مانقدرش ندخل هدو عمامكم وولاد عمامكم
رنيم :عاوفه بس ياويت قعدت معاها ياويت ماسيبتها
رعد تحمحم ومسح علي لحيته وناض قعمز جنبها علي السرير وهيا تلفتتله وقالت :رعد عادي غدوه توفعني والله قلبي عندها
هز رعد راسه طول وقال :لا ماعاش تحلمي اردك ليهم خلاص حاولي معاها في التليفون لكن مشي تاني غادي لا
ضيقت رنيم عيونها :وعلاش
رعد :هكي
انفعلت رنيم ووقفت وقالت بعصبيه :كيف هكي كيف اه انت ماتقدوش تحومني من عيلتي يارعد هدي اختي وماحد قعدلي في الدنيا غيوها
رعد صيح :ماتعانديش امي يارنين مانبيش نتفجر عليك انم
وطلع من الدار وقربع عليها الباب وخلاها تحط في يداها علي وجها وتبكي ....
.
.
.
زمطت اكرام ريقها وقالت :انتي شفتي شن صار امس قريب مشينا فيها وبالرغم ماخصنا في شي قعدو يكشخو كان توا شدوك والله لما يقتلونا كلنا
فتحت نورالدولاب وهيا اطلع في العبايه :متع مني
هنيده :متع مرت جدي
اكرام :نور
لوحتها نور في دولاب وسكراته :صنتها افيه معفنه مرت جدكم
زادت اكرام صيحت :نوووور
تلفتتلها نور :اقعدو انتم كان بتقعدو بس اني طالعه لانه لو قعدت دقيقه تانيه في هدا الحبس لمن غير دين لا قبله ح ينقطع عليا النفس ونموت
هنيده :والله كان يشدوك يقتلوك
نور رفعت كتافها بـ الامبالا :حتي اني ستاحشت ماما وبابا هلبااا
شبحو هنيده واكرام لبعض وهما ماعاش عارفين كيف يوقفوها علي اللي دير فيه
فتحت نور الباب وتلفتت لهنيده :بري شوفيلي الممر والمظبخ كان فاضيات بسرعه
نفخت هنيده وطلعت للممر والمظبخ للقتهم فاضيات جت وقفت في نص الممر واشرت لنور لتبيت من باب الدار واول ماشافت هنيده اشرتلها طلعت من الدار تجري للمطبخ وهيا تفتح في الباب وقبل ماتمشي شدتها اكرام وقالت:باللهي عليك ماتعطليش وماتخلي حد يشوفك وماتمشيش بعيد هلبا خليك قريبه واطلعي من الباب الخلفي
وطلعت اكرام راسها واشرتلها عليه :اهوا ادهوري في المصانع وولي
مشت نور وخلت هنيده لعجبت اكرام :ادهوري في المصانع وولي وقت ادهوير هوا تي كان يشدوها تروح في ستين دهيه وحني معاها يختي
نفخت اكرام :اووووف شن تبيني ندير شوفتي بعيونك كيف راسها مسكر
هنيده :تعالي نمشو لدار نديرو روحنا راقدين تعالي
أنت تقرأ
عشق في بلاد حروبها لا تنتهي 3 (جبار)
Actionلا تُحــدتَّني عن العشــق ، فَـ أنا في بِــلاد فـي إِحدا بُنُــود دستُــرِها حرمته🤚🏻💔 . روايــة عشـق في بـلاد حُروُبـها لا تنتــهي تعود بـ جزئها الثـ( 3 )ـالت ، وبـ محتوه قـوي ، و بـ قـصـة عشق حقيقيه من واقعـنا المألم 💛 #كتابة_الياقوت
