عشق في بلاد حروبها لا تنتهي 3 (جبار)

البـــ{الــرابع عشـر}ـــارت

_
_
عشـَق فـي بِـلاد حُـروُبِـها لا تنتهــي 3
{ #جبــــار }
.
.
في الحلقة السابقة
نور :لا مش راجلي لما نوافق عليك في وقتها تكون راجلي وفي الشرع والسنه لما البنت مش موافقه او يقرو الفاتحه من غير علمها يكون الزواج باطل
قرب جبـار منها ببتسامه ومن غير وعي منها او حتي منه تقريبا وباسها علي خشمها بـخفه وبعد وقال :وراسك ها وراسك نعودو نتزوجو من اول وجديد وشن فيها
دفاته نور من عليها بس طول رجعت لفت يداها علي روحها قبل ماالفوطه اطيح وقالت بعصبيه و بـ توتر اكتر في نفس الوقت :انت انت كيف تتجراء وتقرب مني اه
تنهد جبـار ووقف وقال وهوا يتلفت :اعتبريها من لي في الصوره
وتلفت شبحلها كيف نفكت عقدت حواجبها بينما هوا ردت العقده لي بين حواجبه بـ احساس نار في صدره علي ملامحها لتهايئتله انه تقبلت الاعتبار ورجع شبح قدامه وقرب من الدولاب لفتحه خدي حوايجه وخش للحمام وقربع الباب بقوة قوته لين نخلعت نور لضيقت عيونها وهيا ترفع في يدها وتمس في خشمها وتاخد في نفسها اللي قعد ملوث بـ ريحته لحتلت كل اكسجينها .

براءة ممتعة 💛
البـــ{الــرابع عشـر}ـــارت
.
.
حـِـنَ أنظُــر إليــك ، ينتــابني شُعُــر الثـوبه
.
.
تـــاني يوم ...
رعد مد يده وجبد رنيم وقعمزها في حضنه وقال :ياسر دموع وزيدي حاولي مرات مدايراته صامت ولا مش لاهيه بيه
تنهدت رنيم ومسحد دمعاتها لسالت بشوق علي اختها ، ورفعت التليفون وتصلت وهيا تحط في التليفون علي ودنها وتشبح لرعد وقالت :ان شاءالله تود
بتسم رعد وقرب باسها علي خدها:بأذن الله ترد
بتسمت رنيم وهيا تشبحله وفي خاطرها ، لو مش وجودك جنبي ره كات اكيد هبلت علي فراق اختي ، وفي نص تفكيرها انفتح الخط وجاها صوت جبـار:اها
وقفت رنيم بتوثر وقالت :نور
جبـار نزل من السياره لسكرها وخش للحوش:ها دقيقه ونعطيهالك
رنيم شبحت لرعد وقالت :تمام
رعد ضيق عيونه :شني
رنيم نزلت التليفون لغمت السماعه بـ يدها وقالت :ود ولد عمي قال دقيقه ويعطيهالي
رعد:قتلك في الاخير بيردو
نفخت رنيم :واااه واخيوا
.
.
.
فتح جبـار باب الدار وهوا يخش ويرد في الباب ويشبح لسرير لكانت راقده عليه نور ، قرب وهوا يشبحلها كيف راقده بهدوء وبراحه ، رفع التليفون وقال :اها
رنيم طول ردت :نعم وينها
جبـار:ها هيا راقده بعدين نعطيها تكلمك
رنيم ضيقت عيونها مع ضيق قلبها وقالت :تمام بالله ماتنساش
جبـار :تم
سكر جبـار من رنيم وزاد قرب من نور ووقف عليها وهوا يشبحلها ، نزل يده وحوللها خصلات شعرها من علي وجها ونزل بـ يده لخدها الاحمر لين وصل لـ فمها لتحسس عليه بـ يده ، وبين سرحانه جاه شعور يحرق بين صدره شعور خاطف خلاه يفكر مرات مش هوا اول من يمس وجها مش هوا اول من يقرب منها للحد هدا .
رجع قرن حواجبه وهوا يشبح فيها تتحرك وهيا تفتح في عيونها بشويه و بتعب اللي مالحقت تفتحهم زين ، وبين حلم و واقع حست بـ ريحته قريبه منها حست بيه هوا حست بـ شفايفه علي خدها وبهمس خفيف وصل لمسمعها:انتي مرتي ها
وباسها بـ خفه علي خدها وبعد وهوا يفتح في عيونه ويشبحلها كيف فتحت عيونها بتعب وشبحتله ومن غير ردت فعل شرسه كـ عادتها رجعت سكرتهم بكل هدوء ونعس ...
.
.
.
شبحت رنيم لـ رعد لرافع حواجبه :خيرك سكرتي
رنيم :قالي واقده تنوض نخليها تكلمك
شد رعد يدها ورجعها لحضنه وهوا يلف عليها في يديه ويحضن فيها ليه :خلاص اهو علي الاقل رتحتي شوي
حضناته رنيم وسكتت وهيا ادخل في راسها في صدره وتشم في ريحته اللي ولت تعشقها وقالت :رعد
بتسم رعد :عيونه
رفعت رنيم راسها قبال راسه وقالت ببتسامه رتسمت علي شفايفها :بنقولك حاجه
رعد هز راسه وقرب باسها علي خدها :قولي
رنيم بعداته وشدت راسه بين يديها:اممم هوا
رفع رعد حواجبه وضحك :هيا انطقي الجوهره
ضحكت رنيم وقبل ماتقول بـ تواني شرين تليفون رعد لقعد يشبح لـ رنيم لنفخت:واااااك مش وقته
رعد بتسم وزاد من لفت يديه علي خصرها :فوتيه وكملي هيا
هزت رنيم راسها :لالا نوض ود بعدين نقولك
نفخ رعد وبعد من رنيم وهوا ياخد في تليفونه من علي الطاوله واول ماشاف الماكلمه من خوه فـاتح وقف وهوا يخش لدار ويرد عليه :ايوه
فاتح :الو رعد وينك
رعد :في الديسكو نرقص ويني يعني انم
فاتح :باهي تعالا عندنا بضعه اليوم بتوصل تعالا معاي علاء مهناش
رعد ضيق عيونه :لا نجي لا تجيني قتلكم مليون مره المواضيع هدي طلعوني منها
فاتح رفع حاجبه :بتكسب يارعد وراها فلوس ره
رعد :ماعاش نبيهم لفلوس لحرام لبجو من السم الهاري انسوني اني انسوني وطلعوني من همكم واخر مره تتصل بيا علي مواضيع زي هادي يافاتح
وسكر في وجهه وهوا يحدف في تليفون علي السرير ويتنهد ، بين نظرات رنيم لكانت ورا الباب تتسمع عليه وأبتسامة الفخر علي مبسمها ، انه قعد وافي بـ وعده وافي انه حـ يعيشها من رزق حلال من عرق جبينه حـ يكون سند ومصدر فخر لصغاره مش مجرد صبي لتجار المخدرات يخزو منه الناس لمجرد سماع لقبه او اسمه .
.
.
.
سكر فاتح من رعد بغيظ وهوا يخبط في رجله في السياره وتلفت خش للعماره وركب بخطوات سريعه واول ماوصل لشقه وبيفتح فتحت ساجده الباب قبله ونخلعت بيه وقالت وهيا توخر التالي:واااه خلعتني
فاتح :وين طالعه
ساجده :ماما تم دواها نازله لصيدليه
فاتح:خشي تو نجيبهولها اني هاتي الروشيته
مدتله ساجده الروشيته وسكرت الباب وهيا تنفخ وتولي للمظبخ .
تلفتتلها حنين لضيقت عيونها :خيرك وليتي
ساجده :خوك فاتح الدراه قالي اني تو ننزل واااك كان خاطري نشوف اكرم
حنين :اعقلي ياساجده مره تانيه كان حد من خوتك يشوفك ماشيه محل التليفونات متعه يقطعك
نفخت ساجده :علي اساس هما قعدين مقطعين الشارع مايقعدوش الا لما يفتحو في فراشت السم الهاري لبيعو فيه
حتين :اني حدرتك وزودي كملي لغدي بنمشي نتصل بـ رنيم
ساجده :زعما بتجي لعرس السيفاو
حنين رفعت كتافها وتلفتت لساجده :مش عارفه بس ميه في الميه لا بوها ماليشي اربع شهور متوفي
ساجده :علي اساس هوا تو بصير منه تو قبل اسبوع العرس يتأجل زي كل مره
حنين :تفي من فمك ياكلبه ان شاءالله خير وربي يكمله وبعدين كل شي واتي الحمدالله وياسر تفتفيت وهيا حطي لغدي نمشي نتصل بـ رنيم ونجي
.
.
.
اتكت آيه علي حاشيه الباب وهيا تشبح لـ هنيده لدخلت سلة القطاطيس داخل الرف وتلفتتلها وقالت :لي من بنقول يعني لـ محمود
وضحكت بهزوه وفي خاطرها ، كان تعرفي يابنت عمي بلوته حتي هوا تنجلطي ، وركزت في آيه لقالت :والله كان يعرف عمي ولا بابا و حي حي كان يعرف جبـار غبااااره
هنيده وقفت وقربت من آيه وهيا تشبح لي يدها وتتحسس علي تخبيشت القطوسه ليها وقالت :اني خايفه كله تخلط عليا مؤيد ونسرين و...
وتنهدت وهيا ترفع في راسها اللي اول مارفعاته شبحت عمر لواقف ورا آيه، قعدت لتواني تشبحله لين عمر قص عليها نظراتها وقال وهوا مضيق عيونه لمحولهمش منها :هيا خشو الداخل
تلفتت آيه اول ماسمعت صوته ورجعت تلفتت لهنيده وقالت :هيا تعالي
قعد عمر يشبح لهنيده بـ ستفهام علي كلامها لسمعه لين ختفت من قدام عيونه ، سكر دار لخزين ولاد علي الحوش وطلع من الباب الخلفي لمشي للمصانع ، نزل للمصانع وهوا يطلع في تليفونه بـ يده المصابه اللي بدي يحرك فيها شوي شوي وفتح علي المكالمات الصادره وحط علي رقم مسجل بـ (القاسي) لي من اول تشرينه رد :ايواً ياقدع
بتسم عمر :شن الحال ياقاسينا
القاسي:نواااااره والله نوااره وشني حال عريسنا
عمر ضحك :يسلم عليك ههههه
القاسي:لالالا مانبيله سلام نبيله قصعة بزين بمناسبه العرس اللي من تحت لا تحت
عمر :هههه بالله من لقالك انت
القاسي ضحك بـ تسهويك:وهل يخفي عن القاسي حاجه تي برا غادي برا
عمر :هههههه تمام تمام شني مني امتي لبضعه توصل
القاسي:غدوه علي الساعه 4 الفجر لكن ياودي امس جيت شفت الظاهريه محاوطين المنطقه ويتحاوسو مع رجالكم ياخوفي توصل لبضعه يشدوها هما
عمر:لالا اني غدوه علي الساعه 1 الـ 2 نطلعلكم وندلكم علي طريق تانيه
القاسي:ميه ميه ياسي وسلمنا علي العريس
عمر ضحك :ههههه يوصل
.
.
.
فـي الليل ....
حطت نور يداها علي فمها وفي خاطرها ، اكيد نحلم ، ياربي شن هـ الحلم المقرف ، ومسحت علي خدها بـ يدها بـ القوه وبعدها ضيقت عيونها ، ريحته لكن شميتها صوته كأنه حقيقي وهدؤه لما قرب عليا وريحت نفسه تقول حق مش حلم ، وغمظت عيونها (....:انتي مرتي ها ) ، ورجعت فتحت عيونها اول ماطق الباب ونفتح وهيا تشبح في آيه وهنيده لدخلو روسهم وقالو ببتسامه مع بعض:نخشو
بتسمت نور :تعالو تعالو
خشو هنيده وايه ووراهم خشت الاء اللي وقفت قدام السرير وهيا تشبح لهنيده وآيه لقعمزو قبال نور لقالت :وين اكرام
آيه وهنيده شبحو لبعض ورجعو شبحو لـ نور ورفعو كتافهم .
هنيده:مش عارفه توا عمتي كريمه جت نادت عليها بروحها ابصر شن صاير
نور هزت راسها :كسدت بروحي خيركم هدا وين جيتوني
آيه:غدوه عندنا امتحان قعدنا نقرو وبعدين طلعت هدي لقطاطيسها المقرفات
هنيده ضربتها :يابارده ماعاش تقولي عليهم هكي
وناضت وهيا تشبح للبلكونه وللقطوسه اللي تماوي حطت يداها علي فمها وقربت منها :ياروحي جعانه مخلينك جعانه
نور:عينك عطيتها حليب وجبنا من تحت راسها حصلت هزيبه من السي السيد
ضحكت آية :احلفي هههه
نور :والله
هنيده نفخت:قوليله يطلعها ياسر ياناري عندها صغار يبوها
رفعت الاء حاجبها وتلفتت لنور لهزت راسها:حاضر وتو هوا يقولي من عيوني يانورتي ياحبيبت قلبي
ضحكت آية:ههههههه تخيلت جيـار يتكلم هكي
نور :اكيد مستحيل حتي في الخيال ماتجيش و نوضي وانتي لصقتي في المرش
نفخت هنيده ووقفت تلفتت للباب لنفتح واول ماخش جبـار وقفت آيه وقالت :هي حني طلعين
نور رفعت حاجبها:لا خليكم كساد بروحي
خش جبـار وقرب من دولابه من غير اي كلمه تحت نظرات الاء لمحولتش عيونها منه لين نور قعدت تشبحلها بـ تضيقت عيون لنتبهت عليهم هنيده لنخصت الاء وقالت :لالا تو غدوه نشوفوك باي توا
وجبدت الاء وطلعو وطلعت وراهم آيه لسكرت الباب وخلت نور لتنهدت بـ ملل وهيا تشبح لجبـار لخلا طيف همساته يرجعلها واول ماتلفت نزلت عيونها ونفخت .
قرب منها جبـار وهوا يطلع في التليفون من جيبه وقال:اختك اتصلت
رفعت نور عيونها طول بـ بتسامه وهيا توقف علي ركابها علي السرير:باللهي عليك خليني نكلمها
رص جبـار علي الاتصال علي رقم رنيم وقرب وقف قبال نور لقعده واقفه علي ركابها وتشبحله كيف مدلها التليفون لخداته بـ بتسامة فرح وشوق لأختها وحطاته في ودنها وهيا تقعمز وتراجي في رد رنيم لردت :نور
نور خدت نفسها :ستااااحشتك هلباااااا
رنيم :والله حتي اني تي وينك نتصل بيك ماتوديش
نور شبحت لجبـار لواقف يشبحلها وقالت :اهو رديت المهم شن حالك وشن حال رعد وشن مدايره
رنيم :الحمدالله كلنا طيبين انتي لي شن حالك
نور همت ببتسامه مزيفه لحس بيها جبـار لقعمز جنبها وهوا يطلع في تليفونه التاني لشرين ، ونور ردت :الحمدالله
رنيم بتسمت بـ فرح وهيا تسكر في الباب الدار :حقا نبي نقولك حاجه
نور ضيقت عيونها :اممم باه قولي
رنيم ضحكت:بتولي خاله
عيطت نور بضحكه بس اول ماتلفتلها جبـار سكتت وهيا تنزل من علي السرير وتقرب من قزاز البلكونه وترد :ههههه قولي والله
رنيم :والله والله ههههه حتي رعد ماقتلاش قلت نبيك انتي اول وحده تسمعي
نفخت نور:ياروحي ان شاءالله ربي يفرحك بيه واكيد رعد ح يطير من الفرحه اول ما يسمع هههه
رنيم حطت يدها علي بطنها:ايه نتخيل في ودت فعله بس مستحيل نتوقع لين نشوف هههههه
.
.
.
اكرام ضيقت عيونها وقالت :بس ياماما
كريمه:لا بس لا شي الناس غدوه بـ جو يشوفوك ومرات حتي الراجل يخش يشوفك مره وحده
اكرام قالت بـ خوف وبـ قلت حيله :باهي كان ماعجبنيش
كريمه شهقت:شن هوا بشكل الراجل مايعيبه شي الا جيبه وهدا جيبه معبي وحـ يعيشك احسن عيشه
اكرام :باه كان ماستريحتلاش
كريمه وقفت :لالا بأذن الله تستريحيله وبوك عاجبه الراجل هلبااااا ومادام عاجبه الا انه كويس ووليد ناس
وتلفتت وهيا تشبح في الاء لخشت وقالت :وين آيه
الاء:اهي جايه وراي
طلعت كريمه من دار لبنات ومشت طلعت من باب الحوش وهيا تشبح في آيه وهنيده لواقفين قدام الباب ومعاهم اسماء ، ضيقت كريمه عيونها :خيركم واقفين قدام الباب كان يشوفكم واحد من عمامكم حي عليكم حي
تلفتولها لبنات ، وقالت اسماء تبرير ليهم :اني موقفتهم نبي كان عندكم حبة بطن البنت رجاء متعبتها بطنها
كريمه :ايه عندي تعالو نعطيهالكم
هنيده وآيه لحقو كريمه لشدت آيه وقالت:خشي ياسر وحتي انتي ياهنيده مدي الحبه لمرت عمك وروحي طول
هزت هنيده راسها ومشت عطت حبة الراس لاسماء وطلعت من حوش جدها وهيا تفكر تمشي لدار لخزين ، وقفت بين حوشهم وحوش جدها وتفكر وماقص عليها الا خيال جاي من وراها خلاها تتلفت طول وهيا مخلوعه وشاده قلبها لدقاته زادو من الخوف .
عمر ضيق عيونه وزاد قرب منها :خلعتك
نفخت هنيده وهزت راسها بـ معني ايه وقالت بـ توثر تملكها :كـنت مروحه تصبح علي خيــ..
وسكتت اول ماركزت في عمر اللي قرب منها وشد يدها وقال:ماتبيش تشوفي قطاطيسك
زمطت هنيده ريقها وهزت راسه ببتسامه ، خلت الابتسامه تعلا علي مبسم عمر لزاد ضغط علي يدها بـ يده وقال:هي
مشو لدار وكانت هنيده طول الطريق حاسه روحها طايره في السماء مش تمشي علي الارض وعيونها في الارض ومره مره تشبح في يدها لشادها بـ يده واحساس غريب يحرق فيها في بطنها وفي قلبها احساس يضايق بس في نفس الوقت حلو هلبااا وماتحسش بيه الا معاه هوا .
فتح عمر الباب وتلفتلها:خشي بسرعه هي
خشت هنيده طول وقعمزت وهيا اطبس اطلع في سلة القطاطيس لاول ماشافوها قربو منها طول لين خلو بتسامتها تتحول لضحكه خدت لب قلب عمر اللي جبد الكرسي وقعمز يشبحلها .
وبعد صمت طويل قـال عمر :من نسرين
تلفتتله هنيده طول وهيا مصدومه من وين يعرفها وقالت :من هيا
عمر :اني نسأل فيك
هزت هنيده راسها ورجعت شبحت للقطوسه والتوتر والخوف بدي واضح علي ملامحها وصوتها لطلعاته :مانعرفش من هيا
عمر ضيق عيونه :هنيده
نفخت هنيده ودموعها ملو عيونها لقعدت منزلتهم لوطه وهمت بصوت واطي :نعم
عمر :ادوي
تنهدت هنيده وهيا مش قادره تكذب واصلا ماتعرفش تكذب في ابسط الامور مابالك في شي كبير زي هدا رفعت عيونها المليانات دموع في عمر لاول ماشاف دموعها ضيق عيونه .
هنيده:اني خايفه نقولك
عمر ناض من علي الكرسي وقرب قعمز لوطه قدامها وشد يداها بين يديه :ماتخافيش وقولي شن فيه
هنيده خدت نفسها وطلعاته عدت مرات  وقالت :في هلبا حاجات صايره
رفع عمر حاجبه وقعد ساكت يشبحلها يستني في الباقي ، رفعت هنيده راسها وشبحتله وكملت :الـ ـلي اللي
وسكتت وهيا تحط في يدها لترعش علي جبهتها بخوف تملك كل اعصابها وحركاتها.
عمر :هنيده ادوي
غمظت هنيده عيونها وقالت :محمود خوي هوا لضربك بـ السلاح
ورفعت عيونها لتغبشو بـ الدموعها لمسحتهم بـ عبت وكملت تحت صدمت عمر اللي رفع حواجبه مع نفسه لخداه :هدكا اليوم سمعته يدوي مع واحد
وسكتت وهيا تاخد نفسها لقطعه بكاها وكملت من بين بكاها لتعلا :يقـ يقوله انه يبو يقتلوكم انت وجبـ ار وبعدها شفته جايب سلاح للحوش
عمر وقف طول وهوا يضرب في الكرسي لطاح بـ رجله وصيح:الكلب
و مسح وجهه بـ يديه الزوز بـ توتر وغضب .
وقفت هنيده لقالت وهيا تمسح في دموعها :اني ماعرفتش لـ من بنقول خفت خفت ، وهوا هوا اكيد مش بـ وعيه خوي مش مجرم
زمط عمر ريقه وهوا يحاول يهداء قدامها وتلفتلها وقال :خلاص باهي وهيا بري خشي
قربت هنيده منه وشدت يده وقالت من بين دموعها :عمر باللهي ماديرش في خوي حاجه اني ، اني اني قتلك علي خاطر مانبيش يصيرلك شي مانبيشي يعودها بـ سهوه منكم
ورشفت دموعها وهيا ترفع في عيونها في عمر اللي قعد ساكت لخلا التوثر يزيد داخلها والخوف منه ، زادت قربت منه وقالت :عمر
نزل عمر عيونه الحمر من الغضب فيها من غير ولا كلمه ، وكملت هنيده من بين دموعها :بتقول لجبـار
تنهد عمر وقال :خشي توا
زادت هنيده ضغظت علي يده ورجعت قالت :عمر باللهي عليك ماتندمنيش انه قتلك باللهي عليك ماديرش في خوي حاجه
زاد عمر ضيق عيونه :كان بيقتلني وتبيني نسكت
تنهدت هنيده ونزلت راسها وحاوطت وجها بـيداها وهيا تحاول تتمالك روحها وتشد دموعها لنزلو بضيق وبـ خوف ، لخلا عمر يتنهد وهوا يمسح علي لحيته ويتحرك في مكانه بغضب وعصبيه كبتهم وهوا يرجع يتلفتلها ويرفع في يديه ويحوللها في يديها من علي وجها وهوا يحاوط فيه بـ يديه وقال :علي خاطرك بس علي خاطرك مش حـ نديرله شي يعيقه علي خاطرك ياهنيده
شدت هنيده يديه لـ علي وجها وهيا تشبحله :مش حـ تقول لجبـار
سكت عمر للحظه وهز راسه بـ لا باش يظمنها وهوا يمسحلها في دموعها بـحنيه منه ويدخللها في شعرها داخل الوشاح وهوا يصطنع في بتسامه علي وجهه عكس بركان الغضب اللي داخله اللي قطعه تقربيع الباب لخلاته ينزل في يديه من علي وجه هنيده لداها وهوا يشد فيهم ويتلفت لمحمود لقربع الباب وعيونه نـار من الغضب من المنظر لشافه .......
.
.
.
#يتبـــ(للبـــ14ــارت)ـــع
#اليـَاقُــوت
________________________________
بداء كتابة الرواية في تاريخ 20 / فبــــ2ٰــــراير / 2020
تم انهاء كتابة الرواية في تاريخ 31 / مــــ5ـــايو / 2020