عشق في بلاد حروبها لا تنتهي 3 (جبار)

البـــ{الــسادس عشـر}ـــارت

_
_
عشـَق فـي بِـلاد حُـروُبِـها لا تنتهــي 3
{ #جبــــار }
.
.
في الحلقة السابقة
حط جبـار الفوطه علي الكرسي وقرب فتح البلكونه اللي اول مافتحها خشت القطوسه لدار طول وخلت نور تعيط وهيا تجري تركب فوق الكرسي :وااااااه عليا
تلفت جبـار وهوا يرجع يخش ويشبح في نور لتصيح علي القطوسه :ولي ولي للبلكونه ولي ياعفريته ولي
وشبحت لجبـار وزادت صيحت :تي ردها ردها علاش فاتحلها النم
رفع جبـار حاجبه :النم ؟
وطبس شد القطوسه بين يديه وقرب منها لين نزلت نور وقعمزت علي الكرسي وهيا تتكمش في روحها :قصدي ياوليد
جبـار :وليد ؟
عيطت نور بتنقنيق :صهيب بعدهاااااا
وقف جبـار في مكانه وقعد يشبحلها كيف رفعت عيونها ونتبهت شن قالت وهيا ترجع تتكلم بسرعه :قصدي جبـار جبـار
جبـار تلفت وحط القطوسه في البلكونه وسكرها وهوا يرجع يتلفت لنور اللي تنهدت براحه ورفعت راسه فيه اول ماسمعت صوته :لسانك ها لسانك ياتنقصي منه ياينقص
رفعت نور حاجبها :لا والله
جبـار قرب خطوه منها :ها تبيني نوريك كيف نقص
زمطت نور ريقها وهيا تشبح لعيونه لمركزين علي فمها وقالت وهيا تبعد وتتلفت تاخد في حوايجها :لا
وخشت للحمام جري ....

قراءة ممتعة 💛
البـــ{الــسادس عشـر}ـــارت
.
.
فتح عمار باب غرفة المستشفي وخش وهوا يشبح في عبدالغفار وفوزي لمقعمزين جنب صلاح اللي مقعمز بهدوء عكس اعصابه الثايره وملامح وجهه المتعصبه .
وقف فوزي لطلع تليفونه من جيبه وقال :ارد ونجيكم
طلع فوزي وخلا عمار لقرب وقف علي صلاح وقال:شن حالك اليوم
صلاح شبح لـ يديه وقال :حالي وقف من هداكا اليوم ياعمي
شبح عمار لـ عبدالغفار لمسح علي وجهه بـ تنهيدت هم شايله علي ولده .
عمار شد صلاح من رجله وقال :ان شاءالله حقك ناخده حقك وحق ولاد عمك عبدالباسط الله يرحمه وريرحمهم ناخده من الكلب
صلاح:نبيه يموت قدام عيوني تي نبي الرصاصه اللي شلي بيهم حركة ايديا نشله بيهم حركة قلبه الـ... هوا وولاد عمامه ياعمي هوا وولاد عمامه لكلاب
وقف عبدالغفار وشد صلاح لتعصب وقال :اهداء ياولد هديء مش باهي ليك الاعصاب
شد صلاح علي سنونه وهوا يحاول يهداء ويهدي من تنفسه لتعلا من الغيظ والعصبيه والكره لحاس بيه داخله ، وهوا يشبح لعمار لقال :وراسك بـ حوشهم بـ نثاياتهم وذكورتهم بـ يدفعو الثمن وراسك ياولدي
وتلفت عمار للباب لنفتح وخش فوزي وهوا يقول :عمار تعالا شوي
تلفت عمار لعبد الغفار وقال :شوي تانيه بتجي عايده والبنات بـ شوفوه وانت روح بيهم ياخوي ورتاح شوي
عبدالغفار:تو يروح بيهم حسين اني قعد جنب صلاح
تنهد عمار من غير مايناقش وطلع ورا فوزي اللي سكر باب الغرفه وتلفت لعمار لقال وهوا يضرب فـ الحيط بـ رجله بـ عصبيه:الكلب الكلب والله كان ماطلعت لداره فينا من عيونه والله كان ماطلعته مايكونش اسمي عمار الظاهر
فوزي :بنطلعوه من عيونه ياخوي واليوم
مسح عمار وجهه بـ يديه بـ عصبيه وفوزي كمل :اليوم مدخلين تلاته شاحنات معبيات اسلحه مهربه لـ....... واكيد القاسي هوا لجايبهم
رفع عمار عيونه في فوزي لكمل وقال :واكيد عندك دوه مع القاسي ياما خادمين مع بعض كلمه ولعبله بـ عقله بـ بارتين وهوا عقله لفلوس وخلينا نقلبو العمليه علي روسهم
بتسم عمار بـ خبث وهوا يهز في راسه وطلع تليفونه من جيبه من غير اي كلمه....
.
.
.
شدت نور منيلية الباب وقعدت تحرك فيها وهيا ادف في الباب بـ القوه و بـ غيط وهيا تتلفت لأمنه لقالت من بين دموعها :مسكره بـ المفتاح ماتحاولوش
آيه:باهي مافيش مفاتيح احتياط ياعمتي
امنه :قلبت الحوش كله دسهم يابنتي واااه عليا من امس ماطلع صوتها
نور :عطوني توكة حديد كان عندكم
كريمه:شن بديري تو يخشو علينا واحد منهم
نور:شن تبي نخلوها الداخل ومانندروش حتي شن صايرلها من الضرب لكلاته
امنه:واااه عليا بنتي ياكريمه جلال حط فيها دم قلبه
نور:هيا اعطوني توكه
نحت الاء من راسها توكة حديد ومدتها لنور لخدتها وقعمزت هيا واكرام وقعدو يحاولو يفتحو لين نفخت اكرام:مايبيش يفتح
نور:مه مسكر بـ اكتر من طقه
امنه مسحت دموعها وشبحت لكريمه لقالت:اني نرعش خايفه حد يخش علينا
آيه:تي كلهم مهناش ياماما
اكرام رفعت راسها لـ الاء:جيبي جيبي موس نجربو بيه ولا شوكه
مشت الاء جري هيا وآيه وجابو موس وشوكة اكل وعطوهم لـ نور واكرام لقعدو يحاولو .
خبطت نور علي الباب وقالت بـ غيط :هدي بيبان حبس مش حياش ناس
ونفخت وهيا تنخلع بـ باب الحوش لنفتح عليهم واكرام لـ من الخلعه طاحت عليها ، وآيه والاء اول ماشافو محمود نقزو ورا كريمه وامنه لقعدت تشبح لمحمود لخبط الباب سكره بالقوه وهوا يضيق في عيونه وقرب يشبح لنور واكرام لوقفو وقال :شني اديرو
نور رفعت حاجبها :شن نديرو يعني بنشوفو البنت لقريب ماتت تحت ايدين بوك
شحتها كريمه من يدها التالي وفنصت فيها وهيا تتلفت لصيحت محمود لقال :سكري فمك انتي سكريه
وتلفت لـ امه وزاد علا صوته :وين مفتاح الدار
امنه:عند بوك مش عندي
محمود :كان ماقتلتها كلبة لكلاب هدي لبطيح روسنا
امنه خبطت علي خدودها:انت تبي تجلطني تبي تجلطني يقولو خو قتل اخته
بعدو لبنات بـ عيطه اول ما محمود ضرب الفازه لجنب الباب بـ رجله مع صوته لتعلا :نقتلها الـ... نقتلها هيا وولد الـ...
وقرب من الباب وقربع عليه :وتو تشوفي يا.... تو تشوفي نار جهنم علي يديا
وزاد قربع الباب بـ يديه وخش لداره وقربعها وخلا لبنات يشبحو لكريمه لحضنت امنه لقعدت تبكي بـ هستيريه وبـ وجع علي بنتها اللي حـ تشوف الويل ، بنتها اللي فتحت عيونها بـ تعب ووجع وهيا تسمع في عياط امها .
حاولت هنيده تقيم روحها بس اول ماتحركت طلعت انين وجع خلاها ترجع لمكانها وهيا تقيم فـ يدها بـ شويه وتمس في خشمها لحساته يحرق فيها واول مامساته وبعدت يدها شافتها ، شافت الدم لتحساساته من خشمها ، حطت يدها قدام وجها وغمظت عيونها مع دموعها لنزلو بـ عبرتها .
.
.
من لـسان هنيده ، حاجه مرعبه لما تعيشي في عيله تشوف في المرأة مجرد عار ، في عيلة خايفه من الشر لدير فيه ينردلها في بناتها، رعب وخوف كبير انك تعيشي في وسط عيله وتغلطي غلط صغير مجرد غلط صغير بس تلقي روحك مقتوله او مضروبه ضرب موت ، غلط صغير ممكن يغير قدرك يحرمك من الحاجات البسيطه اللي تقدمتلك في عيلة كل شي عندها حرام وعيب للبنت ، عيلة بناتها راضيين بـ حاجات اللي ماترضاش بيهم بنت في وقتنا هداكا ابدا ، بس حني بـ مجرد انه بنات العيله هدي عندنا شي كبير انه نقرو لثانوي بس ، شي كبير انه نطلعو لجنان في لعشيه بس ، شي كبير انه نمشو لحوش جدود امهاتنا في لعياد بس ، وشي عادي جدا انه نتزوجو قبل العشرين وهلبا حاجات عند غيرنا يعتبرو فيها جرم في حق الانثي .
.
.
غمظ عمر عيونه وطيف خيالها بين عيونه ، دموعها ، خوفها ، حتي عياطها ، ونبض قلبه مألم ، مألم لدرجه كان يلقا ينوض ويمشي يهد علي عمه وياخدها من بين يديه ومايخليه يمسها ، او يمد يده ويوجعها او يجرحها .
مسح عمر علي وجهه بـ يديه بـ غل وطلع تليفونه لـ شرين لخلاه ياخد نفسه ويرد :ايوه
جاه صوت القاسي :ايواً عموره ايواً
عمر :نعم ياقاسي شن فيه
القاسي ضيق عيونه :انت لشن فيك الباين عفاريت الانس يتنططو قدام عيونك
تنهد عمر وقال وهوا يكتم في عصبيته:ادوي ياقاسي خيرك
القاسي:باهي باهي وانت قريب يطربقلك عرق ، ياودي قبل مانتصل بيك عمورتنا التاني كان يكلم فيا
ضيق عمر عيونه :مني
القاسي:عمار
عمر ساوي تقعميزته طول وقال:خيره
القاسي:عرف بـ عملية اليوم
عمر خبط علي الدومان بـ يده بعصبيه وقال:الكلب من وين عرف من وين
القاسي:انتم لبتعرفو ياودي شكله فيه عقرب بينكم ياعموري وانتم مش داريين بيه
عمر شد علي قبضة يده وجي في باله محمود طول لخلا النار تحرقه ويزيد يضرب في الدومان بغيظ وهوا يسمع في القاسي لكمل :الموهيم يبيني نغدر بيكم ونبعت الشاحنات ونبلغ الشرطه عليكم ، وكل شاحنه بـ يعطيني عليها نص مليون ضعف حقها
عمر :وباه علاش جاي تقوللنا توا مافهمتش عليك
القاسي بتسم :جاي نقولك اني مش ولد كلب صح كلب فلوس الحقيقه يعني ، لكن علي ناس دون ناس ونتم ماتنباعو بـ فلوس وفوقها فلوس حرام لا والله مايكتبها علي لا عمار لا غيره
عمر خدي نفسه :راجل وربي رااجل
القاسي:اكيد راجل غصب عن انفك
عمر بتسم :مش عارف ياراجل عندك كل شي مهزله رانا في مشكله ، عمار اكيد مش حـ يعديها علي خير وجبـار لو يعرف بتنقلب لحفرة دم
القاسي هز راسه:يعجبني اني جبـار ايده والسلاح ههههه و الحل نلقوه ان شاءالله مع صلاة لعشي نوصل فيكم اني ونشوفو شن نديرو في عمار
عمر :شن رديت عليه انت
القاسي ضحك :قتله من عيوني غر جيب لفلوس بس حرام ودني بيهم اردهم عليه
ضحك عمر :هههههه وكيف بتاخدهم
القاسي تنهد :نفكرو نفكرو مع بعضينا حرام يضيعو علينا المليون ونص
.
.
.
فـي الليــل...
وقفت رنيم علي لمراية وهيا تساوي في شعرها المفتوح مع لويات بسيطه وترجع فيه ورا ضهرها ، وخدت الروج حطت منه علي شفايفها لي ولو حمر من صبغة الروج لحطاته علي الزيانه وبعدت ببتسامه لنعكاس صورتها لـ علي لمرايا وهيا تلف وترجع تشبح لروحها ، لقفطانها البسيط الاسود بـ كمام فضفاضه وكتاف باينات مغطيهم شعرها المفتوح ، و لمكياجها البسيط وتكحيلة عيونها لغمق عيونها لي ولو وكأنه لون البحر في ليالي قماريه هادئه بـ لونهم الازرق .
بخت رنيم من ريحتها لحطتها علي الزيانه وتلفتت طلعت من الدار ومشت للمطبخ وقعدت توتي في الطاوله لاول ماولعت الشموع انفتح باب الحوش لسمعاته ، زادو دقات قلبها وهيا تنهض في المبخره لبخرت بيها الصاله وسكرتلها ضيها ورفعت المبخره للمظبخ جري وهيا تسمع في رعد لصيح:رنين
رنيم طلعت من المطبخ ومشت لـ وسط الحوش وهيا تشبح لرعد لواقف قدام الدار وهوا لاهي في تليفونه وقالت :نعم
رفع رعد راسه فيها ورجع شبح لتليفونه بس فيسع مارجع رفع راسه وشبحلها بـ تضيقت عيون وقال :شن متت ولا شن اني
بتسمت رنيم وقالت :بعيد الشو عليك علاش شن شكلي يجيب الموت
حط رعد تليفونه علي الطاوله وهوا يرسم في بتسامه علي شفايفه وقرب من رنيم وقال :لا نحسابك حور العين والحور العين في الجنه مش عندنا وله
زادت ضحكت رنيم لسحرت رعد لجبدها وهوا يلف في يديه علي خصرها :شن درتي فيا انم اه شن درتي فيا
رنيم ضحكت ولفت يداها علي رقبته :نعوفش
رعد قرب وباسها علي خدها :امالا من ليعرف
رنيم نزلت يداهالصدره وبعداته شوي وشدت يده وجبداته معاها :تعالا
ضيق رعد عيونه ومشي وراها لصاله لاول مافتحت ضيها وشاف رعد الطاوله لمزينتها والشموع والجو الرومنسي رفع حاجبه وقال :شن صاير هني
رنيم :شوية وومنسيه
رعد شبحلها :اه وشن وراها هدي اسمعي كان بتستدرجيني باش نرفعك لـنور طيري الفكره من راسك وخليني نمشي نتمرقد
ضيقت رنيم عيونها وهيا تحاول تشد اعصابها وقالت من بين سنونها :رعد ممكن ماتخوبش علينا اللحظه
رعد :انم اني مانفهمش فيه الجو السحنتي الزايد قوليلي شن المناسبه باش نرتاح غير هكي مافيش
خدت رنيم نفسها وطلعاته مع صيحتها :تفوه عليت يارعد تفوه مدايوه هدا كله علي خاطو بنقولك اني حامل لكن انت مش وجه وومنسيات بكل
وخبطت رجلاها في الارض وقربت من الطاوله نفخت الشمعات وخدت تليفونها ومشت لدار وخلاته واقف مصدوم في مكانه ومافاقش بـ روحه الا بعد دقايق وهوا يبتسم ويتلفت يمشي لدار لفتحها بشويه وهوا يشبح فيها اتمتم بـ عصبيه وهيا تفتح في دولاب وطلع في توتتها لي لوحتها علي السرير وتلفتت للمرايه لي اول ماشبحت لنعكاس صورتها شافاته واقف قدام الباب ، زادت ضيقت عيونها وحولتهم من عليه وقعدت تحول في خراصاتها .
قرب رعد ووقف وراها وقال :بالحقا انتي حامل
رنيم حولت خرصتها وحطتها علي الزيانه بـ تقربيع عصبيه وقالت :لالا نكذب عليك
ضحك رعد لشدها من خصرها ولفها ليه ونزل قابل وجهه بـ وجها وقال قبل ماتتكلم :بتولي ام صغاري
غمظت رنيم عيونها وقالت وهيا تتصنع في العصبيه:رعد حول اني متعصبه ومش متحملاتك
قرب رعد وباسها بخفه علي خدها وبعد وقال :حاضر
فتحت رنيم عيونها علي عيونه المبتسمه وهوا يبعد عليها بشوي وقبل مايزيد يبعد شداته رنيم من يديه قبل مايحولهم من علي خصرها وقالت :فرحان
زادت بتسامت رعد لرجع وقرب منها :لدرجه مش عارف كيف نعبر
ضحكت رنيم ورفعت روحها علي روس صوابعها ولفت يداها علي رقبته وحضناته :نحبك اني
خدي رعد نفسه وهوا يحضن فيها ليه وهمس :حتي اني نحبك
.
.
القدر غذار ، يوهمك بـ حياة هيا مش مقدره ليك ، بـ حياة تفرح بيها وفي عز فرحتك يضربك كف يفيقك علي واقع مألم انت ساهي عليه .
.
.
ضحك بـ رفعت حواجب وقرب خبط عمر علي كتفه لين عمر تأوه وهوا يوخر :تي لا ياراجل
ضحك القاسي:لا يامامي ههههه تي اجبد روحك اجبد حني ماعندناش تريس يقتلها رصاص طايش
عمر هز راسه :ايه مه حني حديد مانحسوش
القاسي هز بـ حواجبه:عندك شك غر وين وين عريسنا
تلفت عمر وشبح جبـار لجاي مع عمه جلال ومؤيد اللي عيونه مبين فيهم الغضب اول ماشافه ، تحمحم عمر ومسح بـ يده علي شعره وطبس راسه لوطه .
قرب جبـار من القاسي لـ فتح يديه وقال :الي احضاني يامجرمي العزيز الي احضاني
ضحك جبـار لدفه وضربه بوكس علي صدره :هااا تبي نزيد
القاسي شد صدره وهوا يتأوه :رصاصه هدي مش ضربه
وتلفت لجلال وهوا ياخد في نفسه ويمسح علي صدره وقال:شن كنتو توكلو فيه ياعم باش ولا حديد
جلال :الله وعلم السر اندفن مع بوي الله يرحمه
ضحك القاسي :الله يرحمه شن حالك ياالعم
جلال قرب سلم علي القاسي من غير مايرفع عيونه في عمر لخدي بعضه وبعد وهوا يحط في سبسي في فمه ويطفي بيه نار قلبه الوالعه .
جلال:عاش من شافك ماتجيش الا كان فيه مصلحه وشن المصلحه لجاباتك
جبـار شبح للقاسي لضحك وهوا يسلم علي مؤيد لبتسم وقال :شن لمطر لصبت بيك عندنا
القاسي مسح علي لحيته وقال بـ ضحكه:حطيتوني مانجيكمش الا بـ المصالح لالالا الظليمه حاره
جلال ضحك :غر قول قول من غير الحبتين لتضحك بيهم علينا ياولدي
زادت ضحكت القاسي لقال:والله في هدي عندك حق يالعم جاي بنتمحلص منكم بالك عندكم بنيات لزيجه غر ننسترو في اخر هـ العمر
جبـار خبطه علي ضهره :ياسر ياراجل ها ياسر
القاسي:انت اسكت اسكت ياراجل وحل علي سمائي الزواج وتزوجت حتي قول ماقلت خايف علي روحك من العين مني معقوله
ضحك مؤيد:هههههه هلبا انت ياراجل ههههه
جلال طبطب علي كتف القاسي وقال :ومن يقول لنسبت القاسي لا عندنا بنيات انت غر اشر بس
القاسي:اشرت وتم يالعم كان عندك بنيه هي ليا كان مش حشمه تو نقولك هاتها من تو ههههههه
جلال شبح لـ عمر لجي في اخر لكلام وماسمع غير كلمت جلال لقال:وهيا ماتكون غير ليك من وين بنحصل زيك
القاسي بتسم وقرب باس راس جلال وقال :الله يعلي شانك يالعم اني لوين بنلقا زيكم
وتلفت لعمر لمضيق عيونه بـ عدم فهم وقال :شني مني ياطير
جبـار حط يديه في جيوبه وقال:ها كان كملت الها ها هيا ليل
ضحك القاسي وتلفت صفق لشباب :هيا هيا شبيبااا اليوم العرس عند عية الظاهر
قرب جلال من جبـار وقال :شن ناويين
جبـار شبح لعمه :الصبح تعرف
ومشي وخلا جلال يشبح لجبـار لخش ورا عمر والقاسي للمصنع ورجع تلفت لولده مؤيد وقال :وين مخويك
مؤيد:مش عارفه
جلال :حلو دقنكم حلو زيدو وقولو علاش جبـار والكلب عمر شادين كل شي وحني ماعندنا كلمه
ومشي وخلا مؤيد يتنهد وهوا يمسح علي لحيته .
.
.
.
بتسم القاسي وشبح لـ عمر وقال :مش قتلك يعجبني
عمر ضحك :غر اسكت ، باه والشاحنات والبضعه كلها بتريح علينا
جبـار رفع حاجبه وشبح للقاسي:لالا مايريح شي ها قاسينا عنده يدين في كل مكان
القاسي:هههه مش اكتر من يديك
عمر :تي ستنو شوي بس ره حتي عمار يديه ممدودات في كل مكان بتورطوه اليوم غدوه تلقوه قدامكم
جبـار:ويطلع ها اصلي نبيه يطلع لكن سوقه بـ يطيح من مزال بيتعامل مع مهرب سلاح
بتسم عمر وشبح للقاسي لصفر:هدا التفكير المجرم ههههه نوضو حيبولنا حويجه نشربوها من جيتي ماقلتو حتي نشربو قاسينا جغيمة اميه نوض انت وياه نوض....
.
.
.
#(للبـــ17ــارت)ـــع
#اليـَاقُــوت
________________________________
بداء كتابة الرواية في تاريخ 20 / فبــــ2ٰــــراير / 2020
تم انهاء كتابة الرواية في تاريخ 31 / مــــ5ـــايو / 2020