_
_
عشـَق فـي بِـلاد حُـروُبِـها لا تنتهــي 3
{ #جبــــار }
.
.
في الحلقة السابقة
رفعت حنين حواجبها :خيركم انتم خيركم هدا بدل ماتفرحي تهنيتي عليه وربي هداه وسيب لعفن لكان يدير فيه مع خوته تي بارك الله فيها البنت دارت اللي ماقدرتي اديريه انتي كـ ام
احلام ضيقت عيونها :تعايري فيا انتي شن هما كان قلتلهم بطلو لعفن لتبيعو فيه بيسمعو كلامي
حنين :ايه يسمعو كلنا نعرفو خوتي يخافو عدم رضاك كلهم عندهم حن عليك لكن انتي راضيه بيهم هكي انتي لتبيهم يتاجرو في المخدرات وعاجبك لفلوس لحرام لعايشين بيها
ووقفت وكملت والدموع في عيونها :ليديرو فيه خسرك كبدك خسرنا رائد اللي ماليشي ذنب في كل هدا فـ سيبي رعد في حاله واحمدي ربك انه ماطلعش زي ولدك السيفاو لكبر وشاب وهوا بروحه في الخمر هدا حتي الزواج مش قادر يتزو ج لا توا حتي عرسه كل مره يأجل فيه شهر لين يخرب بكل وتتهني انتي باش يقعد جنبك ويقعد يجيبلك في لفلوس لحرام
ومشت وخلت احلام ساكته وهيا تواجه في الحقيقه اللي عارفتها تلفتت لساجدة وقالت :ريتيها وله ولا عندها لسان
ساجدة : كلامها كله صح خليهم في حالهم ياامي خليهم يمشو ويرتاحو ويربو صغارهم ياسر حني تربينا يتيمين الاب برغم انه عايش بس هارب من اللي يدير فيه خايف يشدوه وماخاف علينا
البـــ{الــرابع}ـــارت
.
.
وقفت رنيم اول مارعد قعمز جنبها وكانت بتمشي بس رعد شدلها يدها :رنين من غير جو زايد
شبحتله رنيم برفعت حاجب :من لي يديو في الجو الزايد اني ولا انت اه نقولك ارفعني لعند اختي تنوض تصيح ومووح بيا من عزي بابا من تاني يوم لين قعدو يدوو عليا
تنهد رعد وجبدها وقعمزها علي رجليه ولف يديه علي خصرها وحط راسه علي كتفها :خليهم يدوو
رنيم بعدتله راسه من علي كتفها وقالت :كيف نخليهم وباه يملحو هما بس اختي غادي وقبتها بين يديهم ويبو يجوزوها غصب عليها ومانعوفش شن صايو فيها خليتها في حاله مايعلم بيها الا وبي
رعد تنهد:انم ماعندي مانديرلها اني هما ولاد عمامها وعمامها اني مانقدرش ندخل
رنيم :باه اني نقدو ندخل نبي نمشي بنتكلم مانبيش اختي تغووق في لبزهم وجومهم ياسر ماصاو فيها
رعد :رنيم افهميني اني مانقدرش نخاطر ونرفعك غادي تاني
عيطت رنيم بنفعال ووقفت :علاااش علاااش انت ماتحسش انت اناني يارعد اناني
رعد علا صوته اكتر منه :ايه اناني اناني فيك انتي اني مش مستعد نرفعك عندهم وياخدوك مني تي ولد عمك ولدالـ...... هددني وقالي بصحة وجه بياخدوك ومايبو نسيبتي قالهالي وعيني في عينه انه نطلقك
خدت رنيم نفس وهيا تحاول تستوعب لقاله :كيف
رعد طبس راسه وهوا يمسح علي وجهه :زي ماسمعتي
رنيم :شن يحسابو ووحهم هدو شني
رفع رعد راسه فيها ورجع جبدها ليه :اني مانقدرش نعيش من غيرك انتي النور لضوي حياتي مانبيش نخسرك يارنين مانبيش نولي للحياة لكنت فيها مانبيش نظلم روحي تاني ونظلم عباد ربي خليك جنبي وماتعاندينيش
حضناته رنيم:رعد اني خايفه
بعدها رعد ورجع قعمزها علي رجليه وشد وجها بين يديه :ماتخافيش مدام اني معاك مستحيل حد يقربك
وقرب باس جبهتها وكمل :تمام
هزت رنيم راسها وتنهدت :قلبي عند نور
رعد :حاولي تتصلي لين ترد ولا حاولي مع مرت جدك
رنيم :الزوز ماردوش بس تو نزيد نحاول
خدت تليفونها من علي السرير وحطت علي رقم نور وقعدت تحاول وهيا قعده بين يدين رعد .
.
.
أنت تقرأ
عشق في بلاد حروبها لا تنتهي 3 (جبار)
Actionلا تُحــدتَّني عن العشــق ، فَـ أنا في بِــلاد فـي إِحدا بُنُــود دستُــرِها حرمته🤚🏻💔 . روايــة عشـق في بـلاد حُروُبـها لا تنتــهي تعود بـ جزئها الثـ( 3 )ـالت ، وبـ محتوه قـوي ، و بـ قـصـة عشق حقيقيه من واقعـنا المألم 💛 #كتابة_الياقوت
