ياسه|YASA

الفصل الاول

ياسمين: مااعرف اذا اوفق عليه او لا محتارة🤔
عسل: مبين خلوق وشاريج وهو لامغصوب ولا مراهق
ياسمين:اعرف بس عسل واحد بمواصفات عمر يباوع الوحده مثلي شكد مااحاول اعقلها مترهم ابد
عسل:ليش متكولين رزق وعوض من رب العالمين الج علئ العذاب والالم الشفتي بحياتج وبعدين شخصيتج تخبل والف واحد يتمنئ اظفرج ياسه😘😘
ياسمين:ونعم بالله بس عمر حلم مستحيل يتحققلي لحد الان مااصدك هو رايد يزوجني صدك اريد واحد😂😂😂مااريد الف تسلميلي عمري❤️
عسل:وبدأ الحلم يتحقق حاولي تفرحين وتعوفين المخاوف وكوابيس
ياسمين:الله كريم باجر راح احاول اروح اله ونشاوف واشرحله وضعي بتفصيل لان مااريد اظلمه وياي وخاف باجر يكول غشوني علئ كولة المصريين الاول شرط اخره نور💫
عسل:وليش اتشرحيله من الاساس وتفتحين عيونه علئ اشياء احتمال بعمره كله لاراح يشوفها ولاتخطر باله اصلاً
ياسمين:لعد تريدني اظلمه وياي حتئ رب العالمين ميباركلي بزواجي وبعدين شنو ميشوفها اني مشلولة عسل مااكدر امشي بدون عگازه💔
عسل:ماشي حبيبتي سوي اليعجبج يله تأخر الوقت لازم انام تصبحين علئ خير
ياسمين:وانتي من اهله بقيت افكر اخذت تلفوني وكعدت ابحث علئ اسمه بلفيس بوك عمر ال.....طلع الي بقيت اگلب بصوره الطول يخبل والبياض وعضلات والشعر واللحيه يشبه الممثل السوري(يامن الحجلي)❤️ يالله معقولة اذا يصير زوجي😍😍الله كريم
سامر:ابو خطاب الورده الك وحشه
عمر:حبيبي الباشا مشتاقلك والله بس ظروف الشغل مدالحك اشوفك نزلنا اركيله
سامر:من عيوني احلئ نركيله لااحلئ ابو خطاب صدك احجيلي شلونه دوامك بجامعة الجديدة
عمر:تسلملي يابطل زين لابأس نفس الدوخة
سامر :لك اموت علئ الدوخة والوجع مال الراس اليجي من وراه الحلوات والله انت محظوظ بنص البنات  بس وجهك فگر مومال نعمة
عمر:كولشي يصير روتين ينمل ويفقد رونقه يعني يجوز هسه انت تحسدني بس لمن راح اصير بمكاني راح يكون رأيك مثل رأي وخصوصا اذا جنت استاذ مو طالب
سامر:عمي قابل حتئ امسحلك الميز مالتك بس اخذني وياك يوم واحد 🥺
عمر:هههههههه اخذك فديوم تدلل
سامر:عمور بشرفك ماعاجبتك وحده مستحيل ماكو وحده مالفتت نظرك
عمر:اكو وحده بالي ان شاء الله احجيلك عنها بس يصير الموضوع جدي
سامر:ان شاء الله
عمر:يله اني اروح باجر عندي دوام تصبح علئ خير
سامر:بخت ولو بعد وقت اجمعين
ياسمين:كعدت الصبح مرعوبه شلون راح احجيله عن مرضي وكل نقاط ضعفي يالله ساعدني القوة يارب لبست بنطرون اسود وقميص وردي ولفيت الشيله اسود لونها ومكياج خفيف بس ماسكاره ومورد خدود وحمره حضرت  جدولي وطلعت اتريك ماما مطلعني اذا مااتريك سويت لفة جبن وچاي اكلت وشربت علئ السريع وغسلت لان بابا يوصلنا اني وعسل ويروح لدوامه هو مدرس بااعداديه من اعداديات بغداد عسل اختي الصغيره مرحله اولئ تحليلات مرضيه واني مرحلة رابعة قانون ماما ربه منزل خريجة ادارة واقتصاد وجانت موظفه بااحد المصارف بس من اجيت علئ الدنيا كرست حياتها الي تعبتهم وياي راح تعرفون قصتي مع الايام وصلنا للجامعة ودعت بابا وخلت بس يمكن جان كلبي يدك100دقة بدقيقة شلون راح اشرح لدكتور عمر وضعي وخصوصا ماعندي اي تجارب عاطفية حياتي عبارة عن اطباء بيت دراسة عمري مافكرت ارتبط بشخص لان معوده نفسي ماافكر بلمستحيل واذي نفسي ابد
غسق:الحلو وين صافن نحن هنا انطيني بوستي😘😘
ياسمين:هلو حبيبي شلونج 😘😘لابس داافكر باامتحان دكتور مؤيد حيل خايفة منه
غسق:يمعوده هو هذا اسلوبه يرسبنا كلنا وبعدين ينجبر ينجحنا لان القسم بجبروو ويضل يمن علينا بدرجات الي خلص عمره كله يقرا علئ ضوء العمود لج عوفينا من مؤيد احجيلي بلكب كيك عمر فدوة اللله شكد حلوو وينحب امنيتي اعرف معلومات عنه لج متت بس اريد ينتبهلي ماكو تكولين غشاء خالين اله حالتي وياه حالة سيرين عبد النور بااغنيتها(لو بص بعيني)
ياسمين:هههههه مسكينة وعلموده لابسه هذا الفستان بهلبرد
غسق:اخ لوبيدي انزعله بس نظره منه
ياسمين:صح ضحكت بس لمن صديقتي الصدوقة خاله عينها عليه وهي اية من الجمال مقارنةً بيه صح اني بيضه وطويله طولي ووزني وسط عيوني يسموها(شهل)خضار ع صفار وشعري اسود كيرلي طويل بس مو بجمال غسق 💔
ياسمين:صباح الخير
حسن:صباح الانوار علئ احلئ ياسه بلكون كله ياسمين الغالية
ياسمين:حسن سلامك الحار وراه مصلحة اكيد شتريد
حسن:اكعد وراج بل امتحان الله يخليج والله مؤيد الامتحان الفات انطاني-15ال£>>~~>>من15
ياسمين:لسانك اش اش احنا بشعبة مو بشارع
حسن:شسوي ياسه والله من حرگت كلبي والله وراه الامتحان اعزمج بستنر اي شي اطلبين🙏🙏🙏
ياسمين :والله اخاف منه لدكتور مؤيد اذا لكفني اعيد السنة بسببك حسن يااكل ياسنتر اني راح جهازي الهضمي ينگلب من وراك
حسن:مستحيل يفكر بيج انتي شاطرة ويحبج لخاطري الله يخليج
ياسمين:ماشي
ياسمين:كملنا الامتحان وكلت اروح واحجي وياه لازم لان الكليه حتئ بديت اخاف منها
ياسمين:دامشي لاكتني غسق
غسق:هاولج وين رايحه تتمشين وحدج
ياسمين:ااااا اريد احجي ويه دكتور مؤيد خربطت بااماكن الاسئلة بس حلي صح اريد انبه حتئ مينقصني
غسق:خوش انتي روحي علئ مؤيد الحقنه واني وياج بس اشوف عموري ولو لحظه مو همه بنفس الغرفه
ياسمين:اوف ياربي هاي شلون اخلص منها بعدني داحجي جان اسمع صوت نهئ صديقتنا الثانية
نهئ:صباح الخير كلبات شلونكم
ياسمين:الحمدالله
نهئ:ياسه عادي بس محتاجة غسو شويه ونرجع
ياسمين:اه واخيرا اتنفس الصعداء خلصت اي حبيبي اخذيها
غسق:مو وقتج ابد ننو ياسه لاتروحين بدوني😉😉شويه وارجعلج
ياسمين:ابتسمت بس طلعو رحت للقسم ولغرفتهم بس شعوري مثل الواحد من يأخذونه بطريق المشنقه وصلت للباب ايدي ترجف دكيت جان يكول ادخل
ياسمين:فتحت الباب جان اشوفه وحده كاعد علئ ميزه ويصحح اوراق ويشرب كهوة كتله صباح الخير استاذ
عمر:صباح النور ياسمين شلونج
ياسمين:الحمدالله بخير وانت
عمر:الحمدالله فكرتي بلموضوع
ياسمين :اني هنا انتهيت كمت كوه ابلع ريكي وكمت اعرك مع انه الجو شتاء
بس استجمعت قواي وكتله حابه احجي وياك بلموضوع
عمر:اوكي واني جاهز شوكت متحبين موجود
ياسمين:مااعرف اختار انت الوقت استاذ
عمر:تمام اليوم نطلع نغده سواه وراه الدوام
ياسمين:ياريت قبل نهاية الدوام لان بابا يجي ياخذني
عمر:اني عندي بس هاي المحاضرة ووراها فري وانتي
ياسمين:اني هم بس هاي المحاضره وبعدها اكدر اطلع بس الطلعه من الكلية شلون وصديقاتي
عمر:لاشيلين هم اني اضبط كلشي بس المهم ماكو محاضرات عندج
ياسمين:لا ماعندي
عمر:انطيني رقم تلفونج حتئ اكلج وين توكفيلي
ياسمين:انطيته رقمي واني مرعوبه بعمري مطالعة ويه ولد غريب بس ردته يشوف معاناتي ويبعد عني لان عمر حلم ومستحيل يتحقق حلم ولازم اصحئ منه
ياسمين:اتصل عليه واتفقتا وين اوكفله مشيت الحمدالله لاغسق ولانهئ ماكو احد
اجه بسيارته جانت (سورنتو)عاليه وهنا شلون اصعدها واني متعوده سيارة بابا صغيرة وميغيرها علمودي
عمر:اساعدج اتظري
ياسمين:بس صعد العكازه بلازحمة
عمر:تمام بس اصعدي ورايه علمود الامنيه
ياسمين:كوه صعدت السياره
صعد هو من وصلنا للباب
عمر:حاولي ادنكين بس نعبر
ياسمين:دنكت واني اكل بنفسي شجاني ارفضه وخلي يولي بعمري مطالعه ويه احد تاليها اطلع ويه استاذي ووحدنا
عمر:ارفعي راسج عبرنا الكلية اي ياسه شلونج
ياسمين رفعت راسي وبقيت مصدومه ياسه😮😮 كتله الحمدالله دكتور
عمر:حاليا احنا خارج الكلية يعني عمر وياسمين اولا وثانيا طالعين نسولف بمشروع زواجنا
ياسمين:😳😳😳دكتور اااه اقصد عمر اني مااصلح الك زوجة
عمر:ليش
ياسمين:لانو اني من ذوي الاحتياجات الخاصه وانت شفت حالي سياره كوه صعدتها
عمر:وشنو يعني باجر ابدلها وانتي تختارين الي يريحج
ياسمين:هذا مختل لو شنو عمر اني مسويه10عمليات ومرضي مابي اي امل للعلاج وهواي اشياء مااكدر اسويها
عمر:اعرف كلشي عنج واعرف مرضج ماله علاج يعني شنو متكدرين&&$$&&$
ياسمين: علئ فكره انت قليل الادب ومتستحي وبعدين ماداخله بعقلي واحد هو دكتور واخوه دبلوماسي وابوه قاضي متقاعد واخوه تاجر سيارات يريد يزوج وحده مثلي مابيه اي مميزات
عمر:كلامج كله صح راح اكون وياج صريح مااكلج حبيتج بس عجبتني اني اريد زوجه مو عارضة ازياء ولافول مواصفات علمود اهلي اريدها تكون مثقفه ومؤدبه وتصوني وتصون بيتها اريدها ضمن مواصفاتي اني مو اهلي
ياسمين:ولو اكو هواي بنات بهيج مواصفات ليش
عمر:بس اني اعشق الاختلاف والشي النادر وانتي نادره ياسه وين حابه نكمل كلامنا ونتغده
ياسمين:رجعني للكليه مااريد
عمر:ليش بعدنا ماكملنا كلامنا
ياسمين:كتلك رجعني مااريد اكمل بشي ميصير
عمر:تأمرين ست الحسن
ياسمين :اوووف.

يتبع.....