Unicode
စောင့်နေတယ်ဆိုတဲ့ စကားလေးက တကယ်တော့ နွေးထွေးပါတယ် ။
Injun ကိုယ်မင်းကို အခုထက်ထိ စောင့်နေတယ် ။
***
စာအုပ်အားပိတ်လိုက်ရင်း ပါဝါမျက်မှန်အောက်က မျက်ရည်ကြည်တို့အား သုတ်ကာ ကျွန်တော်ပြုံးပြလိုက်သည် ။
၁၈နှစ်တောင်ရှိသွားပြီ Injun ။
မင်းမပါပဲ နေ့ရက်တွေကို ကိုယ်ဖြတ်သန်းခဲ့ရတာ ၁၈နှစ်တာကြာသွားပြီ ။
၃၇နှစ်အရွယ် လူတစ်ယောက်က သန်မာတုန်းဆိုပေမဲ့ ကျွန်တော်ကတော့ စိတ်ထောင်းလို့ကိုယ်ကျေဆိုသလို အနည်းငယ် အဖြူဘက်သန်းချင်နေတဲ့ ဆံပင်တွေကိုလည်း အနက်မဆိုးဖြစ်တော့ ။
Injunအရိပ်တွေရှိနေတဲ့ ထိုအိမ်လေးမှာပဲ ငြိမ်းချမ်းစွာနေပြီး ပန်းပင်တွေသာ စိုက်ပျိုးနေတတ်သည် ။
တစ်ခါတစ်ရံ ခြံအနောက်ဘက်က Injunအုတ်ဂူလေးနားမှာ စကားပြောပြီး အဖော်ပြုဖြစ်သည် ။
မိုးလေးက ခပ်အုံ့အုံ့ ။
မှန်တွေကာရံထားတဲ့ အခန်းလေးကနေ မှိုင်းမှောင်နေတဲ့ ကောင်းကင်ကို မော့ကြည့်ပြီး သက်ပြင်းမောတစ်ခုကို ချမိတယ် ။
မကြာခင်မိုးရွာတော့မှာပဲ ။
" ကိုလေး "
ခေါ်သံကြောင့် လှည့်ကြည့်လိုက်တော့ Chenle ။
တစ်စုံတစ်ခုအားကိုင်ကာ အခန်းထဲလှမ်းဝင်လာသည် ။
" ကိုလေး ဆေးသောက်မယ်လေ "
" ငါသောက်ပြီးပြီ "
" ဟောဗျာ ဘယ်တုန်းကလဲ "
" စောစောကလေးတင် "
" အော် ၊ မိုးရွာမယ်ထင်တယ်နော် ကိုလေး "
Chenleလည်း ကျွန်တော့်နည်းတူ ခန့်မှန်းနေသည် ။
" Jisungထီးပါသွားလား "
" မပါသွားဘူး ကိုလေး ၊ သူပြန်လာတဲ့အချိန်ဆိုရင်တော့ မိုးစဲလောက်ပါပြီ "
ကြည်လင်တဲ့မှန်တံခါးဆီ ရုတ်ချည်းလာစင်တဲ့ ရေစက်တွေ ။
ပြောရင်းဆိုရင်း မိုးရွာလာပြီ ။
YOU ARE READING
မျိုးရိုးက အထက်တန်းစား [ မ်ိဳးရိုးက အထက္တန္းစား ] [[ Season -2 ]]
RomanceUnicode ကိုယ်ကမင်းကိုသိပ်ချစ်တာ Injunnie••• RenMin💚 Zawgyi ကိုယ္ကမင္းကိုသိပ္ခ်စ္တာ Injunnie••• RenMin💚