حيـاتي كذبة - مـكـتـمـلـة - يـاسـمـين سـامـح

الفصل السابع"إحياء"

#رواية_حياتي_كذبة 💔
الفصل السابع
مروة : اية تاني هوه في حقيقة كمان ؟
ماجد بجدية : اه بس هتعرفيها النهارده بليل
مروة باستغراب : انت بتقول اية  ؟ انا مش فاضية بليل انت عارف اني بروح عند مامي و بابي بليل مش هروح في أي حتة غير هناك
ماجد : مش هتحتاجي تروحي هناك
مروة بصدمة : في اية يا ماجد ازاي تقول كده جالك قلب تقولها
ماجد : لأن كان في مشكلة و هتتحل
مروة : مشكلة اية الي تبعدني عن أهلي
ماجد : مهي المشكلة اصلا في أهلك
مروة : ازاي يعني ؟ شكلك منمتش النهارده و عمال تخرف روح نام يا ماجد ثم بنبرتها الحزينة : انا اهلي ماتوا و مفيش حد منهم تبقى غيرك انت حتى اختي مش بتسأل ولا هيه هنا و لا جت الجنازة من اساسه فكله عندي مات الي تبقى هوه انت
ماجد : لا مش انا بس و كل حاجة هترجع ارتاحي بس علشان الصدمة بليل
مروة باستغراب :صدمة تاني
ماجد: المرة دي هتبقى احلى صدمة في حياتك
مروة : طب انا هروح لمامي و بابي دلوقتي علشان مش هعرف اروح بليل
ماجد: براحتك بس مش لازم
مروة باستغراب تام : ليه تاني ؟ بص انا هروح سلام
ماجد: براحتك متتاخريش عن 5 علشان الحقي تريحي علشان تكملي بليل لأنك صاحية 7 و نايمة متاخر و ده مش نافع
مروة : ماشي اعتقد هلحق الساعة داخله على12
ماجد : طيب يا قلبي الصغير انتي
قبلها اخها على مقدمة رأسها بلطف و تركها تذهب
ذهبت مروة و هي لا تضع الميكياج كعادتها في هذا اليوم خصوصا و العباءة السمراء الخاصة بامها التي لم تلبس غيرها و هيه ذاهبة إليهم و لم تنسى هدايا والديها -الخاتم و السلسلة- ثم ذهبت
راقبها ماجد إلى أن وصلت ثم عاد إلى البيت و قال : الخبر مش هيكون سهل عليها و انا متأكد هتصل بيها علشان اقولها اني مهدت للخبر
أمسك ماجد الهاتف ثم قال : خلاص انا بدأت الخبر بس شكلها مفهمتش بس معلش انتي دماغك ناشفة يا رانيا في حد يعمل العمله دي دى انا و الله صدقت لغاية أما لقيتك امبارح بتتصلي فزعتيني يا شيخة
رانيا بضحك :😂😂😂 عارفة بس انا كنت لازم اعمل كده لمصلحتها
ماجد: عارف بس هيه صراحة كانت مقطعة نفسها معرفش هتعمل اية لو عرفت ان كل ده تمثيلية
رانيا: والله كل السنين الي فاتت دي علشانها و أما اتاكدنا قلنا نرجع علشانها
ماجد بقلة حيلة : ححححح ماشي خلاص معاكي بابا و صاحبه
رانيا : أيوة
ماجد : تمام ربنا يوفقوا
رانيا : يا رب
ماجد : احم نسيت اقول انها راحت تزور القبر برضو
رانيا : مش مشكلة سيبها
ماجد : تمام هشوفكوا تاني
رانيا : طبعا يا قلب ماما يلا سلام
ماجد: سلام
و مضت الساعات إلى أن وصلت الساعة 5
رجعت مروة ثم ذهبت إلى غرفة  النوم دون إضافة كلمة مع ماجد
ماجد : تصبحي على خير هصحيكي بليل
مروة و هي تتثائب: ماااااااااااااشييييييييييييي
و ذهبت للنوم مستسلمة ذهب ماجد ليطمئن عليها بعد نومها و بعدها أخذ سيارته إلى المطار ليطمئن وصول العائلة بسلام ثم ذهب إلى المنزل و دخل غرفتها و مسح على رأسها و قال : انا زيي زيك لسة عارف امبارح اية الي خلاهم يعملوا كده معرفش بس بتقول انه لمصلحتك
مرت الساعات إلى أن أصبحت الساعة 8 و النصف
أيقظ ماجد مروة ثم قال لها : يلا قومي و اغسلي وشك و البسي الفستان ده و في واحدة هتعملك ميك أب و كمان شعرك
مروة : لا يا ماجد مش ف اليوم ده
ماجد : اسمعي كلامي بس
مروة بعناد : عمري ما هعملها
ماجد : علشان خاطري و خاطرهم و اذا كنتي بتحبيهم هتعملي الي بقولك عليه ده عيد ميلادك برضو
مروة : حاضر علشانك و علشانهم
فرح ماجد ثم نادى على الفتاه تركها هيه و اخته لتتجهز
جهزت مروة ثم خرجت و كان الباقي عشر دقائق حتى تنصدم فعليا
ماجد و هوه ينظر للساعة : عايزك يكون قلبك جامد و تبقي قدها
مروة و لازالت علامات الاستغراب على وجهها : خير يا ماجد
ماجد : انا متأكد أن الصدمة هتعجبك
مروة : ماجد بطل الغاز فيه اية ؟ انا مش فاهمة حاجة
ماجد : أهي الساعة بقت 9 هتفهمي كل حاجة
مروة : انت ليه محسسني ان بابي و مامي هيطلعوا من القبر
ماجد و هوه يموت ضحكا : هتعرفي
مروة : طيب هروح اجيب الشوز بتاعي علشان ضيوافك الي جايين
ماجد : هما مش ضيوفي انا بس ما علينا متتاخريش
مروة : تمام
ثم أمسك بالهاتف و اتصل بشخص و قال : ها احنا جاهزين
الشخص : تمام احنا بنقرب من الشقة اهو مروة معاك
ماجد : اه معايا و جاهزة
الشخص : تمام مش هتاخر
ماجد: يا رب بس تفهم أن كل الي حصل علشانا
الشخص : امين احنا على الباب خليها هيه الي تفتح
ثم ها قد دق الجرس
ماجد متصنعا الانشغال : افتحي انتي يا مروة
مروة : اوك انا هفتح
و كانت المفاجأة على الباب أحد ما على الباب : وحشتيني ❤
انتهى الفصل السابع
#ياسمين_سامح