البارت الثاني والعشرون
تصويت +تعليق
الدنيا ليل الكل نام وانى مااكدر انام
شلون انام وابويه الغالي بالقبر
اليوم اله اول ليلة بالقبر اه
البيت صار مخبوص من النسوان
بيبي ام ماما ونسوان عمي وخلاتي وعمتي ام قصي
ناموا بالصالة وبالغرف توزعوا
كمت من الفراش مخنوكة شلون تغمض عيني و بابا ميت احس البيت وحشه من دونه
احسه يصحلي زينب وينج
باوعت للساعة ٣
طلعت بالحديقة ابجي اووف يا بابا انعمت عيني قبل لاشوفك ممد بالتابوت
سمعت صوت بالباب لمطبخ
مصطفى منو بالحديقة
زينب انى
مصطفى زينب ليش كاعده وحدج
زينب شلون دفنته بالقبر شلون كلبك انطاك
مصطفى وهو يحضنه والله مو بيدي عبالج مازعلان عليه والله تكطع كلبي مم اتصلوا عليه وكالوا ابوك مات
زينب انته هسه اريدك رجال مم ظهر رجال امسح دموعك لاتخلي احد يشوف دمعتك
تريد تبجي ابجي حدك لاتخلي الناس تشوفك ضعيف
باجر ثانى يوم العزا اريد يكولون نعم التربيه اللي خلف ما مات شنو صار بالدفنه
مصطفى والله لو ما ادهام وحسين وقصي ماجان عرفت اسوي شي وكفوا وياي هم المتصدرين بكل شي
زينب اعرف شفتهم من انته ماجنت موجوده
المهم اسمعني باجر راح اروح للبنك حتى اسحب فلوس
للعزا اريد الكل تحلف بي مااريد شي ناقص
مصطفى تمام بس عزا الزلم وين ناخذه
زينب والله مااعرف شوف ولد عمك وعمك اسألهم
وهم يفهموك
مصطفى الاكل وين راح ينطبخن
زينب والله مااعرف
فاطمة جنت كاعده بفراشي ابجي بسكوت الكل نايم
فوك انى والبنات نزلت جوه اريد انام بحضن زينب
شفت مالكيته بفراشه تلمست اخاف لا اكع على احد الكل نايم والدنيا ضلمه
طلعت ولكيته هي و مصطفى بالحديقة
فاطمة ليش مانمتو لحد هسه
زينب انتي ليش مانمتي
فاطمة مااكدر اغمض عيني
