البارت الواحد والاربعون
كل عام وانتم بخير ينعاد عليكم بالستر والصحة والعافية والله يبعد عنا كورنا ويضل العراق بخير وسلامة يارب
ام ادهام تعالي يمه فاطمة هذي هدية صباحيتج
فاطمة محبس ذهب تسلمين خالة بس ماكان اله داعي
ام ادهام لايمه هاي صباحيتج الله يسعدك
فاطمة يسعدنا جمعيا وتضلين خيمه النه
ام جابر ياخيتو شوفيها شلةن تتحيل
صح لو قال ابو المثل مكرهن هد الجبل حتى اللي بطن امه نهبل
ادهام السلام عليكم
الكل وعليكم السلام
ادهام الف مبروك فاطمة
فاطمة الله يبارك بيك
ادهام تفضلي هاي هدية صباحيتج
ام ادهام اخذيه يمه مايصير تردينه
ادهام انتي صرتي منه وبينه احنه هسه مثلج اهلج
فاطمة واعز ان شاء الله
رانيا دخلت بشهر الرابع بالحمل بس حسيت نفسي
ثكيله هذا الشهر كلش تعبانه وبطني كبرت بشمل مو طبيعي يعني ليشوفه يكول بشهر السادس مو رابع
وابني يزن كلش متعبني ميقبل يجي
جديته وعمته يحجون يكلوله امك راح تجيب ولد وتعوفك يبجي ويضرب على بطني
بس الحمد لله هو متعلق بقصي
وقصي كلش يحبه وحنين عليه بشكل مو طبيعي
اما اسماء كل ماتطلع لسوك تجيب ملابس لطفل
ولحد هسه مانعرف ولد او بنتنزلت عليه ادوره بالمطبخ مالكيته بالغرفة هم ماكو
طلعت للحديقة لكيته شايله تلفون وتبجي
رانيا اسماء ليش تبجين
اسماء كلشي ماكو طبي جوه لاتبردين
رانيا منو هذا الطفل الي بصوره ابنج الله يرحمه
اسماء لا يمه اسم الله هذا ابن اختي
رانيا اي وليش تبجين عليه
اسماء اختي المرحومه ابنه ماشايفيه صارلنه 3سنين
رانيا شلون ماتت
اسماء بسبب القصف
ساكنه بالانبار يم اهلي
وجانت حامل ابنه ثاني حامل بالسادس ومسيره على اهلنه راحت مشي واجته شظايا فتحت بطنه
رانيا دموعي تنزل وهي تحجي وتبجي
اسماء وثالث يوم العزا حماها تزوج شفتي هالعين الصلفه ماكو بكلبهم رحمه