البارت الواحد والخمسون
زينب رحت لطبيب اخصائي
دخلت وكتله الاعراض وانطاني ورقه مكتوب عليه اسماء تحاليل
رحت للمختبر بنفس العيادة وسويت التحاليل
ورجعنه للدكتور
الدكتور انتي شلون ساكته على حالج كل هالفتره
زينب مافهمت دكتور
الدكتور شكد صارله عندج
زينب تقريبا يومين
الدكتور والله مااعرف شنو اكولج
مصطفى دكتور طمئني الله يخليك
الدكتور التحاليل تكول عده سرطان الدم
زينب حسيت الدنبا ادور بيه تخايلت رسول واكف هو وبابا وماما هه راح اجيكم حبايبي
باوعت لمصطفى الدمعة بطرف عينه والدكتور يصبر بي
انى المريضه مو هو
مصطفى دكتور الله يخليك شوف التحاليل زين
والله تعبت كل يوم دافن واحد من عائلتي ماضل بيه حيل
الدكتور لاتيأسوا من رحمه الله
زينب ونعمه بالله
مصطفى دكتور بس فهمني نطلع للخارج
الدكتور النسبه كلش عاليه عدهه وهي اتأخرت من اجتي تفحص راح ادزكم على دكتور اخصائي بهيج حالات هو يكدر يساعدكم
مصطفى شكرا الك دكتور يله زينب
زينب حيل مابيه اكوم
مصطفى زنوبه يله
زينب اي يله
مصطفى صدكيني راح تتعالجين وتصيرين بخير
زينب الحمد لله اصلا انى ماخايفه والله
مصطفى كولي يا الله
والله ثم والله اطلع بيج للخارج اهم شي صحتج
زينب رسول عالسريع وكف سيارة دخت
مصطفى اي هسه اكعدي اهنا هسه اجيبلج شي تشربينه
زينب لا مااريد افطر اخذني للبيت
مصطفى ان شاء الله
زينب رجعنه للبيت ردت اسوي فطور بس مصطفى ماقبل
مصطفى هسه اروح اجيب من المطعم انتي ماليج حيل
زينب لاتحسسني انني عاجزه
مصطفى زينب والله تعبت من رجعنه للعراق واني ماشفت الخير اول شي بابا بعد ه رسول والله خايف لااخسرج انتي الشي الوحيد الحلو اللي باقي بحياتي
زينب لاتكول هيج عندك ناس هواي يحبوك
مصطفى كلهم مو بعيني انتي امي اللي ربتني
اللي احس بالامان من ادخل للبيت انتي انطيتيني حنان الام والاب من جنت صغير
